جۇما, 29 ناۋرىز 2024
وزگەلەر 5774 0 پىكىر 21 جەلتوقسان, 2014 ساعات 02:50

تۇركيا فەتھۋللاھ گۇلەندى تۇتقىنداماق

"پاراللەل قۇرىلىم" تەرگەۋ امالدارىن وتكىزگەن ىستامبۇل باس پروكۋراتۋراسىنىڭ 14 جەلتوقسانداعى تالابى بويىنشا، ىستامبۇل سوتى "كۇدىكتى" فەتھۋللاھ گۇلەندى تۇتقىنداۋعا قارار قابىلدادى. قازاقستانعا يسلام عالىمى رەتىندە تانىس، ۇلتى تۇرىك اتالعان تۇلعاعا تاعىلعان نەگىزگى ايىپ: "قارۋلى تەررورلىق ۇيىم قۇرۋى جانە تەرراكت جاساماق بولۋى". ىستامبۇل پروكۋراتۋراسىنىڭ تالابىندا بىلاي دەپ جازىلعان: "بۇقارالىق اقپارات قۇرالدارىندا، ەكونوميكا جانە بيۋروكراتيا الاڭدارىندا زاڭعا قايشى قۇرىلىمدالعان، قوعامدا "قىزمەت" رەتىندە اتى بەلگىلى ۇيىم كوشباسشىسى فەتھۋللاھ گۇلەن 1998 جىلى شەتەلگە كەتىپ، ەلگە ورالمادى. ءارى ونىڭ وزىمەن بايلانىسقا شىعۋ قازىرگى كۇندە قولجەتىمسىز". سونداي-اق، بۇل تالاپ ارىزدا اقش-تا تۇرىپ جاتقان كۇدىكتىنى تۇتقىنداۋعا جەتكىلىكتى دالەل بار دەلىنگەن. سوت شەشىمىنە ساي گۇلەنگە قىزىل بليۋتەنمەن(قىلمىسكەردى حالىقارالىق دەڭگەيدە ىزدەۋگە شىعارىلاتىن ينتەرپولدىڭ ۇيعارىمى، ىزدەۋ سالىناتىن مەرزىم 5 جىل) ىزدەۋ سالىنادى.

ال، تۇركياداعى ىقپالدى باسىلىم "زامان" گازەتى بولسا جوعارىداعى ايىپتاۋدى "ويدان شىعارىلعان قۇجاتتارعا 28 اقپان تاكتيكاسى قولدانىلدى" دەپ باعالادى. گازەت گۇلەنگە تۇركياداعى كوكتەمگى سايلاۋ الدىندا دا وسىنداي "سوققى" جاسالعانىن مەڭزەيدى. گازەت جازعان ماقالادا ايىپتاۋشى تاراپتىڭ دالەلدەرى مونتاجدالعان بەينە جانە اۋديو ماتەريالدار ەكەنى، ءارى ايىپتاۋدىڭ تەك جالعان اقپارعا قۇرىلعاندىعى جازىلعان. 

فەتھۋللاھ گۇلەن تۇركيانىڭ ءىشى-سىرتىندا دا ىقپالدى عالىم. تۇرك بيلىگىنىڭ ونى تۇتقىنداماق بولعان شەشىمى قوعامدى ەكىگە جارىپ وتىر. كەيبىرەۋى گۇللەن تۇركيانى اراب الەمى سياقتى جاساعىسى كەلەدى دەسە، باسقالارى ونى بەيبىتشىلىك پەن ىزگىلىكتىڭ ۇگىتشىسى رەتىندە تانيدى. گۇلەن ەڭبەكتەرى قمدب تاراپىنان قازاقستاندىق مۇسىلمان قاۋىمعا ۇسىنىلىپ كەلەدى. فەتھۋللاھ گۇلەن تۇتقىندالا قالسا ەلىمىزدە دە ايتارلىقتاي قوعامدىق پىكىر تۋعىزاتىنى انىق.

نۇرعالي نۇرتاي

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1575
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2269
عيبىرات

قايسار رۋحتى عازيز جان

مۇحتار قۇل-مۇحاممەد 3580