قازاقستان رەسپۋبليكاسىنىڭ پرەزيدەنتءى نۇرسۇلتان نازارباەۆ جۇمىس ساپارىمەن وڭتۇستىك قازاقستان وبلىسىنا كەلدى. ەلباسىنىڭ جۇمىس ساپارى شىمكەنت قالاسىنداعى اكىمشىلىك ىسكەرلىك ورتالىعىندا بوي كوتەرگەن «تۇركىستان» سالتانات سارايى مەن وبلىستىق دراما تەاترىنىڭ اشىلۋ راسىمىنە قاتىسۋدان باستالدى.

وبلىس اكىمىنىڭ ءباسپاسوز قىزمەتىنىڭ حابارلاۋىنشا، ءتۇرلى سالتاناتتى شارالار ۇيىمداستىرۋعا لايىقتالعان «تۇركىستان» سالتانات سارايىنىڭ جالپى الاڭى 8,5 مىڭ شارشى مەتر. سىيىمدىلىعى − 1364 ورىندى قۇرايدى. عيمارات قۇرىلىسىنا وبلىستىق بيۋدجەتتەن 1,4 ميلليارد تەڭگە جۇمسالدى.  ال وبلىستىق دراما تەاتردىڭ جاڭا عيماراتى 8 مىڭ شارشى مەترگە ورنالاسىپ، ونىڭ قۇرىلىسىنا وبلىستىق قازىنادان 1,5 ميلليارد تەڭگە قارالعان.

اباي – اقپارات.