كىم كورگەن مۇنداي «عاجاپتى»؟

كىم كورگەن مۇنداي مازاقتى؟

قازاقتىڭ ءتىلىن بىلمەيتىن

كىم دەۋگە بولار قازاقتى؟

ال، سوندا كىمگە كىم كۇلگەن؟

ارينە، قۇل مەن كۇڭ كۇلگەن.

تۇرلەرى - قازاق بولعانمەن،

تىلدەرى: ء«شۇلدىر، شۇلدىرلەر».

زامان دا بولەك ونداعى،

ادام دا بولەك ونداعى،

كەڭەستىك جۇيە تۇسىندا

70 جىل قازاق سورلادى.

شىندىقتى ايتسام جاسىرماي،

شىندىقتى ايتسام اسىرماي،

تاۋەلسىزدىك تە العالى

قازاققا شيرەك عاسىرداي.

كورمەستى كوزىڭ كورەدى،

«شالالار» نەتكەن كوپ ەدى؟..

ءالى دە ء«شۇلدىر-قازاقتار»

«شۇلدىرلەۋمەنەن» كەلەدى.

نە پايدا ودان ەلىنە؟

نە پايدا ودان جەرىنە؟

ورمانعا قاراپ ۇليتىن

قاسقىردىڭ كۇشىكتەرى مە؟

قازاقتىڭ جولى تار ما ەكەن؟

ۋ ما ەكەن، تاتار بال ما ەكەن؟

شىققىسى كەلمەس قۇلدىقتان

ء«شۇلدىر دە» - نامىس بار ما ەكەن؟..

جۇماش كوكبورى،

27.10.2014 جىل.