جۇما, 29 ناۋرىز 2024
جاڭالىقتار 3977 0 پىكىر 17 جەلتوقسان, 2014 ساعات 12:42

تقجب تۇسىندىرەدى: باعدارلاما استانادا قالاي جۇزەگە اسۋدا؟

سۇراق:

«تۇرعىن ءۇي قۇرىلىس جيناق بانكى» بيىل استانادا بىردە-ءبىر ءۇيدى سالىمشىلارىنا وتكىزگەن جوق، بىراق اقشاسىن اي سايىن الىپ وتىرادى. نەگە؟

(اباي.kz پورتالىنىڭ وقىرمانى)  

 

جاۋاپ:

استانالىق تۇرعىننىڭ «قولجەتىمدى باسپانا-2020» باعدارلاماسى بويىنشا ەلوردادان بىردە-ءبىر پاتەر بەرىلگەن جوق دەپ كەسۋ ايتۋىنا نەگىز جوق. باعدارلاما باستالعالى «تۇرعىن ءۇي قۇرىلىس جيناق بانكىنىڭ» قاتىسۋىمەن سالىنعان ۇيلەردەن باسپانا العان وتباسىلار جەتىپ ارتىلادى. بۇل جەردە ءبىراز نارسەنى ەسكەرۋ كەرەك. ءبىرىنشىسى، استانا قالاسىنان پاتەرلى بولعىسى كەلەتىندەردىڭ سانى وتە كوپ. سوندىقتان تۇرعىن ءۇي پۋلىنە جازىلۋ كەزەگى ۇلكەن. ەكىنشىدەن، ەلوردادا سالىنىپ جاتقان ۇيلەردىڭ شارشى مەترىنە قويىلعان باعا باسقا ايماقتارعا قاراعاندا جوعارى. سول سەبەپتى جيناقتاۋشى جۇيە بويىنشا ءتيىستى قارجىنىڭ 50 پايىزىن جيناپ ۇلگەرۋگە ۋاقىت كەرەك. ۇشىنشىدەن، استانا ەلىمىزدىڭ اكىمشىلىك ورتالىعى رەتىندە مىڭداعان مەملەكەتتىك قىزمەتكەرلەر مەن بيۋدجەتتىك قىزمەتكەرلەر تۇراتىن قالا. قالانىڭ تۇرعىن ءۇي قورى ماقساتتى پايدالاناتىن بولعاندىقتان، الەۋمەت ءۇشىن قول جەتىمدى تۇرعىن ءۇي كەزەگىنە سۇرانىس جوعارى.

بىراق، مۇنىڭ ءبارى استانادا «قولجەتىمدى تۇرعىن-2020» باعدارلاماسى جۇزەگە اسپاي جاتىر دەگەن ءسوز ەمەس. نەگىزى، سۇراق قويۋشى ازامات استاناداعى  ساۋران كوشەسىندە سالىنىپ جاتقان كوپ قاباتتى ۇيگە قاتىستى ايتىپ وتىرعان بولۋى كەرەك. بۇل تۇرعىن ءۇيدىڭ پايدالانۋعا بەرىلۋى كەشىكتىرىلىپ وتىرعانى راس. بىراق، بۇل بانك تاراپىنان بولعان كەدەرگى ەمەس. تۇرعىن ءۇي قۇرىلىسىن جۇرگىزۋگە جەرگىلىكتى اتقارۋشى ورگان جاۋاپتى. ءبىز ءوز تاراپىمىزدان سالىمشىلاردىڭ قارجىسىنا تاپسىرىس بەرۋشىمىز. تۇرعىن ءۇي تولىقتاي پايدالانۋعا بەرىلگەن كەزدەن باستاپ باسپانانى ءبولۋ كەزەك بويىنشا جۇرگىزىلىپ، سالىمشىلارىمىز باسپاناعا قول جەتكىزەدى. ال، استانا قالاسى اكىمدىگىنىڭ جاۋابى بويىنشا، ساۋران كوشەسىندەگى كوپ پاتەرلى ءۇيدىڭ قۇرىلىسى بيىلعى جىلدىڭ سوڭىنا دەيىن تولىق اياقتالۋى ءتيىس.  بۇل تۋرالى جانە باسقا دا جاڭالىقتاردى بانكتىڭ www.hscbk.kz  سايتىنان ءبىلىپ وتىرۋعا بولادى.

اباي-اقپارات.

 

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2277
عيبىرات

قايسار رۋحتى عازيز جان

مۇحتار قۇل-مۇحاممەد 3595