(تاپسىرىس اياقتالدى)

بۇگىن ورال قالاسىندا «KEGOC» اق-نىڭ «حالىق IPO» باعدارلاماسىنا شىعۋ اياسىندا سوڭعى روۋد-شوۋى ءوتتى. 

«KEGOC» ەلەكتر جەلىلەرىن باسقارۋ جونىندەگى قازاقستاندىق كومپانيانىڭ اكتسيالارىنا يەلىك ەتۋ ءۇشىن وتىنىشتەر قابىلداۋدىڭ اياقتالۋىنا نەبارى ءبىر-اق اپتا ۋاقىت قالعان بولاتىن. 

ەستەرىڭىزگە سالا كەتەيىك، «KEGOC»  وسىدان ەكى جىل بۇرىن اكيتسيالارى قۇندى قاعازدار نارىعىنا شىققان «قازترانسويلدان» كەيىن «حالىق IPO» باعدارلاماسىنا قاتىسىپ تۇرعان ەكىنشى كومپانيا. «حالىق IPO» قازاقستاننىڭ قاراپايىم تۇرعىندارىنا ءىرى ۇلتتىق كومپانيالاردىڭ بىرگە يەمدەنۋشىسى اتانۋعا تاپتىرماس مۇمكىندىك سىيلايدى. بۇگىنگى تاڭعا دەيىن KEGOC قازاقستاننىڭ 19 قالالارىندا ازاماتتاردى اقپاراتتاندىرۋ ماقساتىندا اقپاراتتىق-تۇسىندىرمە شارالار، ياعني روۋد-شوۋلاردى ءساتتى وتكىزدى.

استانادا باستالعان كۇننەن قازىرگى تاڭعا دەيىنگى وتكەن كومپانيانىڭ ءىس-شارالارىنا، سونىڭ ىشىندە لەكتسيا، سەمينار جانە روۋد-شوۋلارعا 40 مىڭعا جۋىق قازاقستاندىق قاتىستى. اكتسيونەر اتانعىسى كەلەتىندەر اراسىندا جاسىنا قاتىستى نەمەسە الەۋمەتتىك شەكتەۋلەر جوق. ەڭ الدىمەن، العاشقى ەميتەنتتىڭ اكتسياسىن ساتىپ الىپ، قور نارىعىندا ساتىلىم جاعىنان تاجىريبە جيناقتاعاندار ءوتىنىش بەرە الادى. سونىمەن قاتار، قۇندى قاعازعا يەلىك ەتۋدە جاستار دا ەرەكشە قۇلشىنىس تانىتۋدا. سونداي-اق، ءوز قاراجاتتارىن ءتيىمدى ينۆەستيتسيالاعىسى كەلەتىن زەينەت جاسىنداعى تۇرعىندار دا جوعارى بەلسەندىلىك تانىتۋدا.

ايماق تۇرعىندارى ءۇشىن روۋد-شوۋ – بۇل اكتسيالاردى ساتىپ الۋ مەحانيزمدەرىمەن، ولارعا يەلىك ەتۋدەگى تيىمدىلىگىمەن جانە قاراجات سالۋدىڭ سەنىمدىلىگىمەن عانا تانىستىرۋ ەمەس. سونىمەن قاتار، قۇندى قاعازدار نارىعىمەن ەندى تانىسىپ جاتقان ەز ازاماتتارى ءۇشىن بۇل جيناعان قاراجاتتارىن ءتيىمدى جيناۋدى ۇيرەنۋ ءارى قارجىلىق ساۋاتتىلىقتارىن ارتتىردا تاپتىرماس مۇمكىندىك، وسىلايشا ولار قازاقستاننىڭ الداعى ەكونوميكالىق وسۋىنە بەلسەندى ات سالىسادى.

ورالدا وتكەن تانىستىرلىمدىق ءىس-شارادا  «KEGOC» اق، «قازپوچتا» اق، «سامۇرىق-قازىنا» ۇاق اق جانە جەتەكشى بروكەرلىك كومپانيالاردىڭ وكىلدەرى قالا تۇرعىندارىنا KEGOC-تىڭ تابىستى دامۋى جايىندا – اكتسيالارعا يەلىك ەتۋدە ينۆەستيتسيالىق تابىستار، مۇمكىن بولاتىن قارجىلاي تاۋەكەلدەر جايىندا اڭگىمەلەپ، بارلىق قىزىقتىرعان سۇراقتارعا جاۋاپ بەردى.

ايتا كەتەرلىگى، ءبىر اكتسيا قۇنى – 505 تەڭگە. KEGOC كومپانيانىڭ تابىسىنان كەلىپ تۇسكەن 40 پايىز ينۆەستورلاردىڭ ديۆيدەندتەرىنە تولەۋگە جوسپارلاۋدا.

اباي-اقپارات