سەنبى, 1 قازان 2022
بيلىك 3789 0 پىكىر 16 قىركۇيەك, 2015 ساعات 02:00

وقو: يندۋستريالدى ايماق ەلدىڭ وركەندەۋىنىڭ كەپىلى

رەسپۋبليكا كولەمiندە يندۋستريالدى-يننوۆاتسيالىق ايماق قۇرۋ ماسەلەسi كەڭ كولەمدە ءارi قارقىندى جۇرگiزiلiپ كەلە جاتقانى بەلگiلi. قارجى داعدارىسى بەلەڭ الىپ تۇرعان كەزەڭدە يننوۆاتسيالىق جوبالاردى iسكە قوسىپ، يندۋستريالدى ايماقتى دامىتۋ ارقىلى جاڭا جۇمىس ورىندارىن اشىپ، جۇمىسسىزدىقتى بارىنشا ازايتۋعا كۇش سالۋ وزەكتi ماسەلەنiڭ بiرi بولىپ وتىر، - دەپ جازادى «وڭتۇستiك قازاقستان» گازەتى.

وسى جاعدايدى زەردەلەي بiلگەن اۋدان اكiمدiگi شاراپحانا اۋىل وكرۋگiنە قاراستى مايلىوشاق ەلدi مەكەنiنەن يندۋستريالدى ايماق ءۇشiن 40 گەكتار جەر تەلiمiن ءبولiپ، بۇگiنگi تاڭدا ايماقتىڭ ينفراقۇرىلىمى قارقىندى جۇرگiزiلۋدە.

«بيزنەستiڭ جول كارتاسى – 2020» باعدارلاماسى اياسىندا يندۋستريالدى ايماقتىڭ ينفراقۇرىلىمىن جۇرگiزۋدiڭ جوبالىق-سمەتالىق قۇجاتتاماسى مەملەكەتتiك ساراپتامادان ءوتiپ، وبلىستىق ەنەرگەتيكا جانە تۇرعىن ءۇي-كوممۋنالدىق شارۋاشىلىق باسقارماسى جەڭiمپاز انىقتاۋ ماقساتىندا مەملەكەتتiك ساتىپ الۋ زاڭىنا سايكەس كونكۋرس جاريالاپ، ناتيجەسiندە «شاڭىراق» جشس-i جەڭiمپاز دەپ تانىلدى.

يندۋستريالدى ايماق نەگiزiنەن وتە قولايلى الاڭعا، ياعني تاشكەنت–شىمكەنت ماگيسترالدى كۇرە جولىنىڭ بويىنان قونىس تەپكەن. بۇگiنگi تاڭعا 5527 مەتر گاز جۇيەسi, 5393 مەتر سۋ قۇبىرى جۇرگiزiلiپ، 2390 مەتر جول اسفالتتالعان. ايماقتىڭ ينفراقۇرىلىمىن اياقتاۋ مەرزiمi ۇستiمiزدەگi جىلدىڭ ءتورتiنشi توقسانىنا بەلگiلەنگەن.

سونداي-اق، وبلىستىق وڭiرلiك ۇيلەستiرۋ كەڭەسiنiڭ وتىرىسىندا جان-جاقتى قارالىپ، ماقۇلدانعان ءتورت جوبانى بيىلعى جىلدىڭ وزiندە-اق يندۋستريالدى ايماقتا iسكە قوسۋ جوسپارلانعان. اتاپ ايتقاندا، «وتىرابات–قۇرىلىس» جشس-i (ديرەكتورى ر.ۋتەشوۆ) جوبالىق قۇنى 64,4 ملن. تەڭگەلiك «گازدىبەتون بلوگى ءوندiرiسiن» قولعا الىپ، ۇستiمiزدەگi جىلدىڭ جەلتوقسان ايىندا تولىق iسكە قوسىپ، جىلىنا 12 مىڭ شارشى مەتر گازدىبەتون بلوگىن شىعارۋدى جوسپارلاپ وتىر. بۇل وندiرiستە جاڭادان 12 جۇمىس ورنى اشىلادى دەپ كوزدەلۋدە.

سونىمەن بiرگە بۇگiندە يندۋستريالدى ايماقتان ورىن تەپكەن «يۋكگۋ» جشس-i دە جوبالىق قۇنى 258,0 ملن. تەڭگە بولاتىن گازدىبەتون قۇرىلىسىن جۇرگiزۋدi جوسپارلاپ، قاجەتتi قۇرال-جابدىقتار ورنالاستىرىپ، تيiستi ماتەريالداردى تاسىمالداۋ iسiمەن اينالىسۋدا. ولار جىل سوڭىندا 40 ادامدى جۇمىس ورنىمەن قامتاماسىز ەتiپ، ءوندiرiس كولەمiنiڭ قۋاتتىلىعىن 3000 شارشى مەترگە جەتكiزۋدi ۇيعارىپ وتىر.

يندۋستريالدى ايماقتا ورنالاسقان يننوۆاتسيالىق جوبالاردىڭ ءتۇرi دە ءارالۋان. ماسەلەن، «Lotus Food Company LLC» جشس-نiڭ توراعاسى ءا.يبادۋللاەۆ تەز ازiرلەنەتiن تاعام ءوندiرiسiنiڭ جوباسىن ۇسىنىپ، وسى باعىتتا جۇمىستى باستاپ تا ۇلگەرگەن. جوبا قۇنى – 471 ملن. تەڭگە. ءوندiرiس iسكە قوسىلعان جاعدايدا، بۇل جاڭا جۇمىس ورنىنا 48 ادام تارتىلىپ، جىلىنا تەز ازiرلەنەتiن 1097 توننا تاعام شىعارىلاتىن بولادى.

– «اسىل باستاۋ KZ» جشس-i قۇرعاق ءسۇت جانە سارى ماي ءوندiرۋ iسiن قولعا الۋ ءۇشiن جۇمىستارىن باستادى. ءسۇت وڭدەۋ زاۋىتىن الداعى جىلى iسكە قوسىپ، 20 ادامدى جۇمىسپەن قامتۋدى كوزدەپ وتىرمىز، – دەيدi زاۋىت باسشىسى سەيدiللا قۇنانباەۆ.

بۇگiندە يندۋستريالدى ايماقتا قىزۋ ەڭبەك قارقىن العان. جوعارىداعى جوبالار جۇزەگە اسقان جاعدايدا اۋداننىڭ ونەركاسiپتiك الەۋەتتi ارتىپ، قانشاما جاڭا جۇمىس ورىندارى اشىلىپ، اۋدان بيۋدجەتiنە تۇسەتiن ءتۇسiم كوزدەرi ارتا تۇسەتiن بولادى.

ايماققا يننوۆاتسيالىق جوباسىن ۇسىنىپ، ءوز بيزنەسiن اشامىن دەۋشiلەردiڭ دە قاتارى ارتا تۇسۋدە. بۇل – قۋانارلىق جاعداي.

جورابەك سۇيەۋبەكوۆ، قازىعۇرت اۋدانى

Abai.kz

0 پىكىر