بەيسەنبى, 28 ناۋرىز 2024
جاڭالىقتار 5612 0 پىكىر 4 قاراشا, 2014 ساعات 16:49

«شابىت» XVII حالىقارالىق فەستيۆالى باستالدى

3-قاراشا كۇنى ەلوردامىز استانا قالاسىندا «شابىت» XVII حالىقارالىق ونەرلى جاستاردىڭ فەستيۆالى باستالدى. تالانتتى، شىعارماشىل جاستاردىڭ باسىن قوسقان بايقاۋ شىمىلدىعى بەيبىتشىلىك جانە كەلىسىم سارايىندا اشىلادى. ونەرپازدار دوداسى قاراشانىڭ سەگىزىنە دەيىن جالعاسادى.

بيىلعى «شابىت» بۇرىنعىدان وزگەرەك. سەبەبى، فەستيۆال باعدارلاماسىنا جاڭادان «ۇلتتىق مۋزىكا» جانە «كامەرالىق حور» نوميناتسيالارى قوسىلعان. ەندى جان-جاقتان جينالعان جاستار حالىق الدىنا شىعىپ، ونەرى ارقىلى شىن تالانتقا تۇساۋ جوق ەكەنىن دالەلدەي الادى.

بايقاۋدى ۇيىمداستىرۋشىلاردىڭ سوزىنشە، «ۇلتتىق مۋزىكا» نوميناتسياسى بويىنشا ونەر كورسەتەتىندەر كوپ. اسىرەسە، ولاردىڭ اراسىندا قىتاي حالىق رەسپۋبليكاسىنان كەلگەندەر سانى باسىم. قىتايدان ارنايى كەلگەن قانداستارىمىز وسى حالىقارالىق بايقاۋ اياسىندا ۇرمەلى (سازسىرناي، سىبىزعى، ناي) جانە شەرتپەلى (جەتىگەن، شاتحان) اسپاپتاردا ويناپ، حالىقتى تاڭعالدىرماق نيەتتە.

«شابىتتا» باعى مەن بابىن سىناپ كورۋ ءۇشىن ەلىمىزدىڭ تۇكپىر-تۇكپىرىنەن جاستار جينالدى. قاتىسۋشىلار سانى بويىنشا سولتۇستىك قازاقستان وبلىسى مەن شىمكەنت قالاسى الدا تۇر. جالپى «شابىت» شىعارماشىل جاستار فەستيۆالىندە باس سىيلىق – قر پرەزيدەنتىنىڭ كۋبوگى، گران-پري جانە 1,2,3 ورىن لاۋرەاتى قۇرمەت ديپلومى، سونداي-اق، «شابىت» مەدالى بەرىلەتىن بولادى. بۇل فەستيۆالدىڭ ديپلومانتى اتانۋ ارقىلى تالاي دارىن ۇلكەن ونەرگە جولداما الادى.

بايقاۋ كورسەتىلىمدەرىنەن بولەك، قوسىمشا ءىس-شارالار ۇيىمداستىرىلادى. قازىلار القاسى مۇشەلەرىنىڭ كونتسەرتى، مۋزىكالىق-كوڭىل كوتەرۋ شوۋى، ارت-كلۋب – تانىسۋ كەشى، فەستيۆال لاۋرەاتتارىنا ارنالعان قالا اكىمدىگىنىڭ بالى وتەدى دەپ جوسپارلانۋدا. سونىمەن قاتار، ۇيىمداستىرۋشى كوميتەت شتابىندا مادەني پروبلەمالار مەن وزگە دە وزەكتى تاقىرىپتاردا دوڭگەلەك ۇستەل وتكىزىلمەك.

جانە حالىقارالىق دەڭگەيدەگى ونەر جۇلدىزدارىنىڭ شەبەرلىك ساعاتتارى جاستار ءۇشىن اسا ماڭىزدى وقيعا بولماق. ال بايقاۋ جەڭىمپازدارى مەن لاۋرەاتتارىن ماراپاتتاۋ گالا-كونتسەرتپەن اياقتالادى. حالىقارالىق ونەر دوداسىن وتكىزۋگە استانا قالاسى اكىمدىگى مەن استانا قالاسى مادەنيەت باسقارماسى جانە قازاق ۇلتتىق ونەر ۋنيۆەرسيتەتى قولداۋ كورسەتكەن.

قۇرمەتتى، جۋرناليستەر! سىزدەردى حالىقارالىق جاس دارىندار فەستيۆالى تۋرالى حالىقتى اقپاراتتاندىرىپ، قىزىقتى جاڭالىق تاراتۋعا شاقىرامىز.

وزگە دە اقپاراتتار بويىنشا تومەندەگى تەلەفونعا حابارلاسۋلارىڭىزعا بولادى:

8-727-354-06-07, 8701 360 66 63

e-mail: aigerim_agyltayeva@gmail.com

اباي-اقپارات

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3532