بۇگىندە قازاقستانداعى  تەلەانالاردىڭ قازاق ءتىلدى حابارلارىنىڭ بارلىعىندا دەرلىك جۇرگىزۋشىلەر: تەك اكتەرلەردەن، انشىلەردەن، سايقىمازاق كۇلدىرگىشتەردەن تاڭداپ الىناتىن بولىپتى.

سوندا قازاق ءتىلدى تەلەجۋرناليستەردىڭ قاجەتى بولماي قالعان با؟

قايتالاپ ايتامىن، حابار جۇرگىزەتىن قازاق تەلەجۋرناليستەرىن ەفيردەن شەكتەتەتىندەي، ولاردىڭ نە جازىعى بار ەكەن؟

قاپتاعان ارتيستەر جۇرگىزىپ جاتقان ساپاسىز تەلەحابارلاردى قاراپ وتىرىپ، ەرىكسىز وسىنداي ويعا قالامىن.

كوڭىلدەرىنە كەلسە دە ايتايىن جانە بايىرعى تەلەجۋرناليست رەتىندە ايتۋعا حاقىم بار شىعار، سول اكتەر، ءارتىس جۇرگىزۋشىلەردىڭ بارلىعى دەرلىك ءماتىن جازۋعا جوق. باسقاشا ايتقاندا باسقالار جازىپ بەرگەن ماتىرندەردى جاتتاپ الىپ، وزدەرى شىعارعانداي ەكران الدىندا سايرايتىنىن بىلايعى كورەرمەندەر بىلمەسە دە، مەن جاقسى بىلەمىن. الگى حابار جۇرگىزگىش ارتيستەردىڭ سويلەيتىن سوزدەرىن تاساداعى رەداكتورلاردىڭ جازىپ بەرەتىنى انىق. انا جۇرگىزۋشى اكتەرلەر تەلەسۋفلەردەن تاساداعى جۋرناليست جازعان ءماتىندى عانا وقيتىنى - تازا شىندىق. سوندا تاپ وزدەرى جاندارىنان شىعارعانداي بولىپ سايراپ وتىرعان ارتيستەر قالىڭ تەلەكورەرمەندى نەگە الدايدى؟ ونسىز دا مىنا ەكىجۇزدى زاماندا ەندى كوگىلدىر ەكران ارقىلى قالىڭ ەلدى الداۋدان ولار (جۇرگىزۋشى ارتيستەر، تەلەارنا باسشىلارى) نە پايدا كورمەك؟

سوندا ول تەلەارنالارعا ءبىر حاباردى جۇرگىزۋ ءۇشىن: ءبىر ءماتىن جازاتىن جۋرناليست جانە تاعى ءبىر اكتەر الۋدىڭ قانشالىقتى قاجەتتى بولدى ەكەن ء(بىزدىڭ زامانىمىزدا بۇل جۇمىستاردىڭ بارلىعىن ءبىر ءوزىمىز جۇرگىزۋشى ەدىك). مىنادانداي قىمباتشىلىق كەزىندە ول تەلەارنا باسشىلارىنىڭ بۇل استا توك ەركىندىكتەرىن، شەكتەن شىققان «مىرزالىقتارىن» قالاي تۇسىنۋگە بولادى؟

اڭگىمەنىڭ اشىعىن ايتقاندا، تەلەارنالارعا حابار جۇرگىزە الاتىنداي قازاق جۋرناليستەرىنىڭ انالارعا شىنىمەن كەرەك بولماي قالعانى ما؟..

جۇماش كەنەباي

Abai.kz