قاناعات ابىلقايىر. ءتىس شۇقىعىش –وتاندىق ءونىم
- اشىلۋىنا پرەزيدەنتتىڭ ءوزى كەلەتىن بولدى!
- ەلىمىزدە تۇڭعىش رەت...
- ورتا ازيادا دەڭىز!
- جالپى، تمد-دا تەڭدەسى جوق دۇنيە بولايىن دەپ تۇر!
- ءبارىن سىرتتان الۋشى ەدىك. مىنە، ەندى ءوزىمىز دە قاتارعا قوسىلدىق.
- ال، دايىنسىڭدار ما؟ تىنىشتىق ساقتاڭدار!
- قۇرمەتتى پرەزيدەنت مىرزا! اشىلۋىنا حوش كەلدىڭىز! بۇل ءبىز ءۇشىن، ءبىزدىڭ جۇمىسشىلار ءۇشىن ۇلكەن مارتەبە!
- ال، قانشا ادامدى جۇمىسپەن قامتىپ وتىرسىزدار؟
- وسى ماڭداعى جۇمىس ىزدەپ جۇرگەن بۇكىل جۇرتتى قامتىماقپىز!
- ايلىق كولەمى قانشا؟
- ازىرگە قارجىلاي ەمەس، وسى وندىرەتىن ونىمىمىزبەن ەسەپتەسەمىز.
- شيكىزاتتارىڭ جەتە مە؟ قور قانشالىقتى؟
- مىنا بەتكەيدەگى قالىڭ ورمان بىتكەنشە تىنباي ەڭبەكتەنە بەرەمىز!
- سوندا جيھاز جاساۋمەن اينالىسپاقسىزدار ما؟ وزىمىزدەن باسەكەگە قابىلەتتى جيھاز شىعاتىن بولسا قۋانىشتىمىن!
- كەشىرىڭىز، پرەزيدەنت مىرزا! جيھاز جاساۋعا ءال-ءازىر شامامىز جەتپەيدى...
- سوندا نە؟ الدە اعاشتان دايىندالاتىن قۇرىلىس ماتەريالدارى ما؟
- كەشىرىڭىز، ول دا جوسپاردا بار. تەك...
- مەن تابا المادىم. ءوزىڭ ايتا قويشى!
- ەڭ باستىسى، ەكولوگيالىق تازا ءونىم. قورشاعان ورتاعا زيانىمىز تيمەيدى. ارتىق شىعىن دا شىقپايدى. شەتەلدىڭ ارنايى قۇرىلعىلارى دا كەرەك ەمەس. وتىز ەركەك ازاننان كەشكە دەيىن قاراعاي قۇلاتادى، وتىز ايەل وتىز پىشاقپەن وتىرىپ الادى دا...
- قىسقاسى!
- قىسقاسى، ...ءتىس شۇقىعىش جاسايدى. وتاندىق ءونىم!
(قاناعات ابىلقايىردىڭ فەيسبۋكتەگى جەكە پاراقشاسىنان الىندى)
