مەملەكەت باسشىسى نۇرسۇلتان نازارباەۆتىڭ اتىنان الماتى قالاسى  اۋەزوۆ اۋدانىندا تۇرىپ جاتقان 8 سوعىس ارداگەرى م.پ.گۋرەۆ، ە.ي.فيلاتوۆا، ب.ا.كنيازەۆ، ۆ.ك.پيۋرو، ۆ.پ.كوسيتسىن، ي.ي.نوۆوسەلوۆ، گ.ف.گۋبارەۆ پەن ر.ز.نارمەتاەۆقا ارنايى سىيلىق تابىستالدى.

«ادامزات تاريحىندا ەڭ ماڭىزدى داتا رەتىندە ەستە قالعان 9 مامىر - جەڭىس كۇنىنىڭ جاڭعىرىعى سانامىزدان بىرتە-بىرتە الىستاپ بارادى. بىراق، ءبىز ول كۇننىڭ قانداي كۇشپەن، قانداي ەڭبەكپەن كەلگەنىن ۇمىتار ەمەسپىز» - دەدى الماتى قالاسى  اۋەزوۆ اۋدانىنىڭ اكىمى بەكقالي تورعاەۆ ەلباسىنىڭ باستاماسىمەن بۇگىن وتكەن ارداگەرلەرمەن كەزدەسۋ بارىسىندا.

ء«بىز ۇلى وتان سوعىسى ارداگەرلەرىنە وتاندى قورعاۋ جولىندا ءوز ءومىرى مەن دەنساۋلىعىن قۇربان ەتكەنى ءۇشىن العىسىمىزدى بىلدىرەمىز»، - دەدى ول.

اكىم كەشەگى جاۋجۇرەك جاۋىنگەر - بۇگىنگى قازىنالى قارتتاردىڭ ەرەن ەرلىگىنىڭ ارقاسىندا كەلگەن بەيبىتشىلىكتىڭ قازىرگى قازاقستاننىڭ جەتىپ وتىرعان نەگىزگى جەتىستىگى ەكەندىگىن اتاپ ءوتتى.

ءوز كەزەگىندە قاريالار مەملەكەت باسشىسىنا كورسەتكەن قۇرمەتى ءۇشىن العىس ءبىلدىردى.

اباي-اقپارات.

(ماقالادا «قازاقپارات» حاا دەرەكتەرى پايدالانىلدى)