الماتى قالاسىندا مەملەكەتتىك ءتىلدى دامىتۋ ينستيتۋتىنىڭ باستاماسىمەن ء«تىل ساقشىسى» اتتى قوعامدىق قوزعالىس اشىلىپ، ءوز جۇمىسىن باستاپ كەتكەنىنەن حاباردار شىعارسىزدار. ۇيىمنىڭ ماقساتى – جارناماداعى قازاق تىلىندە كەتكەن قاتەلەردى تاۋىپ، ونى تۇزەتۋ جولىندا جۇمىس جاساۋ. وعان قالامىزدىڭ كەز كەلگەن تۇرعىنى مۇشەلىككە كىرىپ، ءوز سەپتىگىن تيگىزە الاتىندىعىن ايتىپ وتكەنىمىز ءجون.

مىسالى، بۇگىن ء«تىل ساقشىسى» ماگيسترانت ۇلان بەكتۇرسىن مەترودا «Greenmart» كومپانياسىنىڭ جارناماسىنان قازاق تىلىندە كەتكەن قاتەنى كورىپ بايلانىسقا شىققان ەدى. ينستيتۋت قىزمەتكەرلەرى اتالمىش كومپانياعا قوڭىراۋ شالىپ، ءمان-جايدى سۇراستىردى. ناتيجەسىندە «Greenmart» كومپانياسىنىڭ قىزمەتكەرلەردى ىرىكتەۋ بويىنشا مەنەجدەرى گالينا دەمۋرينا شاعىمدى اياعىنا دەيىن تىڭداپ شىعىپ، مەكەمە اتىنان كەشىرىم سۇراپ، ورىن العان كەلەڭسىز جايتتى باسشىلىققا جەتكىزەتىنىن ايتىپ سەندىردى. ءسوزىمىز دالەلدى بولۋى ءۇشىن مەنەدجەردىڭ ەلەكتروندىق مەكەنجايىنا تۇسىرىلگەن فوتونى دا سالىپ جىبەردىك. ەندى قاتەنى تۇزەۋلەرىن كۇتەمىز.

بۇل – ءبىرىنشى كۇننىڭ جەڭىسى. الدا ءبىز ءالى تالاي تولاعاي جەڭىسكە قول جەتكىزەمىز دەگەن ءۇمىت بار. سول سەبەپتى بەيجايلىق تانىتپاڭىزدار، «مۇمكىن ەمەس» دەپ ۇنجىرعالارىڭىز تۇسپەسىن، قاتارىمىزعا قوسىلىڭىزدار!

جازيرا بايدالى،

مەملەكەتتىك ءتىلدى دامىتۋ ينستيتۋتىنىڭ رەداكتورى

 til-adebiet@mail.ru

اباي-اقپارات