سەيسەنبى, 16 شىلدە 2024
بيلىك 6728 0 پىكىر 22 شىلدە, 2015 ساعات 14:13

تاسماعامبەتوۆ «باتىر ارۋلار» جەڭىمپازدارىن ماراپاتتادى (فوتو)

بۇگىن قر قارۋلى كۇشتەرىنىڭ اسكەري قىزمەتشى قىز-كەلىنشەكتەرى اراسىندا وتكەن «باتىر ارۋلار» ءبىرىنشى رەسپۋبليكالىق بايقاۋىنىڭ جەڭىمپازدارىن ماراپاتتاۋسالتاناتتى ءراسىمى ءوتتى. قازاقستاندىق ارميانىڭ ون ەكى ۇزدىك وكىلىن قازاقستان رەسپۋبليكاسىنىڭ قورعانىس ءمينيسترى يمانعالي تاسماعامبەتوۆتىڭ ءوزى قۇتتىقتادى. 

«باتىر ارۋلار» بايقاۋى وتان الدىنداعى قىزمەتىندە وزدەرىنىڭ ەر-ازاماتتارمەن تەڭ دارەجەدە يىق تىرەسىپ كەلە جاتقان اسكەري قىزمەتشى قىز-كەلىنشەكتەردى تابۋعا جانە ولاردىڭ قىزمەتى تۋرالى بىلۋگە مۇمكىندىك بەردى – بۇل ونەگە الۋدىڭ تاماشا ۇلگىسى، جۇمىس كۇندەرىنىڭ اسكەري قىزمەتپەن ۇزدىكسىز بايلانىسى. بەرتىندەگىالەمدىك تاريحتا «جاۋىنگەر قىز» دەگەن تۇسىنىك ايرىقشا بولىپ سانالاتىن. الايدا، ءححى عاسىردا وسىنداي اسكەري قىزمەتشى قىز-كەلىنشەك نەمەسە سارباز قىز دەگەن كاسىپتىڭ بولۋى ەشكىمدى تاڭ قالدىرمايتىنى انىق. بۇنىڭ ءبىر جارقىن كورىنىسى رەتىندە «باتىر ارۋلار» بايقاۋىن ايتۋعا بولادى»، - دەدى ول.

قاتىسۋعا ءوتىنىش بەرگەن ساتتەن باستاپ سالتاناتتى راسىمگە دەيىن كوپتەگەن نازىك جاندى ارۋلارعا اۋىر سانالاتىن سىناقتاردان قىز-كەلىنشەكتەر مۇدىرمەي ءوتتى. ولار اتتى، گراناتالار لاقتىردى، بارلىق كەدەرگىلەردى ەڭسەردى، وزەننەن ءجۇزىپ ءوتتى، قۋاتتى جاۋىنگەرلىك ماشينالاردى جۇرگىزدى.

ء«بىر كەزدە ءوز ءومىرىن ارميامەن بايلانىستىرعان نازىك جاندى ارۋلار ءۇشىن بۇل جۇمىس قانا ەمەس، ءومىر ءسۇرۋ ءتاسىلى جانە ۇلگىسى. بۇل بايقاۋ كاسىپكە دەگەن ءوز قابىلەتىمىز بەن سۇيىسپەنشىلىگىمىزدى كورسەتۋگە تاماشا مۇمكىندىك بولدى. ءسىزدىڭ قولىڭىزدان ماراپات الۋ – ءبىز ءۇشىن ۇلكەن قۇرمەت جانە جاۋاپكەرشىلىك»، - دەپ بايقاۋ جەڭىمپازدارىنىڭ ءبىرى اعا لەيتەنانت ءاليا حايرۋللينا اتاپ ءوتتى.

ەستەرىڭىزگە سالا كەتسەك، «باتىر ارۋلار» قر قك اسكەري قىزمەتشى قىز-كەلىنشەكتەرى اراسىنداعى ءبىرىنشى رەسپۋبليكالىق بايقاۋ. اتالعان سايىسقا قازاقستاندىق ارميانىڭ بارلىق وكىلدەرى قاتىسۋعا مۇمكىندىكالدى. ەلىمىزدىڭ تۇكپىر-تۇكپىرىنەن ءوتىنىش بەرگەن 123 قاتىسۋشىنىڭ سۋرەتتەرى مەن جەكە ساۋالنامالارى قر قورعانىس مينيسترلىگىنىڭ رەسمي سايتىنا ورنالاستىرىلعان بولاتىن جانە ءبىر اي بويى ينتەرنەت پايدالانۋشىلارىنىڭ داۋىسىن جينادى.

قىرىق كۇندىك ونلاين-داۋىس بەرۋ ناتيجەسىندەقاتىسۋشىلارعا وتە كوپ 255 725 داۋىس بەرىلدى.

بايقاۋ قازاقستاندىقتاردىڭ عانا ەمەس، باسقا دا ەلدەردىڭ تۇرعىندارىنىڭ قىزىعۋشىلىعىن تۋعىزدى. داۋىس بەرۋگە رەسەي، اقش، گەرمانيا، يندونەزيا جانە ءۇندىستان ەلدەرىنىڭ ينتەرنەت پايدالانۋشىلارى بەلسەنە قاتىستى.

ناتيجەسىندە بىرنەشە سىناقتاردان مۇدىرمەي ءوتىپ، وزدەرىنىڭ جاۋىنگەرلىك ازىرلىگىن، شىدامدىلىعى مەن مىقتىلىعىن دالەلدەگەن قازاقستان قارۋلى كۇشتەرىنىڭ لايىقتى وكىلدەرى بولىپ سانالاتىن 12 جەڭىمپاز انىقتالدى. بايقاۋ سوڭىندا ارۋلاردى كاسىبي ستيليستەردىڭ قولىنان ارلەندىرۋ جانە «باتىر ارۋلار» بايقاۋىنىڭ ءاربىر جەڭىمپازى ءار پاراقتى كوركەيتە تۇسەتىن مامانداندىرىلعان كۇنتىزبەگە ارنالعان فوتوسەسسيادان وتەتىن بولادى. 

 

Baq.kz

0 پىكىر

ۇزدىك ماتەريالدار

اباي مۇراسى

اباي ىلىمىندەگى ءومىر ماقساتى نە؟

دوسىم وماروۆ 1223
وي تۇرتكى

المەرەك ابىزدىڭ ورالۋى - ەلگە ءدىننىڭ ورالۋى

باقتىباي اينابەكوۆ 1932
كورشىنىڭ كولەڭكەسى

رەسەي تىلدىك ءھام ساياسي ەكسپانسيانى قالاي جۇرگىزدى؟

بەيسەنعازى ۇلىقبەك 1970