«ەل بىرلىگى – ءبىزدىڭ بارشا تابىستارىمىزدىڭ كىلتى» – دەپ ەلباسىمىز اتاپ وتكەندەي، تابىسىن تاتۋلىقتان تاپقان، بىرلىگى بەكەم بەرەكەلى حالىق بۇل كۇندە مەرەكەلى ءومىر سۇرۋدە. ۇلت اراسىندا بىرلىك پەن تەڭدىكتى توعىستىرا وتىرىپ كوپتەگەن شارالار وتكىزىلۋدە. جاس­تار اراسىندا تەرىس ارەكەتتەرگە جول بەرمەۋ، قۇقىق­بۇزۋشىلىقتىڭ الدىن الۋ، سونىمەن قاتار سالاۋاتتى ۇر­پاق تاربيەلەۋ ماقساتىمەن الماتى وبلىسىندا «دريم­سيتي» دەپ اتالاتىن بەيرەسمي شارا بولىپ ءوتتى.

ەل ەرتەڭى – جاستار. بۇل ءسوز تەرەڭ ماعىنالى بولۋدا بۇگىن­گى تاڭدا. كەلەشەكتىڭ كىلتىن الىپ، كەمەل ەلدىڭ بولاشاعى بولعان جاستارعا جوعارى مىن­دەت پەن ۇلكەن سەنىم ارتىلۋدا. جاستار ءۇشىن جاسالعان جاق­سىلىق، كورسە­تىلەر كومەك تە كو­بەيۋدە.  قوعامنان ويىپ تۇ­رىپ ورىن بەرىپ، الدىڭعى قا­تارعا قويۋدا. وسى وراي­دا ال­ماتى وبلىسىنىڭ جاستار ساياساتى ماسەلەلەرى باسقار­ماسى، جاستار سايا­ساتى ورتا­لىعى، «جاس وتان» جاستار قا­ناتى ۇيىمداس­تىرعان شارا بارى­سىندا ياركوكروس، سۋ شا­شۋ جانە اۋا شارلا­رىن ۇشى­رۋ ويىندارى وتكىزىلدى. سپورت پەن سالا­ۋات­تى ءومىر سالتىن ۇستا­نۋ­دى ناسيحات­تايتىن ءتۇر­لى-ءتۇستى بوياۋلار مارا­فونى الەمنىڭ 50 ەلىندە وتەدى. سوڭ­عى ۋاقىتتا بۇل ءبىزدىڭ دە ەلى­مىزدە بەلەڭ الىپ، ەتەگىن كەڭگە جايۋدا. ونىڭ ىشىندە قالا­مىزدا بيىل 2-ءشى رەت ۇيىم­­داس­تىرىلۋدا.  اسسام­بلەيانىڭ 20 جىل­دىعىنا ارنالعان شارا­نىڭ ماقساتى – قالا جاستارى مەن بەلسەن­دىلە­رىنىڭ جازعى دەمالىس­تارىن قى­زىقتى وتكى­زىپ، قارىم-قاتى­ناس­تارىن نى­عايتۋ.  شا­را بارى­سىندا وب­لىستىق جاستار سياساتى ماسە­لەلەرى باسقار­ماسىنىڭ باس­شىسى رۋستام الپىسباەۆ بەي­رەسمي، بەي­سايا­سي ءىس-شارا­لار، جاستار ارا­سىندا تۇسىنۋ­­شى­لىكتىڭ، ۇلت­ارالىق قاتى­­ناس­تىڭ نىعا­يۋىنا ۇل­كەن ۇلەس قوساتىن­دىعىن اي­تىپ ءوتتى. ايتا كەتەر­لىك جايت 2000-نان اسا جاسوس­پىرىمدەردىڭ كوككە لاق­تىرىپ،  ءبىر-ءبىرىنىڭ ءۇستى-باسى­­نا جاعىلعان بوياۋلارى 400 كەلىدەن اسسا، ىستىق كۇن­دە راحاتتاندىرىپ، مال­مان­داي ەتكەن 1000 سۋشاشى­رات­قىش­تار بولدى. سونىمەن قا­تار كوككە كوپتەگەن شار ۇشى­رىپ كوتەرىڭكى كوڭىل-كۇيگە بولەن­دى. قالانىڭ ورتا­لىق الاڭىن­دا جينال­عان جاستار­دىڭ دەنى نەشە ءتۇرلى ۇلت وكىلدەرى بول­دى. كارىس، ورىس باستاعان بىر­لىكتى جاستاردىڭ، بەرەكەلى زا­ماندا تاتۋ-ءتاتتى ويىن وي­ناپ، ەركىندىكتى سەزىنىپ، ءمانسىز بول­­ماي، قامسىز جۇرگەندەرى قۋانت­­تى. تانىماعان جۇرتقا دا بوياۋ جاعىپ، سۋ شاشىپ جۇرگەن جاس­تارعا ەلەۋلى ەركىندىك بەرىل­گەندەي. سول ماڭنان مەن دە شا­را­عا بولىن­گەن قاراجات­تىڭ كىش­كەنتاي بولىگىن ۇستىمە جاعىپ قايت­تىم، ءتۇرلى بوياۋعا بويانىپ، سۋعا مالىندىم. سونىمەن بىرگە ساناما ءسان­تۇرلى ساۋال  ورالدى.

جاستاردىڭ كەرەمەتتەي كو­ڭىل-كۇيىنە ارنالعان ءبىر كۇننىڭ بەرەرى نە؟ ويىن-ساۋ­­ىق دەسە ىش­كەن اسىن جەرگە قوياتىن جاسوس­پىرىم­دەردىڭ رۋحىن، سەزىمىن باس­قا دا شارالار ارقىلى كو­تەرۋگە بولمايتىن با ەدى؟! دەگەن وي تۋىندادى. سە­بەبى، بەرىل­گەن مۇم­كىندىكتى مولى­نان پاي­دالان­عان جاس­تار، ەلدىڭ كوزىنشە ەمىن-ەركىن ايما­لا­سىپ، كوزگە دورەكى قى­لىق­تار كورسەتتى. وسىلاي جاساسىن دەگەن نيەتپەن ۇيىم­داس­تىرىل­ماعانىن جاقسى بى­لەدى كوپشىلىك. بەلى بەسىكتەن شىق­پاعان بالعىن­داردىڭ بۇدان وزگە دە قىلىقتارى كوڭىل قۋانت­­­­­­پادى. بىرەۋدىڭ قاڭ­سى­عىن تاڭ­سىق قىلىپ، يار­كوكروس مارا­فونىن ءوز جۇر­تىنا جاعىمدى قىلعان 50 ەلدىڭ قاتارىندا ءبىز دە ءجۇرمىز. شەتەلدىڭ ويىنى­مەن شا­بىت­تانعان شارانى تاتۋ­لىقتى، بىرلىكتى كۇ­شەي­تۋ ماق­سا­تىندا ۇيىم­داس­تىر­دىق. بىر­اق وسى كۇن­گە دەيىن، وسىنداي داڭ­عازا­سىز-اق، بۇكىل ەلدىڭ بىر­لىگىن بيىككە كوتەرىپ، تاتۋلىعىن تۇعىر­دان قۇلاتپاعان ەل­باسى نەشە ءتۇرلى ۇلت، نەشە ءتۇرلى ءدىن وكىلدەرىنىڭ باسىن ءبىر داستار­قاندا قوستى. ءسويتىپ بىرلىكتى ناسيحات­تاۋدىڭ اسقان ۇلگىسىن كورسەتتى. ەلباسى سەنگەن ەل ەرتەڭى بولادى دەگەن جاس­تا­رى­مىز نە ىستەپ ءجۇر؟ ونى قوي­عاندا ءبىر كۇندىك قى­زىق­قا بولا بىرەۋدىڭ ۇستىنە جاعىلىپ، قاي­تادان سۋمەن شايىلىپ كەتكەن بوياۋ، اسپانعا اتى­لىپ، جەرگە شاشىلعان نەشە ءتۇرلى شار­عا كەتكەن قارا­جاتتى ايت­ساي... ەرىككەن ەر­كىن­دىكتى ەلى­مىزگە ەندىرىپ، قو­ماق­­تى قا­را­جاتتى قۇر جى­بەر­­گەنشە، رامازان اي­ىن­­دا جاعدايى تومەن جان­دارعا كومەك قىلىپ بەرسەك سول ساۋ­اپ ەمەس پە؟! ايداي اشىق الاڭ­دا الدەكىمدەردى سۇيىس­تىر­گەنشە... بۇل شارا­نىڭ قۇ­رى بوس­قا سەكىرىپ، ەر­كىن­دىكتەن كەكى­رىپ جۇر­گەن جاس­تاردىڭ الەۋ­لاي­لىمىن كور­­سەت­كەننەن وزگە بەرەرى  بول­­مادى. بۇل مەنىڭ ءوز ويىم!

قۇرالبەك ءسابيتوۆ

Abai.kz