جۇما, 29 ناۋرىز 2024
جاڭالىقتار 6618 0 پىكىر 3 جەلتوقسان, 2014 ساعات 14:58

كەدەرگىسىز بولاشاق

3 جەلتوقسان - مۇمكىندىگى شەكتەۋلى ازاماتتاردىڭ حالىقارالىق كۇنى، قاراعاندى قالاسىندا دامۋ مۇمكىندىگى شەكتەۋلى بالالارعا ارنالعان جاڭا «پسيحولوگيالىق-پەداگوگيكالىق تۇزەتۋ كابينەتى» اشىلدى. ورتالىقتا جىل سايىن  دامۋىندا ءار ءتۇرلى اۋىتقۋشىلىقتارى بار   جۇزدەن استام  بالاعا، بىلىكتى ماماندار تاراپىنان    كەشەندى تەگىن كومەك كورسەتىلەدى.

       ورتالىقتا  تۇزەتە-دامىتۋ ارقىلى قولداۋ  كورسەتەتىن  ماماندار  جۇمىس ىستەيدى: پەداگوگ-پسيحولوگ (ەموتسيالىق جانە ينتەللەكتۋالدىق دامۋىنداعى كەمىستىكتەردى وڭالتۋشى), مۇعالىم-دەفەكتولوگ (تانىمدىق ورتاداعى پروبلەمالاردى وڭالتۋشى ), تيفلوپەداگوگ (كورۋ قابiلەتiندەگى كەمشىلىكتەردى وڭالتۋشى), سۋردوپەداگوگ (ەستۋ قابىلەتىندەگى كەمشىلىكتەردى وڭالتۋشى), مۇعالىم-لوگوپەد (سويلەۋ قابiلەتi بۇزىلعانداردى وڭالتۋشى),  ەمدىك دەنە شىنىقتىرۋ نۇسقاۋشىسى ء(جۇرiپ-ءتۇرۋ مۇشەلەرiنiڭ فۋنكتسيالارى بۇزىلعان بالالاردى وڭالتۋشى ), مۋزىكالىق ىرعاق ساباعىنىڭ مۇعالىمى، ەمدىك ماسساج جاسايتىن مەدبيكە. سونداي-اق دامۋ  مۇمكىندىگى شەكتەلگەن بالالاردى تاربيەلەۋشى اتا-انالارعا پسيحولوگيالىق قولداۋ كلۋبى قىزمەت ەتەدى، ال بالالار ءۇشىن  ۋاقىتشا قىسقا  مەرزىمدىك كەلۋ توبى ۇيىمداستىرىلعان.

     ورتالىقتا بارلىق نورماتيۆتەر بويىنشا كەدەرگىسىز ورتا ۇيىمداستىرىلعان: پاندۋس،  كەڭ ويىلعان ەسىكەر، ءتۇس بەلگىسى، تۇتقالار بار، كەدەرگى كەلتىرەتىن تابالدىرىق جوق. كابينەت زاماناۋي وڭالتۋ قۇرالدارمەن، مونتەسسوري ماتەريالدارىمەن جابدىقتالعان.  سونىمەن  قاتار، «دارا»  قورى ورتالىققا ءجۇرiپ-ءتۇرۋ مۇشەلەرiنiڭ فۋنكتسيالارى بۇزىلعان بالالاردى تاسىمالداۋ  ءۇشىن   ينۆاتاكسي   تارتۋ ەتپەك.

    ورتالىقتىڭ اشىلۋىنىڭ ارقاسىندا قاراعاندى قالاسىنداعى مۇمكىندىگى شەكتەۋلى بالالاردى   تۇزەتۋ كومەگىمەن قامتۋ 2 ەسەگە  ۇلعايتىلىپ،   كومەك  كەزەگىندە تۇرعاندار سانى 60%  تومەندەيدى.

- اتا-انا رەتىندە ءبىز بالامىزدىڭ دامۋىنداعى اۋىتقۋشىلىقتانرعا قاراماستان، ونى بارىنشا ومىرگە بەيىمدەۋ قاجەتتىگىن تۇسىنەتىنبىز. بىراق بۇل ماقساتقا جەتۋدىڭ جولىن بىلمەي قينالىپ جۇردىك. تۇزەتۋ ورتالىعىنىڭ ارقاسىندا بۇل ارمانىمىزعا جەتكەندەيمىز. مۇنداعى ماماندار ءبىزدىڭ بالامىزدىڭ اۋرۋىنان قىمسىنۋدىڭ ورىنسىز ەكەنىن ءتۇسىندىردى. ءبىز ونىڭ باسقالاردان ەرەكشە ەكەنىن ۇعىندىق. ورتالىقتاعى ماماندارىمەن ساباق وقي باستاعاننان كەيىن بالامىزدىڭ ومىرگە دەگەن ىنتاسى ارتتى. ءبىز دە بالامىزبەن، ءبىر-بىرىمىزبەن قالاي قارىم-قاتىناس قۇرۋدى ۇيرەندىك،- دەيدى رۋسلان كابالوۆتىڭ اناسى مارينا.

       تۇزەتۋ كابينەتى «ءبارىمىز بىردەيمىز،كەمسىتۋدى  بىلمەيمىز: ءبىز  ينكليۋزيۆتىك قوعام  ءۇشىن» جوباسىنىڭ  شەڭبەرىندە  اشىلدى. جوبا ماقساتى  -  مۇمكىندىگى شەكتەۋلى بالالاردىڭ باسقا قاتارلارىمەن بىرگە جالپى ورتا ءبىلىم بەرەتىن مەكتەپتەردە وقىپ، قوعامدا ءوز ورنىن تابۋىنا كومەكتەسۋ.  جوبانىڭ باس ارىپتەسى «سامۇرىق-قازىنا» ۇلتتىق ءال-اۋقات قورى» اق. ورتالىقتىڭ سالتاناتتى اشىلۋ راسىمىنە  وبلىس اكىمى نۇرمۇحامبەت ابدىبەكوۆ، وبلىستىڭ ءبىلىم باسقارماسىنىڭ وكىلدەرى مەن  جوبا دەمەۋشىسى  «دارا» قايىرىمدىلىق قورىنىڭ وكىلدەرى قاتىستى.

اباي-اقپارات.

 

 

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1567
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2261
عيبىرات

قايسار رۋحتى عازيز جان

مۇحتار قۇل-مۇحاممەد 3551