سۇحبات فورماتىندا جازىلعان ەڭبەكتە ەلباسى ەل ىشىندەگى ماڭىزدى وقيعالار مەن ءىرى رەفورمالار جايلى وي قوزعايدى. جوبانىڭ ەرەكشەلىگى پرەزيدەنتتىڭ بۇگىنگى پىكىرلەرى مەن ەگەمەندىكتىڭ العاشقى جىلدارى ايتقان ويلارىن سالىستىرا وتىرىپ، سۇحبات قۇرىلۋىندا. 

بۇل ەگەمەندىكتىڭ العاشقى جىلدارىندا جازىلعان كادرلار. زاماننىڭ تار كەزى ەدى. ازىق-تۇلىك، جىلۋ-جارىق تاپشى ۋاقىت. ءسوز جوق، پرەزيدەنتتىڭ سوزدەرى جابىققان جۇرتتىڭ جانىنا شيپا بولدى. بىراق ول ۋاقىتتا مۇنداي ۋادەلەر بەرۋ ۇلكەن جاۋاپكەرشىلىك ەدى.  دەرەكتى فيلم ادەتتەگىدەي سۇراق-جاۋاپ فورماتىندا جازىلعان. بىراق فيلم اۆتورلارى پرەزيدەنتتىڭ بۇگىنگى پىكىرلەرىن  تاۋەلسىزدىكتىڭ العاشقى جىلدارىندا ايتقان ويلارىمەن سالىستىرا وتىرىپ سۇحبات قۇرادى. 

ال مىنا كادرلەردە پرەزيدەنت ۇلى جىبەك جولىن جاڭعىرتۋ يدەياسىن ايتىپ جاتىر. بۇل 1992 جىل. ودان بەرى 23 جىل ءوتتى. ال ماسەلەنىڭ وزەكتىلىگىن كوپشىلىك ەندى ۇعىنۋدا. وسىلاي شامامەن 1 ساعاتقا سوزىلاتىن فيلمدە مەملەكەت باسشىسى باستامالارىنىڭ دۇرىستىعىن، ومىرشەڭدىگىن اڭعارۋ وپ-وڭاي.  

«س نازارباەۆىم و گلاۆنوم...» دەپ اتالاتىن فيلمدە اتى ايتىپ تۇرعانداي، ەل ىشىندەگى باستى وقيعالار، رەفورمالار، قۇندىلىقتار توڭىرەگىندە اڭگىمە ءوربيدى. پرەزيدەنت بۇعان دەيىن ايتپاعان، ماسەلەن، راحات اليەۆ جايلى ويلارىن، تالعات ەرمەگياەۆ سەكىلدى جەمقورلىققا شاتىلعان شەنەۋنىكتەرگە قاتىستى پىكىرلەرىن بىلدىرەدى. 

Abai.kz