جۇما, 29 ناۋرىز 2024
قوعام 8168 0 پىكىر 24 جەلتوقسان, 2014 ساعات 14:15

2014 جىل : جۇرت نازارىن اۋدارعان جۋرناليستەر

قازاقستاندىق ينتەرنەت قولدانۋشىلار اراسىندا ءجيى تالقىلانعان تاقىرىپتار تىزبەسىن ءبىر قاراپ وتكەسىن، تومەندەگىدەي پىكىر ايتۋعا نەگىز تاپقان سياقتىمىز. جالپى، «قازنەتتە» بولسىن, بۇقارالىق اقپارات قۇرالدارىندا بولسىن، قازاق ءتىلدى جۋرناليستەردىڭ ۇلكەن كۇشكە اينالعانى بيىلعى جىلى انىق سەزىلدى.

وكىنىشتىسى، بىزدەگى  وقىرمان اۋديتورياسىنىڭ قازاق ءتىلدى جانە ورىس ءتىلدى بولىپ بولىنەتىندىگىن شەبەر پايدالانا بىلەتىن ساياسي تەحنولوگتار ۇلتتىق ءباسپاسوزدى ەكىنشى ورىنعا ىسىرۋ ادەتىنەن تانعان جوق. اتقارۋشى بيلىك تە قازاق ءتىلدى ورتانى اقپاراتپەن قامتىپ كەلە جاتقان قازاقتىلدى باق-تى  باياعىسىنشا ەلەۋسىز قالدىرۋعا تىرىستى. وسىعان قاراماستان، جىلقى جىلى وتاندىق جۋرناليستەردىڭ اقپارات مايدانىنداعى قىزمەتى  ناتيجەلى بولىپ، ارىپتەستەرىمىز ۇلكەن بەلسەندىلىك تانىتتى.  ايتۋلى وقيعالاردىڭ ورتاسىنان تابىلىپ، وزدەرى دە سول وقيعالاردىڭ باستى كەيىپكەرلەرى  بولا ءبىلدى. ولار:

جارىلقاپ قالىباي, جۋرناليست، «جۇلدىزدار وتباسى»، «اڭىز ادام» جۋرنالدارىنىڭ باس رەداكتورى.

بيىلعى جىلدىڭ ءساۋىر ايىندا جارىق كورگەن «اڭىز ادام» جۋرنالىنىڭ ادولف گيتلەرگە ارنالعان سانىنان كەيىن ءجۋرناليستىڭ باسى داۋعا قالىپ، سوت شەشىمىمەن بىرنەشە ايىپپۇل سالىندى...

 

اۋىت مۇقيبەك، اقىن-پۋبليتسيست

Abai.kz اقپاراتتىق پورتالىنىڭ تۇراقتى اۆتورى اۋىت مۇقيبەكتىڭ كوشى-قونعا قاتىستى ماقالالارى جىل بويى وقىرمان تاراپىنان قىزۋ قولداۋ تاپتى. ونىڭ ايگىلى «ناعاشىما حاتى» abai.kz سايتىندا جاريالانعان سوڭ، اقورداعا شاقىرىلىپ، كوش تۋرالى كوشەلى ويلارى «ۇلكەن اڭگىمەلەردىڭ» ارقاۋىنا اينالدى.  اۋىت مىرزانىڭ Abai.kz اقپاراتتىق پورتالىندا جارىق كورگەن ماقالالار جيىنتىعى «كوش، كوشكە كىم ءوش؟» اتتى كىتاپ بولىپ باسىلدى.  

 

قاسىم امانجولۇلى، جۋرناليست.

بەلگىلى جۋرناليست ۋكراينا  جەرىنە ارنايى بارىپ، ساياسي شيەلەنىستى بوياماسىز بەينەلەيتىن رەپورتاجدار جەلىسىن جاساعان بولاتىن. بىراق، ونىڭ دەرەكتى ءفيلمىنىڭ جالعاسىن ەفيردەن كورسەتۋگە تيىم سالىندى...

وركەن جويامەرگەن، جۋرناليست.

قازاقستاننىڭ ەۋرازيا ەكونوميكالىق وداعىنا قوسىلۋىنا قارسى ءىس-شارا وتكىزبەك بولىپ اقپارات تاراتپاق بولعانى ءۇشىن وركەنگە «ۇساق بۇزاقىلىق» جاسادى دەگەن ايىپ تاعىلىپ، ءۇش تاۋلىككە قاماۋعا الىنعان ەدى...

 

توقتار جاقاش، جۋرناليست.

«فەيسبۋك» الەۋمەتتىك جەلىسىندەگى پاراقشاسىندا جاريالاعان «ۇلتتىق ارنا – ۇرىلار مەكەنى مە؟» اتتى جۋرناليستىك زەرتتەۋى ارقىلى ينتەرنەت-قاۋىمداستىقتى ءدۇر سىلكىنتتى. زەرتتەۋدى كوشىرىپ جاريالاعان پورتالدار كەيىننەن جازبانى الىپ تاستاۋعا ءماجبۇر بولعان...

 

دينا تولەكوۆا, جۋرناليست.

الەۋمەتتىك جەلىلەر ارقىلى سىندارلى پىكىرىن اشىق جاريالايتىن ارىپتەسىمىز قوعام ومىرىندەگى ماڭىزدى وقيعالارعا قاتىستى بىلدىرگەن ويلارىنان كەيىن «قازاقستان» ۇلتتىق ارناسىنداعى قىزمەتىنەن كەتتى...

 

گۇلبانۋ انياتقىزى, جۋرناليست.

«31» ارنانىڭ استانا قالاسىنداعى مەنشىكتى ءتىلشىسى قوياندى اۋىلىنداعى جەر داۋىنا قاتىستى وقيعا ورنىنا اقپارات تاراتۋداعى ازاماتتىق ۇستانىمى ارقىلى الەۋمەتكە ايگىلى بولدى. گۇلبانۋدىڭ جۋرناليستىك جۇمىسى قازاق بلوگەرلەرى تاراپىنان سىنعا ۇشىراعانىن دا ايتۋىمىز كەرەك...

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1575
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2269
عيبىرات

قايسار رۋحتى عازيز جان

مۇحتار قۇل-مۇحاممەد 3583