جۇما, 29 ناۋرىز 2024
ءوز ءسوزى 7392 0 پىكىر 31 جەلتوقسان, 2014 ساعات 14:58

وقىرمان حاتى: ABAI.KZ ۇجىمىنا العىس!

الەمدىك كۇنتىزبەگە ەنگىزىلگەن جاڭا جىل دا تاياپ كەلەدى. 2014 جىل بەلەسىندە ەلىمىزدە اتقارىلعان يگىلىكتى ىستەر جەتەرلىك. مەن دە مەملەكەت ساياساتىن، سونىڭ باستى ۇيىمداستىرۋشىسى-ءىرى تۇلعا ەلباسى ۇستانىمىن قولداپ، بارىنشا ەڭبەك ەتتىم.

ەندى ايتايىن دەگەنىم، جۇرتشىلىق مەنىڭ كەزدەيسوق ءبىر ازامات تاراپىنان زاڭسىز قۋدالانىپ، جۇمىسسىز قالعان جايىمنان Abai.kz ينتەرنەت پورتالىندا جاريالانعان «ەگەمەننىڭ» ەكس-ءتىلشىسى اراشا سۇرايدى» دەگەن جانايقايىمنان تولىق حاباردار دەپ ويلايمىن. نەگىزى، بۇل الەۋمەتتىك جەلى جالعىز مەنىڭ عانا ەمەس، قالىڭ بۇقارانىڭ ءۇنىن جەتكىزەر ەلىمىزدىڭ ءدال قازىر الدىڭعى اقپارات قۇرالىنا اينالدى دەسەم، ارتىق ايتقانىم ەمەس. مەنىڭ عانا بالدارىم ەمەس، بۇگىنگى جاس ۇرپاق بۇل ۋاجبەن ءسوزسىز كەلىسەدى. ويتكەنى، ولار قۇرعاق ۋادەگە ەمەس، ناقتى ىسكە سەنىم ارتادى. بۇل تۇرعىدا Abai.kz الەۋمەت ءۇنىن بيلىككە جەتكىزۋ بويىنشا ءوز مىندەتىن ادال اتقاردى دەپ سەنىممەن ايتا الامىن.

ءبىر ايتايىن دەگەنىم، جانايقايىم الەۋمەتتىك جەلىدە جاريالانباي تۇرىپ، ءبىراز مەكەمە باسشىلارىنا باس سۇقتىم. «ورىن» جوق دەگەن قىسقا جاۋاپ العاسىن، ەل قۇرمەتىنە بولەنگەن اعام قازىر پارالامەنت سەناتىنىڭ دەپۋتاتى مۇرات باقتيارۇلىنا بار ءجايدى ايتىپ بارعان ەدىم. وبالى نە كەرەك، مۇرات اعام مەنىڭ كوزىمشە ءوزى بىلەتىن بىرقاتار بۇقارالىق اقپارات قۇرالدارى باسشىلارىنا قوڭىراۋ شالىپ، ءوتىنىش ايتتى. ولاردىڭ دا جاۋابى الگىندەي «ورىن جوق» بولدى. جالپى، ءبىزدىڭ كاسىپ بويىنشا ءدال قازىر جۇمىس تابۋ وتە قيىن. سوندىقتان مەن دە بۇل جايگە تۇسىنىسىتىكپەن قارايمىن.

نەگىزىندە، جاقسىلىقتى ايتۋ ازاماتتىق پارىز بولىپ سانالادى. سوندىقتان دا مەنىڭ وتباسىم جاڭا جىل تورىمىزگە ەنەر تۇستا قيىن ساتتە بىزگە رۋحاني دەمەۋ بەرگەن Abai.kz ۇجىمىنا جانە ەل اعاسى مۇرات اعاما، «استانا اقشامى» گازەتىنىڭ ادەبي رەداكتورى ماقسوت اعا ءىزىمۇلىنا، سونىمەن بىرگە «راۋان» باسپا ءۇيىنىڭ باس  ديرەكتورى عابيت مۇسىرەپكە اماندىق، ىستەرىنە ساتتىلىك تىلەيدى. جالپى، بارشا قازاقستاندىقتاردىڭ وتباسى امان بولسىن!

ءامىرحان الماعانبەتوۆ.

استانا. 

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1570
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2265
عيبىرات

قايسار رۋحتى عازيز جان

مۇحتار قۇل-مۇحاممەد 3564