جۋىردا تۇركيا ۇكىمەتى ەلدەگى يم (يسلام مەملەكەتى) ۇيىمىنىڭ  اقپاراتتىق ناسيحات جۇرگىزەتىن ءۇش ينتەرنەت سايتىن بۇعاتتاعان سوڭ، بۇل سايتتاردان تۇركياعا قارسى اشىق قوقان -لوققى مالىمدەمەلەر جاريالانا باستادى.

darulhilafe.com سايتىندا  تۇركيا بيلىگى سايتتارعا سالىنعان بۇعاتتاۋلاردى الماسا، بۇلاي جالعاستىرا بەرسە، بۇل ىستەرىنە جاۋاپ بەرىلەتىنىن جاريالادى. ال، يم- ءنىڭ تۇرىكشە جارىق كورەتىن Konstantiniyye جۋرنالى بولسا، ەردوعاندى «پۇتقا تابىنادى» دەپ  قاتاڭ ايىپتادى.

14 جانە 17 شىلدە كۇنى تۇركيانىڭ تەلەكوممۋنيكاتسيا جانە بايلانىس مينيسترلىگى قاۋلى  قابىلداپ، سوت شەشىمىمەن  يم- ءنىڭ enfalmedya.com, takvahaber.net جانە darulhilafe.com سايتىندا بۇعاتتاپ تاستاعان بولاتىن.

شەشىمگە نارازىلىعىن بىلدىرگەن darulhilafe.com سايتى تۇركيا ۇكىمەتىنە تاعۇت (پۇتقا، شايتانعا تابىنۋشى) دەپ ات قويىپ، مۇسىلماندارعا دۇشپاندىق جاساۋدا دەپ ايىپتادى.

Darulhilafe.com: قىسىم كورسەتۋ جالعاسىن تاپسا تۇركياعا باسقا جاڭا بەت اشامىز

مالىمدەمەدە «سوڭعى ۋاقىتتا تۇركيا ۇكىمەتىنىڭ ەلدەگى مۇسىلماندارعا جاساعان قىسىمدارى كۇشەيە ءتۇستى. سيريادا سوعىسىپ كەلگەن «جيھادشى» باۋىرلارىمىزدى جانە ءوز قالاۋىمەن  يم- ءدى قولداعان ەل ىشىندەگى تۇركيا ازاماتتارىن جازىقسىز تۇتقىنداۋى، ءباسپاسوز بەن ءدىني سەنىم بوستاندىعىن شەكتەۋى بيلىكتىڭ  شىنايى بەت بەينەسىن اشىپ بەردى» دەلىنگەن.

يم جازباسىندا تۇركياعا قارسى اشىق قوقان- لوققى كورسەتىلەدى:

«قازىرگە دەيىن تۇركياعا ەش زيانى تيمەگەن، شابۋىل جاساماعان مۇسىلمانداردىڭ بوستاندىعىن شەكتەۋ ارتا بەرسە، مۇسىلمانداردىڭ دا بۇعان قارىمتا جاۋاپ بەرەتىنىن ۇمىتپاسىن. بۇل قىسىمدار جانە كەدەرگىلەر جالعاسىن تاپسا، تۇركياعا قارسى باسقا جاڭا بەت اشاتىنىمىزدى جەتكىزەمىز» دەلىنگەن.

Konstantiniyye جۋرنالى ەردوعاندى «پۇتقا تابىنۋشى» دەپ قاتاڭ ايىپتادى

El Hayat مەدياسىنان شىعاتىن يم- ءنىڭ تۇرىكشە كونستانتينيە جۋرنالى ەكىنشى ءنومىرىن جاريالادى. «ەردوعان باسقاراتىن كۇرد مەملەكەتى» تاقىرىبىنداعى ماقالادا   «تاعۇت ەردوعان سەنى  مۇدجاھيت (اللا جولىندا سوعىسۋشى) دەپ جاقتاپ كەلدىك. بىراق سەن ءبىزدى، مۇسىلمانداردى، ساتىپ كەتتىڭ، حالىقتىڭ سەنەن كۇتكەنى كوپ ەدى، ەندى بۇل ۇمىتتەرى ءسوندى. ەندىگىدەن باستاپ ۇكىمەت- ءدىنىن جانە ءدىن جولىنداعى ماقساتىن ۇمىتقان، جاساندى قىلىققا ەنگەن رەجيم بولدى» دەلىنگەن.

يم اللا جولىنداعىدان باسقانىڭ بارىمەن سوعىسادى

«يم نەگە كۇردتەرمەن سوعىسىپ ءجۇر؟» دەگەن سۇراققا  PYD  جانە (سيرياداعى كۇردتەردىڭ دەموكراتيالىق بىرلىك پارتياسى)  PKK  (تۇركيانىڭ وڭتۇستىك شىعىسىندا تۇراتىن كۇردتەردىڭ كەيبىرى قارۋلى جاساقتارى) - عا دا تاعۇت دەپ ەسىم بەرىلىپ «كۇرد ۇلتى ءۇشىن عانا سوعىسىپ جۇرگەن كاپىرلەر» دەپ سوگەدى. يم مۇدجاھيدتارى شايتانعان تابىنعان، ءناسىلى ءۇشىن عانا سوعىسقاندارمەن اللا جولىندا سوعىسپاق.

پۇتقا تابىناتىندار يم مەملەكەتىنىڭ شايتانعا تابىنعان ەزيدتەرمەن سوعىسىن  «كۇردەتتەرگە قارسى جاسالعان قىرعىن» دەپ بىزگە قارسى ايداپ سالدى.  ەزيدتەر مەن PKK ءيزرايلدىڭ قولداپ وتىرعان يتتەرى. ءيزرايلدىڭ كوزدەگەنى كۇردىستان قۇرۋ. ال، ءبىزدىڭ مۇدجاھيت باۋىرلارىمىزدىڭ ماقساتى يسلام مەملەكەتى جەرلەرىندە شايتانعا تابىناتىن كۇردىستان مەملەكەتىنڭ قۇرىلۋىنا جول بەرمەۋ دەپ، سوڭعى ەكى اي ىشىندە بولعان يم سوعىسىنىڭ بارىسىن اقتايدى.

سونداي- اق، «دەگەنمەن، كەيبىرى تەگى ءۇشىن سوعىستىڭ قاتە ەكەنىن ءتۇسىنىپ، قازىرگى تاڭدا يم ساپىندا جيحاد ءۇشىن يمان ەتكەن ەزيد ەرلەر، تۇتقىنعا ءتۇسىپ كەيىن مۇدجاھيتتارمەن تۇرمىس قۇرعان ايەلدەر دە بار» دەپ ايتىپ وتەدى. بارلىعى  مىنانى  تۇسىنگەنىن قالايمىز: يم- ءنىڭ سوعىسى- ناسىلشىلدىك سوعىسى ەمەس، ءدىن ءۇشىن سوعىس.

يم- ءنىڭ ەڭ ۇلى ماقساتى ىستامبۋل جانە ءريمدى الۋ

60 بەتتىك Konstantiniyye جۋرنالىندا ەلدەگى مۇسىلمانداردى يم جاۋلاپ العان جەرلەرگە حيجرات ەتۋگە شاقىرادى. قازىر رامادي جانە حۋمۋستى جاۋلاۋ اياقتالعانى، ەڭ سوڭعى ۇلكەن ماقسات ىستامبۇل جانە ءريمدى الۋ ەكەنى ايتىلادى.

ماقالانى اۋدارىپ، ازىرلەگەن تۇرىقبايۇلى نازار

Abai.kz