«شابىت» XVII حالىقارالىق شىعارماشىل جاستار بايقاۋىنىڭ سالتاناتتى جابىلۋ كەشى 8-قاراشا كۇنى استانانىڭ بەيبىتشىلىك جانە كەلىسىم سارايىندا ءوتىپ، «جۇزدەن جۇيرىك، مىڭنان تۇلپارلار» انىقتالدى. وسىعان بايلانىستى جۋرناليستەرگە ارنالعان ءباسپاسوز ماسليحاتى ءوتىپ، قازىلار القاسى بيىلعى جاستار فەستيۆالىنە باعا بەردى.

5 كۇنگە سوزىلعان فەستيۆالدە جان-جاقتان جينالعان 495 ونەرپاز 6 نوميناتسيا بويىنشا باقتارىن سىنادى. ونىڭ ىشىندە قازاقستاننان 364, ال قىتاي، وزبەكستان، رەسەي، قىرعىزستان مەملەكەتتەرىنەن 131 دارىندى جاس قاتىستى.  

ءباسپاسوز ماسليحاتىندا «بيىلعى بايقاۋعا شەتەلدەن شاقىرىلعان قوناقتار فەستيۆالدىڭ وتە جوعارى دەڭگەيدە ۇيىمداستىرىلعانىن ايتتى. بۇل بايقاۋدى الەمدەگى ەڭ ۇزدىك ونەر سايىستارىنىڭ قاتارىنا قوسۋعا بولادى» - دەدى استانا قالاسى مادەنيەت باسقارماسىنىڭ باستىعى بولات ماجاعۇلوۆ.

قر حالىق ءارتيسى، قۇرمانعازى اتىنداعى قازاق ۇلتتىق كونۆەرۆاتورياسىنىڭ رەكتورى ءجانيا اۋباكىروۆا «شىنىندا دا بۇل تەڭدەسى جوق بايقاۋ. ويتكەنى، ءبىزدىڭ ەلدە عانا جاستاردىڭ تالانتىن اشۋعا، كورسەتۋگە بار جاعداي جاسالۋدا» دەپ ءوز پىكىرىن ءبىلدىردى.

ال كەشكى گالا-كونتسەرتتە استانا قالاسى مادەنيەت باسقارماسىنىڭ باستىعى بولات ماجاعۇلوۆ 15 جاستاعى الماتىلىق سازگەر، قۇرمانعازى اتىنداعى قازاق ۇلتتىق كونسەرۆاتورياسىنىڭ 3-كۋرس ستۋدەنتى راحات-بي ابدىساعىنعا پرەزيدەنت كۋبوگىن تاپسىردى.

«شابىت» XVII حالىقارالىق شىعارماشىل جاستار فەستيۆالىنىڭ باس جۇلدەگەرى راحات-بي ابدىساعىن «پرەزيدەنت كۋبىن الۋ – مەن ءۇشىن ۇلكەن مارتەبە. ەلباسىمىزدىڭ ەل ەكونوميكاسىن جاقسارتىپ، مادەنيەت سالاسىنا كوڭىل ءبولۋىنىڭ ارقاسىندا وسىنداي جەتىستىككە جەتىپ وتىرعان ءبىز، جاستار باقىتتىمىز» دەي كەلە، شارانى ۇيىمداستىرۋشىلار مەن قازىلار القاسىنا جانە ۇستازدارىنا ريزاشىلىعىن ءبىلدىردى.  

سونداي-اق، 6 نوميناتسيا بويىنشا 8 گران-پري يەگەرلەرى ماراپاتتالدى. ولار:  

1. «كامەرالىق انسامبل» نوميناتسياسى بويىنشا وزبەكستاننىڭ تاشكەنت قالاسىنان كەلگەن «ZEBO» كۆارتەتى،  جەتەكشىسى پروفەسسور ۇلىقبەك يمانوۆ;
2. «كلاسسيكالىق مۋزىكا» نوميناتسياسىنىڭ «كومپوزيتورلار جارىسى» اتالىمى بويىنشا الماتىلىق راحات-بي ابدىساعىن;
3. «بەينەلەۋ ونەرى» نوميناتسياسى بويىنشا كوكشەتاۋلىق لوليتا حۋگاەۆا;
4. «حالىق مۋزىكاسى» نوميناتسياسى بويىنشا «ۇلتتىق ۇرمەلى اسپاپتار» اتالىمى بويىنشا الماتىلىق رايحان ومار;
5. «حالىق مۋزىكاسى» نوميناتسياسىنىڭ «ۇلتتىق شەرتپەلى اسپاپتار» اتالىمى بويىنشا الماتىلىق اسىلاي اپەنوۆا;
6. «كامەرالىق حور» نوميناتسياسى بويىنشا استانا قالاسى اكىمدىگىنىڭ مەملەكەتتىك فيلورمونياسىنىڭ كامەرالىق حورى;
7. «ەڭ ۇزدىك ادەبي تۋىندى» نوميناتسياسى بويىنشا تۇركىستان قالاسىنان باتىرحان سارسەنحان;
8. «حورەوگرافيا» نوميناتسياسى بويىنشا استانالىق ەركىن راحمەتۋللاەۆ

بۇدان بولەك، بايقاۋدىڭ ارنايى سىيلىق يگەرلەرىنە دە ديپلوم تابىس ەتىلدى:

1. پرلفەسسور فۋديمان ياكوۆ اتىنداعى سىيلىق – ايگەرىم داۋىتباەۆا، ايگۇل اۋشان;
2. قازسسر حالىق ءارتيسى احمەت جۇبانوۆ اتىنداعى سىيلىق – نيكيتا پولوگنيۋك;
3. سسسر حالىق ءارتيسى ەركەعالي راحماديەۆ اتىنداعى سىيلىق – اليبەك ادىرباەۆ;
4. حالىق سۋرەتشىسى نىعىمبەك نۇرمۇحاممەدوۆ اتىنداعى سىيلىق – حاكشيناز احماد زيا;
5. بولات سارىباي اتىنداعى سىيلىق – عانيبات سارقىتۇلى;
6. قازاقستان جانە سسسر حالىق ءارتيسى عازيزا جۇبانوۆا اتىنداعى سىيلىق – الماتى قالاسى چايكوۆسكي اتىنداعى كوللەدجدىڭ «الاتاۋ» حورى;
7. اقىن، مەملەكەتتىك سىيلىقتىڭ لاۋرەاتى فاريزا وڭعارسىنوۆا اتىنداعى سىيلىق – ءاليا ىڭكاربەك
8. سسسر حالىق ءارتيسى رامازان باپوۆ اتىنداعى سىيلىق – ەركىن راحمەتۋللاەۆ

حالىقارالىق ونەر دوداسىن وتكىزۋگە استانا قالاسى اكىمدىگى مەن استانا قالاسى مادەنيەت باسقارماسى جانە قازاق ۇلتتىق ونەر ۋنيۆەرسيتەتى قولداۋ كورسەتكەن.

قوسىمشا اقپارات

ءباسپاسوز ماسليحاتىنا قاتىسقان قازىلار القاسىنىڭ ءتىزىمى:

1. «بەينەلەۋ ونەرى» نوميناتسياسى بويىنشا قازىلار ارقاسىنىڭ ءتورايىمى – «تاۋەلسىزدىك سارايى» مكقك باس ديرەكتورى اسەل ءومىرشينا;
2. «حورەگروفيا» نوميناتسياسى تۇرسىنبەك نۇرقاليەۆ – قر ەڭبەك سىڭىرگەن قايراتكەرى، «استانا وپەرا» موبت بالەتىنىڭ كوركەمدىك جەتەكشىسى، باس بالەتمەيستەرى;
3. «حالىقتىق مۋزىكا» نوميناتسياسى بويىنشا قازىلار القاسى توراعاسى – قر مادەنيەت قايراتكەرى، سازگەر، فولكلور زەرتتەۋشىسى ەدىل قۇسايىنوۆ;
4. «كلاسسيكالىق مۋزىكا» نوميناتسياسى، «سيمفونيالىق وركەستر ديريجەرلارى» اتالىمى بويىنشا قازىلار القاسى توراعاسى – بەرلين سيمفونيالىق وركەسترىنىڭ باس ديريجەرى Lior Shambadal;
5. «كلاسسيكالىق مۋزىكا» نوميناتسياسى «كامەرالىق انسامبل» اتالىمى بويىنشا – قر حالىق ءارتيسى، قۇرمانعازى اتىنداعى قازاق ۇلتتىق كونۆەرۆاتورياسىنىڭ رەكتورى ءجانيا اۋباكىروۆا;
6. «كلاسسيكالىق مۋزىكا» نوميناتسياسى «كومپوزيتورلار سايىسى» اتالىمىنىڭ قازىلار القاسى توراعاسى – قر ەڭبەك سىڭىرگەن قايراتكەرى، سازگەر، قازاق ۇلتتىق ونەر ۋنيۆەرسيتەتىنىڭ پرورەكتورى سەرىك ەركىمبەكوۆ;
7. «كامەرالىق حور» نوميناتسياسى بويىنشا قازىلار القاسى توراعاسى – قر ەڭبەك سىڭىرگەن  قايراتكەرى، ب.بايقاداموۆ اتىنداعى مەملەكەتتىك حور كاپەللاسىنىڭ كوركەمدىك جەتەكشىسى ءارى باس ديريجەرى بەيىمبەت دەمەۋوۆ;
8. «ەڭ ۇزدىك ادەبي تۋىندى» نوميناتسياسىنىڭ قازىلار القاسى توراعاسى – قر ەڭبەك سىڭىرگەن قايراتكەرى، اقىن، مەملەكەتتىك سىيلىقتىڭ لاۋرەاتى ۇلىقبەك ەسداۋلەت;
9. بولات ماجاعۇلوۆ – استانا قالاسى مادەنيەت باسقارماسىنىڭ باسشىسى

وزگە دە اقپاراتتار بويىنشا تومەندەگى تەلەفونعا حابارلاسۋلارىڭىزعا بولادى:

8-727-354-06-07, 8701 360 66 63

e-mail: aigerim_agyltayeva@gmail.com