ءبىر دوسىم اجەپتەۋىر جۇمىس ىستەپ جۇرگەن. ءبىر كۇنى باستىعى شاقىرىپ الدى. ماقتاپ، ماقتاپ كەلىپ، جالاقىسىنا قوسىمشا ۇستەماقى تولەپ وتىراتىنىن ايتىپتى. ۇسىنعان شارتى - اركەز بيلىكتىڭ قادامىن جاقتاپ، الەۋمەتتىك جەلىلەردە پىكىر جازىپ وتىرۋ. بىلايشا ايتقاندا، بيلىكتىڭ شەشىمدەرىن قولداپ وتىراتىنداردىڭ قاتارىنا قوسىلۋ... دوسىم ارلى ازامات ەدى. "مىنانى ماقتاپ وتىراسىڭ" دەپ تاپسىرعانداردىڭ ىشىندە ۇلتىنىڭ مۇددەسىنە قايشى كەلەتىن، ۇمىتىنەن كۇدىگى باسىم باستامالار بولعان سوڭ ول جۇمىستان باس تارتتى. ءوزىنىڭ ىشكى داۋىسىنا، شىنايى ازاماتتىق ۇنىنە قۇلاق اسقىسى كەلدى. بايىپ بارا جاتقاندىقتان ەمەس. اردان اتتاي الماعاندىقتان. ايتپسەس، ونىڭ دا بالا-شاعاسى بار... اقىرى سول جۇمىستان كەتتى. جۋرناليستيكادان جەرىدى. 
بىراق... وكىنىشتىسى، بىزدە سولاي اقشا ءۇشىن مۇددەسىن ساتىپ جۇرگەندەر كوپ. جۋرناليستيكانى نەلىكتەن جەزوكشەلىكپەن سالىستىرعانىن وسىندايدا تۇسىنە باستايدى ەكەنسىڭ.

(نازيرا بايىربەكتىڭ فەيسبۋكتەگى پاراقشاسىنان)