تۇركىستان قالاسىندا ءوزىن اللا ۇكىمىمەن پايعامبار بولعانىن جاريا ەتكەن ءنۇرالى امىراليەۆ ەسىمدى 51 جاستاعى ازامات قالا اكىمىنە حات جولدادى. وندا ول اللامەن تىلدەسىپ، پايعامبارلىق دارەجەسىن العانىن، بيلىكتىڭ وزىمەن ساناسىپ، مويىنداۋىن تالاپ ەتىپ وتىر دەپ حابارلايدى 31 ارنانىڭ تىلشىلەرى.

ەلۋ ءبىر جاستاعى تۇركىستاندىق ءنۇرالى امىراليەۆ اللا تاعالامەن تىكەلەي تىلدەسكەن ءۇشىنشى پايعامبارمىن، ماعان بۇل ۇكىم جاراتۋشىدان ۋاحي بولدى دەپ ەلگە ءمالىم ەتۋىن قويماي كەلەدى. ونىڭ اكىمگە جازعان حاتى عالامتورعا شىعىپ، ءار وڭىردەن حابارلاسۋشىلار كوبەيگەن. ءبىرى قورقىتىپ-ۇركىتسە، ەندى ءبىرى ولتىرەمىن دەگەن كورىنەدى. بىراق وسىعان قاراماستان، ءوزى وسى جولدان استە تايمايمىن دەپ بەكىنىپ وتىر.

 ءنۇرالى امىراليەۆ، وقو تۇرعىنى:

-دەمالايىن دەپ تۇرعانىم سول ەدى، قۇبىلا بەتتەن ءتىل قاتتى: ەي، قۇلىم، سەن ەلشىم بولاسىڭ دەدى. مەن قاتتىم دا قالدىم. مىناۋ، ىبىرايىم، مۇسا پايعامبارلارىمىز سياقتى تىكەلەي تىلدەسكەن ءۇشىنشى پايعامبار بولامىن.

 ۇلىنىڭ ارەكەتىن العاشقىدا توقتاتپاق بولعان ونىڭ اناسى مۇحاممەد پايعامبارىمىزدىڭ ءومىر جولدارى تۋرالى كىتاپتى وقىعان سوڭ، ءوزى بىلەدىگە كوشىپتى. وتىرىك ايتسا، اللا جازاسىن بەرەدى دەيدى.

 امانكۇل مۇساەۆا، اناسى:

- بۇل وتىرىك ايتىپ وتىرسا، جازاسىن قۇداي بەرەدى. ەگەر شىنىمەن بۇعان اللا تاعالا كورىنىپ جاتسا، ايتىپ جاتسا، بۇل قۇداي قالاسا، جەڭىپ شىعادى.

 ال، تۇركىستانداعى ءنازىر تورەقۇلوۆ مەشىتىنىڭ يمامى ءاليحايدار سەيىتبەكۇلى: "قۇران كارىمدە دە، پايعامبار حاديستەرىندە دە مۇحاممەد  اقىرعى پايعامبار ەكەندىگى تالقىلاۋعا جاتپايتىن ناقتى ۇكىم. ال، كەز-كەلگەن ادامنىڭ جالعان ات جامىلاتىن جاعدايى بولسا، ونىڭ ۇكىمى ءولىم", - دەپ بىراق كەستى.

 ءاليحايدار سەيىتبەكۇلى، يمام:

-ياعني، كۇنالاردىڭ ىشىندەگى ەڭ ۇلكەنى ەكەندىگىن، زالىمداردىڭ ىشىندەگى ەڭ ۇلكەنى ەكەنىن اللا تاعالام بايانداپ وتىر. جانە اعساپ سۇرەسىندە دە پايعامبارىمىز مۇحاممەد عالەيكيس-ۋاسسالامنان باسقا پايعامبار كەلمەيتىنى باياندالعان.

بيلىك ونىڭ پايعامبارمىن دەگەن مالىمدەمەسى اكىمدىكتە قارالىپ، ءتيىستى جاۋابى بەرىلگەنىن، وندا بارلىق كورسەتۋلەرى قولداۋ تابىلماعانىن ايتادى. ءتىپتى، ونىڭ جۇيكە اۋرۋىمەن ناۋقاس رەتىندە ەمحانادا تىركەۋدە بولۋ مۇمكىندىگىن ايتىپ قالدى.  

 مالىك داۋلەتوۆ، تۇركىستان قالاسى اكىمىنىڭ ءباسپاسوز حاتشىسى:

- وعان قالا اكىمدىگى تاراپىنان قازاقستان رەسپۋبليكاسى ء«دىني قىزمەت جانە ءدىني بىرلەستىكتەر تۋرالى» زاڭىنىڭ 3-بابىنا سايكەس، تالاپ-تىلەكتەرى قاناعاتتاندىرىلماعاندىعى جونىندە جاۋاپ حات جولدادى.

 ال، رەسپۋبليكا اۋماقتارىنان نۇرالىگە ۇيالى تەلەفون ارقىلى حابارلاسقان زامانداستارى كوبىنە ونى سوگىپ جاتقاندىعى، ءتىپتى ء«تۇتىپ-جەۋگە» دايىن ەكەندىگى اڭعارىلادى.

ء بىرىنشى كىسى: ءسىز ولاي ادامداردى اداستىرماڭىز. ءنۇرالى: الدىمەن قۇراندى وقىپ-ءتۇسىنىپ ايت اڭگىمەڭدى. نە دەپ ايتىپتى؟ بىلمەيتىنىڭدى ايتىپ، كۇناعا باتپا دەيدى.

 كەلۋشىلەر بولىپ جاتسا، قاسيەتتى قۇران كارىمدى قازاق تىلىندە وقىتۋدى ۇيرەتەمىن دەگەن ءنۇرالىنىڭ جوسپارىنا ازىرگە سەنۋشىلەردەن گورى، ونى شاتاسۋشى دەپ ەسەپتەيتىندەر جاعى باسىم بولىپ تۇر.

 ەرلان قۋاندىقوۆ، ەرجان سەيدازىموۆ. 

تۇپنۇسقاداعى تاقىرىپ: ءوزىن پايعامبار سانايدى

31 ارنا