2014: باقيعا وزعان باعلاندار
جىلقى جىلى ۇلى دالاعا ءاز ناۋرىزبەن سار جەلىپ ەنگەنى كەشە عانا سياقتى بولعانىمەن، الەمنىڭ جۇرتى كۇنتىزبەكتىڭ سوڭعى پاراقتارىنا ءۇڭىلىپ وتىرعان كەزدە ءۇنسىز قالا المايتىنىمىز انىق. قالاي دەگەنمەن دە قازاق تاريحى تاعى ءبىر جىلعا تولىقتى. ەسەپتى جىلدىڭ سوڭى بولعاسىن، ەسىمىزدەگىلەردى جاڭعىرتىپ، وقىرمان كوڭىلىندەگى ەمەن - جارقىن ساتتەردى ءبىر جاڭعىرتىپ العان ءجون شىعار دەپ وتىرمىز. الدىمەن، بيىلعى جىلى ورتامىزدان وزىپ، باقيلىق بولعان اعا بۋىننىڭ اتىن اتاپ، ارۋاعىنا ءبىر تاعزىم ەتىپ الۋ پارىز.
قارا جەر قوينىنا العان قيماس ۇل-قىزدىڭ اراسىندا قازاق رۋحانياتىنىڭ قابىرعالى وكىلدەرى بولعانى قابىرعانىمىزدى سوگىپ كەتكەندەي بولدى. ەل نازارىنداعى تۇلعالاردىڭ و دۇنيەلىك بولۋى – قارالى قازا عانا ەمەس، تۇتاس ءبىر قوعامدىق دامۋ ءداۋىرىنىڭ اياقتالۋى سياقتى اسەرگە بولەيدى. ال، بيىلعى جىلى قازاق جۇرتى مىنا تۇلعالارمەن قوشتاستى:
اقىن، مەملەكەت جانە قوعام قايراتكەرى، قازاقستاننىڭ حالىق جازۋشىسى فاريزا وڭعارسىنوۆا.
اكادەميك، پروفەسسور، مەديتسينا عىلىمدارىنىڭ دوكتورى، قازاق ونكولوگيالىق زەرتتەۋلەر عىلىمىنىڭ اتاسى سايىم بالمۇحانوۆ.
بەلگىلى اقىن، ادەبيەت سىنشىسى، مادەنيەتتانۋشى ءامىرحان بالقىبەك.
اكادەميك، قازاقستانداعى حيميا عىلىمىنىڭ داۋمىنا ولشەۋسىز ۇلەس قوسقان عالىم، اسىلدىڭ سىنىعى بولات جۇبانوۆ.
تاۋەلسىز قازاقستاننىڭ مەملەكەتتىك تۋىنىڭ اۆتورى, ونەر قايراتكەرى، سۋرەتشى شاكەن نيازبەكوۆ.
قازاقتىڭ كلاسسيك قالامگەرى، ءسوز ونەرىنىڭ زەرگەرى، قازاقستاننىڭ حالىق جازۋشىسى قاليحان ىسقاق.
كورنەكتى قالامگەرى، دومبىراشى، كينودراماتۋرگ، مادەنيەتتانۋشى تالاسبەك اسەمقۇلوۆ.
قازاقتىڭ باتىر ۇلى، كەڭەس وداعىنىڭ ەكى دۇركىن باتىرى، اتى اڭىزعا اينالعان ۇشقىش تالعات بيگەلدينوۆ
ۇلاعاتتى تاربيەشى، كەڭەس وداعىنىڭ ۇزدىك مۇعالىمى، قازاقستاننىڭ ۇزدىك ۇستازى قانيپا بىتىباەۆا
قازاق پروزاسىنىڭ شەبەرى، حالىقارالىق «الاش» سىيلىعىنىڭ يەگەرى، جازۋشى ادام مەكەباەۆ
قالامگەر، تەاتر سىنشىسى، كورنەكتى ونەر قايراتكەرى اشىربەك سىعاي.
فانتاست-جازۋشى، فيلولوگيا عىلىمدارىنىڭ دوكتورى، جۋرناليستيكا ارداگەرى ابدۋلحاميت مارقاباەۆ.
2014 جىل قازاق رۋحانياتى ءۇشىن اۋىر قايعىنىڭ جۇگىن ارتقان مەزگىل بولدى. بيىلعى جىلى باقيعا وزعان باعلانداردىڭ جارقىن بەينەسى الاش جۇرتىنىڭ جۇرەگىندە ساقتالا بەرسىن!
اباي.kz
