11 تامىز كۇنى جامبىل وبلىسىنىڭ تاۋار وندىرۋشىلەرى تاۋارلارىن جەتكىزۋ مۇمكىندىگىن تالقىلاۋ ءۇشىن «استانا ەكسپو-2017» ۇك باس مەردىگەرلەرىمەن جانە باسشىلارىمەن كەزدەستى.

«جەتكىزۋشىلەرگە قويىلاتىن باستى تالاپتار – باعا، ساپا جانە جەتكىزۋ مەرزىمى. سونىمەن قاتار، ەكسپو-2017 كورمەسىنىڭ يدەياسى «بولاشاق ەنەرگياسىنا» شوعىرلانعاندىقتان، جەتكىزۋشىلەرگە قويىلاتىن تاعى ءبىر تالاپ – بۇل تاۋارلاردىڭ ەكولوگيالىق قاۋىپسىزدىگى. ەكولوگيالىق قاۋىپسىزدىك تۋرالى سەرتيفيكات باسەكەگە قابىلەتتىلىك ماسەلەسىندە ۇلكەن ءرول اتقاراتىن بولادى»، - دەپ اتاپ ءوتتى ءوز سوزىندە «استانا «ەكسپو-2017» باسقارۋشى ديرەكتورى – باعا، ساتىپ الۋلار جانە جەرگىلىكتى مازمۇن ماركەتينگى جونىندەگى دەپارتامەنت ديرەكتورى اننا بوەۆا.

جامبىل وبلىسىنداعى كاسىپورىندار «جامبىلگيپس» اق، «ازمينا-مرامور» جشس، «جامبىل تسەمەنت ءوندىرۋ كومپانياسى» جشس، «ارايسترويماركەت-2003» جشس باسشىلارى ءوز ونىمدەرىنىڭ ساپاسى، ءوندىرىس كولەمى جانە شىعارىلىپ وتىرعان ماتەريالداردىڭ ارتىقشىلىقتارى تۋرالى اقپارات بەردى.

«جامبىلگيپس» اق گيپس وندىرۋمەن اينالىسادى، بىزدە ءوزىمىزدىڭ كارەرىمىز بار. قازىر تاۋلىگىنە 600 توننا گيپستى وندىرە الاتىن زاۋىت قۇرىلىسى اياقتالايىن دەپ وتىر، ونى 2016 جىلى ىسكە قوسۋ جوسپارلانۋدا. گيپس ەكولوگيالىق تازا ءونىم بولىپ تابىلادى، ول جانبايدى جانە ۋىتتى زاتتاردى بولمەيدى، بۇل ەكولوگيالىق قاۋىپسىزدىك تالاپتارىنا جاۋاپ بەرەدى. قازىر ءبىز 30 مىڭ توننادان اسا قۇرعاق قۇرىلىس قوسپانى، گيپسوكارتونننىڭ 8 ملن. شارشى مەترىن جانە 50 مىڭ تونناعا جۋىق گيپستى ءوندىرىپ وتىرمىز. 2016 جىلدان باستاپ ءوندىرىس كولەمى تاۋلىگىنە 600 توننا گيپستى قۇراماق، بۇل ەكسپو-2017 نىساندارىنداعى ارلەۋ جۇمىستارىن اياقتاۋعا قاجەتتى بۇكىل كولەمدى قامتاماسىز ەتۋگە ابدەن جەتەدى»، - دەدى «جامبىلگيپس» اق ساۋدا ءبولىمىنىڭ باستىعى ە. ششۋكينا.

سونىمەن قاتار، كەزدەسۋگە قاتىسقان «ازمينا-مرامور» جشس ديرەكتورى رۋسلان جەتپىسباەۆ ءوز كاسىپورنى وندىرەتىن كوك جانە جاسىل ءمارماردىڭ بىرەگەي قاسيەتتەرى جونىندە تارقاتىپ ايتىپ بەردى.

«الەمدە جاسىل جانە كوك ءمارماردى وندىرەتىن تەك ءۇش كەنورىن بار، ول ينديادا، برازيليادا جانە بىزدە ءوندىرىلىپ، وڭدەلەدى. نەگىزىنەن، ءبىز جەكە تاپسىرىس بەرۋشىلەرمەن جۇمىس جاسايمىز، الايدا قازىر ءبىز «استانا ەكسپو-2017» ۇك-مەن ىنتىماقتاسۋ تۋرالى كەلىسىم-شارتقا وتىراتىن بولساق، ءبىز رەسپۋبليكالىق دەڭگەيگە شىعاتىن بولامىز»، - دەپ اتاپ ءوتتى ول. رەسمي ءبولىمنىڭ سوڭىنا قاراي باس مەردىگەرلەر مەن ايماقتىق جەتكىزۋشىلەر جۇمىسقا قاتىستى ماسەلەلەردى تالقىلاپ، ىسكەرلىك بايلانىستاردى ۇزبەۋگە كەلىستى.

2016 جىلدىڭ 26 مامىرىندا «استانا «ەكسپو-2017» ۇك جانە جامبىل وبلىسىنىڭ اكىمدىگى وبلىستاعى تاۋار وندىرۋشىلەردى ەكسپو-2017 حالىقارالىق مامانداندىرىلعان كورمەسىنىڭ قۇرىلىسىنا تارتۋ تۋرالى مەموراندۋمعا قول قويعانىن ەسكە سالامىز. وسىنداي كەزدەسۋلەر پاۆلودار، وڭتۇستىك قازاقستان جانە قاراعاندى وبلىستارىنىڭ كاسىپورىندارىمەن وتكىزىلىپ قويىلعان.

 ەسكە سالا كەتسەك، 

«استانا ەكسپو-2017» ۇلتتىق كومپانياسى» اق ەكسپو-2017 حالىقارالىق مامانداندىرىلعان كورمەسىنە دايىندالۋ جانە ونى وتكىزۋ ءۇشىن 2013 جىلدىڭ 15 قاڭتارىنداقۇرىلدى. كورمە استانادا 2017 جىلدىڭ 10 ماۋسىمىنان باستاپ 10 قىركۇيەگىنە دەيىنگى ارالىقتا وتەدى.

وعان 100 ەل، 10-نان از ەمەس حالىقارالىق ۇيىم، يننوۆاتسيالىق تەحنولوگيالار سالاسىنداعى 10 كوشباسشى كومپانيا قاتىسادى دەپ جوسپارلانۋدا. جالپى العاندا، كورمەگە 2 ميلليوننان اسا قوناق 5 ميلليونعا جۋىق رەت كەلەدى دەپ كۇتىلۋدە.

Abai.kz