ەلىمىزدىڭ باس پروكۋراتۋراسى ءوزىنىڭ مىندەتتەرىن كەزەڭ-كەزەڭمەن سوت ورگاندارىنا جۇكتەمەك. «24 ارنا» حابارلاۋىنشا، بۇل تۋرالى بۇگىن ۆەدومستۆو باسشىسى اسحات داۋىلباەۆ القا وتىرىسىندا ءمالىم ەتتى. ونىڭ ايتۋىنشا، بۇل شارالار ايىپتاۋ مەن قورعاۋ اراسىنداعى تەپە-تەڭدىكتى ورناتۋعا مۇمكىندىك بەرەدى.

سونداي-اق «100 ناقتى قادام» ۇلت جوسپارىندا كورسەتىلگەن تاپسىرمالاردى ورىنداۋ بارىسىندا پروكۋراتۋرا مەملەكەتتىك باسقارۋ، ءادىل سوت جۇيەلەرىن رەفورمالاۋ بويىنشا ۇسىنىستارىن ازىرلەدى.

ء«بىز القا بيلەرى ينستيتۋتىن جەتىلدىرۋ، پروكۋراتۋرانىڭ تەرگەۋ فۋنكتسيالارىن سۋديالارعا جۇكتەۋ، پروكۋروردىڭ كەيبىر ازاماتتىق-قۇقىقتىق داۋلارعا قاتىسۋىن شەكتەۋ بويىنشا ۇسىنىستار ازىرلەدىك. وسى رەفورمالاردى جۇزەگە اسىرۋ بارىسىندا ءبىز ءۇشىن قوعامدىق پىكىر وتە ماڭىزدى. سوندىقتان حالىق ءوزىنىڭ ۇسىنىستارىن جولدايتىن ارنايى سايت قۇرماقشىمىز»، - دەيدى داۋىلباەۆ.

اباي-اقپارات