ءبىرىنشى جارتىجىلدىقتىڭ قورىتىندىسى بويىنشا KAZ Minerals توبى ىلەسپە ونىمدەر - مىرىش پەن كۇمىس ءوندىرىسىن قوسا العاندا جالپى تۇراقتى وندىرىستىك قىزمەت ناتيجەلەرىن كورسەتتى.

 بۇدان بۇرىن حابارلانعانىنداي، 2015 جىلدىڭ العاشقى التى ايىندا KAZ Minerals 37 مىڭ توننا كاتودتى مىس ءوندىردى. ءوندىرىس قارقىنى جىل سوڭىنا قاراي جوسپارلى 80-85 مىڭ توننا كورسەتكىشىنە قول جەتكىزۋگە مۇمكىندىك بەرەدى. ءبىرىنشى جارتىجىلدىقتىڭ قورىتىندىسى ىلەسپە ونىمدەردىڭ جىلدىق جوسپارلى ءوندىرىسى جوعارعى مەجەسىنە دەيىن جەتەدى، ياعني 90-95 مىڭ توننا كونتسەنتراتتاعى مىرىش پەن 2,2-2,5 ملن ۋنتسيا كۇمىس وندىرىلەدى دەپ بولجاۋعا مۇمكىندىك بەرەدى. التىن ءوندىرىسىنىڭ بولجامدى كورسەتكىشى 34-38 مىڭ ۋنتسيانى قۇراپ وتىر.

 2015 جىلدىڭ ءبىرىنشى جارتىسىندا وتكىزۋدەن تۇسكەن كىرىس وتكەن جىلدىڭ وسىنداي كەزەڭىندەگى 425 ملن اقش دوللارىمەن سالىستىرعاندا، نەگىزىنەن، مىس، كۇمىس پەن التىن سەكىلدى باستى مەتالدار باعالارىنىڭ تومەندەۋىنە بايلانىستى، 341 ملن اقش دوللارىنا دەيىن قىسقاردى. لوندون مەتالدار بيرجاسىنداعى مىستىڭ ورتاشا باعاسى 2014 جىلدىڭ ءبىرىنشى جارتىجىلدىعىنداعى تونناسىنا 6916 اقش دوللارىمەن سالىستىرعاندا ءبىرشاما تومەندەپ، تونناسىنا 5929 اقش دوللارىن قۇرادى (-14%). كۇمىس پەن التىن دا باعاسىن تومەندەدى – تيىسىنشە 17% جانە 7%.

قالىپتاسقان جاعدايدا، KAZ Minerals ءوندىرىستىڭ وزىندىك قۇنىن تومەندەتۋدىڭ ارقاسىندا، ەسەپتى كەزەڭ ىشىندە ەرەكشە باپتاردى قوسپاعاندا 88 ملن اقش دوللارى مولشەرىندەگى EBITDA كورسەتكىشىنە قول جەتكىزدى (2015 جىلدىڭ 1 شىلدەسىنەن باستاپ (ەسەپتى كەزەڭ اياقتالعاننان كەيىن) كوممەرتسيالىق ءوندىرىس ساتىسىنا كوشكەن بوزىمشاق جوباسىنا كاپيتالداندىرىلعان 6 ملن اقش دوللارى مولشەرىندەگى EBITDA كورسەتكىشى قوسىلماعان).

ديرەكتورلار كەڭەسى ارالىق ديۆيدەندتى تولەمەۋدى ۇسىنادى. ليستينگتەن بەرى توپ اكتسيونەرلەرگە شامامەن 2,1 ملرد اقش دوللارىن تولەدى جانە بولاشاقتا تولەمدەردى قايتا جالعاستىرۋدى جوسپارلاپ وتىر.

وپەراتسيالىق شىعىندارعا باقىلاۋدى كۇشەيتۋدىڭ ارقاسىندا، ءبىرىنشى جارتىجىلدىقتا توپتىڭ قولدانىستاعى نەگىزگى ءوندىرىسى بولىپ تابىلاتىن «شىعىستۇستىمەت» جشس-دە مىس ءوندىرىسىنىڭ جالپى اقشالاي وزىندىك قۇنىن فۋنتىنا 270 اقش تسەنتىنە دەيىن تومەندەتۋگە مۇمكىندىك بەردى. بۇل بۇدان بۇرىن 2015 جىلعا جوسپارلانعان فۋنتىنا 280-300 اقش تسەنتى كورسەتكىشىنەن تومەنىرەك. بولجامدىق جىلدىق كورسەتكىش قايتا قارالىپ، فۋنتىنا 265-285 اقش تسەنتىن قۇرايدى دەپ كۇتىلۋدە. ىلەسپە ونىمدەر شەگەرىلگەننەن كەيىنگى مىس ءوندىرىسىنىڭ تازا اقشالاي وزىندىك قۇنى فۋنتىنا 125 اقش تسەنتى دەڭگەيىندە بولدى. وزىندىك قۇننىڭ تومەندەۋىنە ىقپال ەتكەن شارالار رەتىندە مىنا جاعدايلاردى ايتۋعا بولادى: تاۋارلاردىڭ، جۇمىستار مەن قىزمەتتەر قۇنىن تومەندەتۋگە بايلانىستى جەكەلەگەن شارتتاردى قايتا قاراۋ; وپەراتسيالىق تيىمدىلىكتى ارتتىرۋ – اسىرەسە، مودەرنيزاتسيالانعان نيكولاەۆ كەن بايىتۋ فابريكاسىندا قولدانىلاتىن رەاگەنتتەردىڭ كولەمىن قىسقارتۋ ەسەبىنەن; ىسساپارلىق شىعىستار مەن مەرزىمسىز جوبالاردىڭ شىعىندارىن قىسقارتۋ; شىعىندى ماتەريالداردىڭ جەكەلەگەن تۇرلەرىنىڭ جانە تاسىمالداۋ قىزمەتتەرىنىڭ قۇنىن ءتۇسىرۋ; ءرۋبلدىڭ قۇنسىزدانۋىنان رەسەيدەن اكەلىنەتىن تاۋارلار باعالارىنىڭ تومەندەۋى.

ءوندىرىستى قولداۋعا كەتەتىن كاپيتالدىق شىعىندار 25 ملن اقش دوللارىن قۇرادى. وسىدان بۇرىن ءوندىرىستى قولداۋعا كەتەتىن كاپيتالدىق شىعىندار 2015 جىلى «شىعىستۇستىمەت» جشس ءۇشىن 80-100 ملن اقش دوللارىن جانە بوزىمشاق جوباسى ءۇشىن 10 ملن اقش دوللارىن قۇرايدى دەپ

جوسپارلانعان بولاتىن. ءوندىرىستى قولداۋعا كەتەتىن كاپيتالدىق شىعىنداردىڭ زور بولىگى 2015 جىلدىڭ ەكىنشى جارتىجىلدىعىنا كەلەدى جانە قالعانى 2016 جىلعا شەگەرىلۋى مۇمكىن. «شىعىستۇستىمەت» جشس-دە ءوندىرىستى وڭتايلاندىرۋ جونىندەگى مىناداي ەكى جوبا ىسكە اسىرىلۋدا: نيكولاەۆ كەن بايىتۋ فابريكاسىن جاڭعىرتۋدى اياقتاۋ جانە سول فابريكانى ارتەمەۆ شاحتاسىمەن بايلانىستىراتىن تەمىرجولدىڭ قۇرىلىسى. نيكولاەۆ كەن بايىتۋ فابريكاسىن مودەرنيزاتسيالاۋدى 2016 جىلدىڭ ءبىرىنشى جارتىسىندا اياقتاۋ جوسپارلاندى – بۇل جىلى وسى ماقساتقا 15 ملن اقش دوللارىن جۇمساۋ جوسپارلانعان. تەمىرجول تورابىنىڭ قۇرىلىسىن 2015 جىلدىڭ سوڭىنا قاراي باستاۋ جوسپارلانىپ وتىر. الدىن الا جوسپار بويىنشا جوبا 8 ملن اقش دوللارىن قۇرايدى.

2015 جىلدىڭ ءبىرىنشى جارتىسىندا بوزشاكول كبك قۇرىلىسىنا جۇمسالاتىن كاپيتالدىق شىعىندار 215 ملن اقش دوللارىن قۇرادى. قۇرىلىس بىتكەنشە تاعى دا 640 ملن اقش دوللارى ينۆەستيتسيالانادى، بۇل رەتتە وسى قاراجاتتىڭ ءبىر بولىگى كۇتىلىپ وتىرعانداي كاوليندەلگەن كەندى وڭدەۋ جونىندەگى كەن بايىتۋ كەشەنىنىڭ قۇرامىنا كىرەتىن قۇرىلىستىڭ اياقتالۋى سەبەبىنەن 2016 جىلعا كوشەدى. جوبا بويىنشا كاپيتالدىق قۇرىلىستىڭ جالپى كولەمى 2,2 ملرد اقش دوللارىن قۇرايدى.

ەسەپتى كەزەڭدە اقتوعاي كبك قۇرىلىسىنىڭ كاپيتالدىق شىعىندارى 286 ملن.اقش دوللارىن قۇرادى. 2015 جىلى بارلىق كاپيتالدىق شىعىنداردىڭ جالپى كولەمى 600 ملن اقش دوللارىن قۇرايدى. جوبا بويىنشا كاپيتالدىق قۇرىلىستىڭ جالپى كولەمى 2,3 ملرد اقش دوللارىن قۇراماق.

KAZ Minerals دامۋ جوبالارىنىڭ قۇرىلىسى اياقتالۋ كەزەڭىندە جانە ولاردىڭ تولىق جوبالىق قۋاتىنا شىعۋى كەزەڭىندە جەتكىلىكتى وتىمدىلىككە يە. 2015 جىلدىڭ 30 ماۋسىمىنداعى جاعداي بويىنشا 2,21 ملرد اقش دوللارى مولشەرىندەگى قاراجات دايىن: 1,46 ملرد اقش دوللارى اقشالاي نەمەسە ونىڭ تەڭگەرىمدە جانە 750 ملن اقش دوللارى قىتايدىڭ مەملەكەتتىك دامۋ بانكى اقتوعاي جوباسىن ىسكە اسىرۋعا بولگەن نەسيەلىك جەلى بويىنشا. 2015 جىلدىڭ 30 ماۋسىمىنداعى جاعداي بويىنشا توپتىڭ تازا بەرەشەگى 1,6 ملرد. اقش دوللارىن قۇرادى. سونىمەن قاتار، تامىز ايىندا KAZ Minerals Caterpillar Inc كومپانياسىمەن 50 ملن اقش دوللارى سوماسىندا رەۆولۆەرلىك نەسيەلىك جەلى تۋرالى كەلىسىمگە قول قويىلعاندىعى تۋرالى حابارلاعان بولاتىن.

2015 جىلدىڭ ءبىرىنشى جارتىجىلدىعىندا توپتىڭ دامۋ جوبالارىن ىسكە اسىرۋ بارىسىندا ءبىرشاما ىلگەرىلەۋگە قول جەتكىزىلدى. بوزشاكولدە كارەر سۋدان تولىق تازارتىلدى، كەن الۋعا دايىندىق جۇرگىزىلۋدە، ءۇشىنشى توقسانعا ءسۋلفيدتى كەن ءوندىرۋدى باستاۋ مەجەلەندى. وڭدەۋ جابدىقتارىن ورناتۋ ءىس جۇزىندە اياقتالدى، قازىرگى ۋاقىتتا ول سىناقتان وتكىزىلۋدە. قۇرىلىسى ءجۇرىپ جاتقان كەن بايىتۋ فابريكاسىنىڭ ىشىندەگى ۇگىتۋ تسەحىندا 14 تامىز كۇنى تۋىنداعان ءورت، جەكەلەگەن كونسترۋكتسيالار مەن جابدىقتارعا زالال كەلتىردى. ەندى جوندەۋ جۇمىستارىن جۇرگىزۋ قاجەت بولادى. ءورت شارلى ۇگىتكىشتەر تسەنتريفۋگالارىنىڭ اۋدانىندا وقشاۋلاندى، ءسويتىپ، فابريكانىڭ عيماراتىندا ءورتتىڭ تارالۋى اۋىزدىقتالدى. شىعىندى الدىن الا باعالاۋ جۇرگىزىلدى. قازىرگى كەزەڭدە ىقتيمالدى زالال مەن ونىڭ دارەجەسىن جابدىقتاردى جەتكىزۋشىنىڭ تاراپىنان تولىق تەرگەلىپ، سىناقتار وتكىزىلمەيىنشە، مايدالاۋ ۇگىتكىشتەرى ءۇشىن كەلتىرىلگەن زالالدى ناقتى انىقتاۋ مۇمكىن بولماي وتىر. ساراپتاۋ اياقتالعان سوڭ، توپ وسى جايلى قوسىمشا حابارلايدى. جوندەۋ جۇمىستارىنىڭ قۇنى ساقتاندىرۋ كومپانيالارىمەن قايتارىلادى ءارى جوبانىڭ بيۋدجەتىنە ەش اسەر ەتپەيدى. جوندەۋ جۇمىستارىن جەدەلدەتۋ ءۇشىن بوزشاكولگە اقتوعاي كەن بايىتۋ فابريكاسىنداعىداي ءسۋلفيدتى كەن وڭدەۋشى جابدىقتار جەتكىزىلدى. بۇگىنگى تاڭداعى قولدا بار مالىمەتتەرگە قاراعاندا، ءورت سالدارىنان بوزشاكول فابريكاسىنىڭ ىسكە قوسىلۋى 2016 جىلدىڭ ءبىرىنشى توقسانىنا شەگەرىلۋى مۇمكىن.

 اقتوعايدا توتىقتاندىرىلعان كەندى ءوندىرۋ جۇمىستارى باستالىپ كەتتى، ونى سىلتىلەپ وڭدەۋ ادىسىمەن، سۇيىقتىقپەن ەكستراكتسيالاۋ ءارى ەلەكتروليزدەۋ جولىمەن الادى. شىلدە ايىنىڭ سوڭىنداعى جاعداي بويىنشا، ودان ءارى سۋلاندىرۋ ءۇشىن سىلتىلەپ وڭدەۋ پانەلىندە قۇرامىنداعى مىس مولشەرى 0,35 پايىزدى قۇرايتىن 1,075 ملن توننا كەن جۇكتەلگەن. بۇل توتىقتاندىرىلعان كەندى وڭدەۋ كەشەنى جقمىسقا دايىن. كاتودتى مىستى ءوندىرۋ ءىسىن 2015 جىلدىڭ ءتورتىنشى توقسانىندا باستاۋ جوسپارلانىپ وتىر. كاسىپورىن تولىق وندىرىستىك قۋاتىنا شىققاندا توتىقتاندىرىلعان كەنەن 15 مىڭ تونناعا دەيىن كاتودتى مىس وندىرىلمەك. ءسۋلفيدتى كەندى وڭدەۋ جونىندەگى كەن بايىتۋ فابريكاسىنىڭ قۇرىلىسى كەستە بويىنشا جۇزەگە اسۋدا. قۇرىلىس جۇمىستارى 2017 جىلى اياقتالادى دەپ جوسپارلانىپ وتىر.

ء «بىرىنشى جارتىجىلدىقتا ءبىز دامۋ جوبالارىمىزدى ىسكە اسىرۋ بارىسىندا ءبىرشاما ىلگەرىلەۋگە قول جەتكىزدىك. تاۋ-كەن جۇمىستارىنا دايىندىق جۇرگىزىلۋدە، وسى جىلى اقتوعايدا توتىقتاندىرىلعان كەننەن كاتودتى مىس ءوندىرۋدى جوسپارلاپ وتىرمىز. 14 تامىز كۇنگى ءورتتىڭ شىعىنىن الدىن الا ساراپتاۋ ناتيجەسىندە كەن بايىتۋ فابريكاسىنىڭ ىسكە قوسىلۋى 2016 جىلدىڭ ءبىرىنشى توقسانىنا شەگەرىلۋى مۇمكىن دەپ ايتۋعا نەگىز بولىپ وتىر. بۇل رەتتە بيۋدجەت وزگەرىسسىز قالادى. شىعىس قازاقستانداعى قولدانىستاعى نەگىزگى كاسىپورىندارىمىز جاقسى كورسەتكىشتەرگە قول جەتكىزدى، ءسويتىپ ءبىز مىس ءوندىرۋ جونىندەگى جىلدىق جوسپارىمىزدى ورىنداپ شىعۋعا ىنتالىمىز. بۇل رەتتە، شىعىندارعا باقىلاۋدى كۇشەيتۋدىڭ ارقاسىندا ءبىز ونىمدەرىمىزدىڭ وزىندىك قۇنىن كەمىتۋگە قول جەتكىزدىك»-دەپ مالىمدەدى KAZ Minerals توبىنىڭ باسقارما توراعاسى ولەگ نوۆاچۋك.