«ۋكرايناداعى جاعدايعا بايلانىستى «ادام بول» جۋرنالىندا باسىلىپ شىققان «ناشي نا چۋجوي ۆوينە» اتتى ماتەريال شىن مانىندە سوعىستى ناسيحاتتايدى. سوندىقتان الماتى قالاسى مەدەۋ اۋداندىق سوتىنىڭ جۋرنالدى جابۋ تۋرالى شەشىمى – زاڭدى». باس پروكۋراتۋرانىڭ وسى جايتتى ءتۇسىندىرۋدى وتىنگەن ءماجىلىستىڭ ءبىر توپ دەپۋتاتتارىنا بەرگەن جاۋابى وسىنداي.

ايتا كەتەيىك، باسىلىمدا جاريالانعان ماتەريال بويىنشا ارىزدى سوتقا الماتى قالالىق ىشكى ساياسات باسقارماسى تۇسىرگەن. بۇگىندە جۋرنال باسشىلىعى سوت شەشىمىمەن كەلىسپەي، ءىستى قايتا قاراۋ تۋرالى شاعىم ءتۇسىردى. بۇقارالىق اقپارات قۇرالدارى وكىلدەرى دە ارىپتەستەرىنە قاتىستى شىعارىلعان شەشىم نەگىزسىز جانە ءسوز بوستاندىعى تاپتالدى دەپ نارازىلىق بىلدىرگەن-ءدى. ال دەپۋتاتتار پروكۋراتۋرا جاۋابى تۇشىمدى دەسەدى.

جامبىل احمەتبەكوۆ، قر پارلامەنتى ءماجىلىسىنىڭ دەپۋتاتى، قحكپ فراكتسياسىنىڭ مۇشەسى:

ءسوز بوستاندىعى دەگەننىڭ ءوزى - جاۋاپكەرشىلىك. داۋ-دامايدىڭ باستالعانى، «ادام بول» جۋرنالىندا سادىكوۆتىڭ سۇحباتى الىنىپ، سادىكوۆ ۋكراينادا بولىپ جاتقان جاعدايدىڭ ءبارىن سوعىس دەپ جاريالادى. ال كونستيتۋتسيا جانە زاڭدار بويىنشا بىزدە سوعىستى ناسيحاتتاۋعا تيىم سالىنعان. جۇراعات بامان