بۇگىن قولىندا ۇيالى تەلەفونى بار جاننىڭ بارىنە ەاەو-عا مۇشە ەلدەرگە ورتاق ۆاليۋتانىڭ سۋرەتتەرى بەينەلەنگەن اقپاراتتار كەلىپ ءتۇسىپ جاتىر. ورتاق ۆاليۋتا «التىن» دەپ اتالاتىن كورىنەدى.  بۇل نە ءسوزى؟ راس پا، وتىرىك پە؟ دوللاردىڭ باعامى شارىقتاپ ءوسىپ بارا جاتقان وسى كۇندەرى جۇرت نەگە بولسا دا الاڭداپ، نەگە بولسا دا سەنىپ قالاتىن جاعدايدا وتىر. ونىڭ ۇستىنە تاياۋدا رف پرەزيدەنتى پۋتين دۋماعا ەاەو مەن تمد ەلدەرىنە ورتاق ۆاليۋتا تۋرالى زاڭنىڭ جوباسىن اكەلگەن ەدى (http://abai.kz/post/view?id=4536).  رەسەي ساياساتكەرلەرى مەن قارجىگەرلەرى دە ورتاق ۆاليۋتا تۋرالى ءجيى ايتۋدا. الايدا، الگىندەي اڭگىمەلەردى قازاقستان تاراپى جوققا شىعارىپ كەلەدى. مىسالى، تاياۋدا عانا ورتاق ۆاليۋتاعا قاتىستى پىكىر بىلدىرگەن حالىق بانكتىڭ ءتورايىمى ءۇمىت شاياحمەتوۆا ء«تول اقشاسىن جوعالتقان ەل ساياسي تاۋەلسىزدىگىن دە جوعالتادى» دەگەن بولاتىن (http://abai.kz/post/view?id=4546).  ايتكەنمەن دە «التىن» تۋرالى الىپ-قاشپا ءسوز جەلدەي ەسىپ بارادى. بۇگىن الەۋمەتتىك جەلىلەردى كەزىپ جۇرگەن اقپارات بىلاي دەيدى:

مىنا سوزگە سەنەر بولساق، وندا دوللاردىڭ كۇنى بىتكەنگە ۇقسايدى. تەڭگە دە تىنعان سەكىلدى. الايدا، «التىنعا» بايلانىستى  ۇلتتىق بانكتىڭ وكىلى انەل داۋلەتعاليەۆا: «بۇل قاڭقۋ ءسوز، انشەيىنگى اڭگىمە» دەگەندى ايتتى (http://tengrinews.kz/private_finance/sluhi-vvedenii-edinoy-valyutyi-altyin-vnov-oproverg-natsbank-280942/).  ايتسە دە، كوپتىڭ كوڭىلىندە كۇدىك باسىم. ويتكەنى، ۇلتتىق بانك وسىعان دەيىن دە «قاڭقۋ سوزدەردى جوققا شىعارماق بولىپ» قاتارىنان بىرنەشە رەت قاتەلەسكەن ەدى. ەل ءىشى «تازشا بالا» اتاپ كەتكەن كەلىمبەتوۆتىڭ  ۇلتتىق ۆاليۋتا، دەۆالۆاتسيا تۋرالى جاساعان مالىمدەلەرىن ەسكە الساق، «التىننىڭ» دا اقىرى شىنىدىققا اينالۋى مۇمكىن عوي.  ايتپاقشى، ەلباسى تەڭگەنى ەركىن اينالىمعا جىبەرگەن كۇنى: «كىمدە كىم ادەيى ارانداتىپ، جاڭساق اقپارات تاراتاتىن بولسا، زاڭمەن جازالانادى»، - دەگەن ەدى. سوندا بۇگىنگى اقپاراتتى تاراتۋشى كىم، ول ۇستالىپ، وتىرىگى دالەلدەنە مە، جوق پا؟ الداعى كۇندەر قالاي بولادى؟ حالىق الاڭداۋلى...

Abai.kz