ءبىز ايتقالى وتىرعان ەكو-ءنى قازىر جۇرتشىلىقتىڭ ءبارى جاقسى بىلەدى. سوندىقتان ءبىز ونى ءبىر سوزبەن قىسقا قايىرىپ، بالا كوتەرە الماي جۇرگەندەردىڭ جاتىرىنا ۇرىق ورنالاستىرۋشى ەكەنىن مالىمدەسەك جەتكىلىكتى بولار.

«ادامنىڭ ءبىر قىزىعى بالا دەگەن». راس، ادام بالاسى ارتىمدا بايلىق ەمەس، ءومىرىمدى جالعاستىرار ۇرپاعىم قالسا دەپ تىلەيدى. ەڭ قورقىنىشتىسى - دۇنيەدە ۇرپاق ساباقتاستىعىنىڭ جالعاسىن تاپپاي قالۋى دەر ەدىك.

ەندى قوزعالعان تاقىرىپقا ويىسساق، بەلسىزدىك پەن بەدەۋلىكتىڭ سالدارىنان جەكەلەگەن وتباسى ەكو قىزمەتىنە جۇگىنۋگە ءماجبۇر بولىپ ءجۇر. ءتىپتى وسىلاردىڭ ىشىندە شەتەل اسىپ، ونداعى مامانداردىڭ كومەگىنە جۇگىنگەن ازاماتشانىڭ بولعانىن جاقىندا بىلدىك. بۇل كەيىپكەرىمىز استانا قالاسىندا تۇرادى. دارىگەرلەر وعان ءبىر بالادان كەيىن ءسابيلى بولۋدىڭ مۇمكىندىگى جوقتىعىن ايتقان ەكەن.

«مەن تۇرىك ازاماتىنا تۇرمىسقا شىققان ەدىم، - دەدى ءسوز ورايىندا ن.ك. ەسىمدى ازاماتشا –دارىگەرلەردىڭ ماعان ايتقان بالالى بولۋدىڭ ءبىر جولى-ەكو قىزمەتى دەگەسىن كۇيەۋىم ەكەۋمىز كەڭەسە كەلە، تۇركياعا بارۋدى ۇيعاردىق. وندا ەكو-گە كەتەتىن شىعىن قۇنى 10 مىڭ دوللارعا باعالاندى. ايتىلعان قاراجاتتى تولەپ، بەلگىلى مەرزىمدە ەم-دوم قابىلداعانىممەن، ءىس جۇزىندە بالا كوتەرۋ مۇمكىن بولمادى. سوسىن ەلگە كەرى قايتىپ، استاناداعى جەكە شىعىس مەديتسيناسى ورتالىعىندا «التىن ينەمەن» ەمدەلدىم. ءبىرنشى - اللانىڭ شاپاعاتى، ەكىنشىدەن الگى جەكە مەديتسينا ورتالىعىنداعى بىلىكتى دارىگەردىڭ ەمى مەنىڭ بالالى بولۋىما سەپتىگىن تيگىزدى».

ن.ك. اقجارقىن كوڭىلمەن بىزگە وسىلايشا سىر شەرتتى. بيىل ونىڭ وتباسىنىڭ ءبىر مۇشەسى بولىپ قوسىلعان قىز بالانىڭ دەنساۋلىعى قالىپتى.

وسى كەيىپكەرىمىزدىڭ اڭگىمەسىنەن كەيىن ويىمىزدى ەكو-نىڭ قانشالىقتى تيىمدىلىگى بار دەگەن سۇراق شارلاپ ءوتتى. ويتكەنى، اتى-ءجونىن ايتۋىمىزدى قالاماعان ءبىر ازاماتشانىڭ دا وسى ەكو ميلليون تەڭگەگە جۋىق اقشاسىن كومەيىنە تىققانىمەن، ءسابيلى بولۋ ءۇمىتىن اقتاماعان...

ءامىرحان الماعانبەتوۆ.

استانا.

Abai.kz