سەنبى, 20 تامىز 2022
بيلىك 3842 0 پىكىر 24 ماۋسىم, 2015 ساعات 16:58

ب.بايبەكتىڭ باسشىلىعىمەن «نۇر وتان» رف-عا رەسمي ساپار جاسادى

«نۇر وتان» مەن  «ەدينايا روسسيا»

ءوزارا ءىس-قيمىل مەن ارىپتەستىك تۋرالى كەلىسىمگە قول قويدى

 

23 ماۋسىمدا «نۇر وتان» پارتياسى توراعاسىنىڭ ءبىرىنشى ورىنباسارى باۋىرجان بايبەكتىڭ باسشىلىعىمەن «نۇر وتان» پارتياسى دەلەگاتسياسىنىڭ رەسەي فەدەراتسياسىنا جاساعان رەسمي ساپارى باستالدى. ەكى جاقتى كەزدەسۋ بارىسىندا ماسكەۋدە «ەدينايا روسسيا» بۇكىل رەسەيلىك ساياسي پارتياسىنىڭ باسشىلىعىمەن ەكى بيلەۋشى پارتيانىڭ اراسىنداعى ءوزارا ءىس-قيمىل مەن ارىپتەستىك تۋرالى كەلىسىمگە قول قويىلدى.

 

رەسمي ساپارىنىڭ ءبىرىنشى كۇنىندە «نۇر وتان» پارتياسى توراعاسىنىڭ ءبىرىنشى ورىنباسارى باۋىرجان بايبەك رەسەي فەدەراتسياسى فەدەرالدىق جينالىسى  مەملەكەتتىك دۋماسىنىڭ توراعاسى سەرگەي نارىشكينمەن كەزدەستى.

ەكى جاقتى كەزدەسۋ بارىسىندا بۇگىنگى تاڭدا قر پارلامەنتى سەناتى مەن رف فەدەراتسيا كەڭەسىنىڭ، قر پارلامەنتى ءماجىلىسى مەن رف مەملەكەتتىك دۋماسىنىڭ اراسىندا تىكەلەي ءوزارا ءىس-قيمىلدىڭ ورناتىلعانى، ال، دەپۋتاتتاردىڭ تمد پارلامەنتارالىق اسسامبلەياسى، ۇقشۇ، ەقىۇ مەن ەقىۇ پارلامەنتتىك  اسسامبلەياسى وتىرىستارى شەڭبەرىندە جەمىستى جۇمىس جاساپ  جاتقاندارى اتاپ ءوتىلدى. تاراپتار ەكى ەلدىڭ پارلامەنتى اراسىنداعى بايلانىستاردى ءارى قاراي دا دامىتۋعا نيەتتى ەكەندەرىن جەتكىزدى.

ساپار      شەڭبەرىندە «نۇر وتان»           پارتياسىنىڭ دەلەگاتسياسى «ەدينايا روسسيا» باس كەڭەسىنىڭ حاتشىسى، رف فج مەملەكەتتىك دۋماسى توراعاسىنىڭ ورىنباسارى سەرگەي نەۆەروۆپەن جۇزدەستى.

كەزدەسۋ بارىسىندا باۋىرجان بايبەك «نۇر وتان» مەن «ەدينايا روسسيا» پارتيالارىنىڭ بيلەۋشى بولىپ تابىلاتىنىن جانە ءوز ەلدەرىندەگى زاڭنامالىق ورگانداردا كوپىشىلىك داۋىسقا يە ەكەنىن اتاپ ءوتتى. سونىمەن بىرگە پارتيالاردى «نۇر وتان» دوكتريناسىنداعى، سونداي-اق «ەدينا روسسيانىڭ» رەسمي تۇعىرناماسىندا بەلگىلەنگەن ورتالىقشىلدىق يدەولوگياسى مەن ورتاق كونسەرۆاتيۆتىك قۇندىلىقتار بىرىكتىرەدى.

تاراپتار ءبىزدىڭ ەلدەرىمىزدىڭ اراسىنداعى پارتياارالىق جانە پارلامەنتارالىق ارىپتەستىكتىڭ قارقىندى دامۋىنىڭ قازاقستان مەن رەسەيدىڭ ءوزارا ءتيىمدى ارىپتەستىگىنىڭ نىعايۋىنا ىقپال ەتەتىنىنە توقتالدى.          
           ساپار شەڭبەرىندە «نۇر وتان» پارتياسى توراعاسىنىڭ ءبىرىنشى ورىنباسارى  باۋىرجان بايبەك، سونداي-اق رف مەملەكەتتىك دۋماسىنداعى «ەدينايا روسسيا» پارتياسى فراكتسياسىنىڭ جەتەكشىسى، رف فج مەملەكەتتىك دۋماسى توراعاسىنىڭ ورىنباسارى ۆلاديمير ۆاسيلەۆپەن جۇزدەستى. 

رەسەيلىك ارىپتەستەرىمەن كەزدەسۋى بارىسىندا باۋىرجان بايبەك قازاقستان پرەزيدەنتى، پارتيا ليدەرى ن.ءا.نازارباەۆتىڭ پارتيانىڭ ءحVى سەزىندە جاريا ەتكەن بەس ينستيتۋتتسيونالدىق رەفورماسىن، سونداي-اق قابىلدانعان «100 ناقتى قادام» ۇلت جوسپارىن ىسكە اسىرۋداعى «نۇر وتان» پارتياسىنىڭ ءرولىن اتاپ ءوتتى.

ءوز كەزەگىندە  «ەدينايا روسسيا» پارتياسى فراكتسياسىنىڭ جەتەكشىسى، مەملەكەتتىك دۋمانىڭ ۆيتسە-سپيكەرى ۆلاديمير ۆاسيلەۆ پارتيالار اراسىندعى اشىق جانە سەنىمدى قارىم-قاتىناستاردى جوعارى باعالادى.

ء«بىز رەسەيلىك-قازاقستاندىق ءوزارا ءىس-قيمىلدىڭ دەڭگەيى مەن جەمىستى سيپاتىن كورسەتەتىن، «ەدينايا روسسيا» «نۇر وتان» پارتياسىنىڭ  اراسىنداعى قالىپتاسقان اشىق جانە سەنىمدى قارىم-قاتىناستاردى جوعارى باعالايمىز»، - دەپ اتاپ ءوتتى ۆ.ۆاسيلەۆ.

وسى رەتتە، «نۇر وتان» پارتياسى توراعاسىنىڭ ءبىرىنشى ورىنباسارى باۋىرجان بايبەك بيىلعى جىلى قازاقستاننىڭ تمد-عا توراعالىق ەتەتىنىن جانە ەلدەردىڭ اراسىنداعى ساۋدا-ەكونوميكالىق ءوزارا ءىس-قيمىلدى ءارى قاراي تەرەڭدەتە تۇسۋگە ىقىلاستى ەكەنىن جەتكىزدى.

«رەسەي قازاقستان ءۇشىنباۋىرلاس ەل، بەيبىت كورشى جانە ستراتەگيالىق سەرىكتەس. بيىلعى جىلى قازاقستان پرەزيدەنتى، «نۇر وتان» پارتياسى توراعاسىنىڭ وسىدان جيىرما جىل بۇرىن جاريالاعان يدەياسىن شىندىققا اينالدىرعان – ەۋرازيالىق ەكونوميكالىق كەڭەس باستاۋ الدى.  بىرىگۋدىڭ عالامدىق تاجىريبەسى كۇش-جىگەردى بىرىكتىرۋدىڭ ۇزاق مەرزىمدى ەكونوميكالىق ديۆيدەندتەر اكەلەتىنىن جانە حالىقتىڭ ءال-اۋقاتىن كوتەرەتىنىن كورسەتىپ وتىر»، - دەدى ب.بايبەك.

رەسەي پارلامەنتشىلەرى اتاۋلى كۇندەردى مەرەكەلەۋ  بويىنشا  بىرلەسىپ جۇمىس جاساۋدىڭ قاجەت ەكەنىن جەتكىزدى، ولاردىڭ قاتارىندا ۇلى وتان سوعىسى جەڭىسىنىڭ 70 جىلدىعى دا بار. سونىمەن بىرگە فەدەرالدىق كەڭەستىڭ حالىقارالىق ىستەر بويىنشا كوميتەتى باسشىسىنىڭ ورىنباسارى ا.كليموۆ «قازاق حاندىعىنىڭ 550 جىلدىعىنىڭ ءبىزدىڭ حالقىمىزدىڭ تاريحىنداعى ماڭىزدى كەزەڭى بولىپ تابىلاتىنىن جانە وسى ايتۋلى  وقيعانى نازاردان تىس قالدىرمايتىندارىن» اتاپ ءوتتى.

وسى كۇنى «نۇر وتان» پارتياسى مەن «ەدينايا روسسيا» بۇكىل رەسەيلىك ساياسي پارتياسى اراسىندا ءوزارا ءىس-قيمىل مەن ارىپتەستىك تۋرالى كەلىسىمگە قول قويىلدى.  

اتالعان كەلىسىم «تاۋەلسىزدىك، تەڭدىك، ءوزارا قۇرمەت پەن ءبىر-ءبىرىنىڭ ىسىنە ارالاسپاۋ نەگىزدەرى مەن قاعيداتتارىنا سۇيەنىپ جاسالدى. ويتكەنى، پارتيالىق بايلانىس قازاقستاندىق-رەسەيلىك قارىم-قاتىناستاردىڭ ماڭىزدى قۇرامدى بولىگى بولىپ تابىلىپ، ورتاق مۇددە ءۇشىن ولاردىڭ تۇراقتى دامۋىنا ىقپال ەتۋدى كوزدەيدى».  

بيلەۋشى پارتيالاردىڭ اراسىنداعى ءوزارا ءىس-قيمىلدىڭ نەگىزگى اسپەكتىلەرىنىڭ قاتارىندا – پارتيا قۇرىلىسى سالاسىنداعى تاجىريبەسىمەن ءبىرىن-ءبىرى تانىستىرۋ، پارتيالىق جوبالاردى، ۇيىمداستىرۋ جۇمىستارىن، باقىلاۋ-رەۆيزيالىق قىزمەتتى، كادرلاردى وقىتۋ مەن دايىنداۋدى ىسكە اسىرۋ، مەملەكەتتىك بيلىكتىڭ ءوزارا ورتاق مۇددەنى تانىتاتىن زاڭنامالىق ورگانداردىڭ قىزمەتىنە،  جاستار ساياساتىنا، حالىقارالىق بايلانىس پەن باسقا دا سالالارعا دا قاتىسۋى بار.

سونىمەن قاتار كەلىسىمدە تاراپتاردىڭ پارتيانىڭ وقىتۋ قۇرىلىمدارى اراسىنداعى تاجىريبە الماسۋعا، سونداي-اق، «دوستىق پەن كورشىلىكتى نىعايتۋ، جاستاردى پاتريوتيزم مەن ەڭبەكسۇيگىشتىككە باۋلۋ ماقساتىندا، «نۇر وتان» پارتياسى جانىنداعى «جاس وتان» جاستار قاناتى مەن «مولودايا گۆارديا ەدينوي روسسي»  بۇكىل رەسەيلىك قوعامدىق ۇيىمىنىڭ اراسىنداعى ارىپتەستىكتى دامىتۋعا ىقپال ەتەتىنى ايتىلعان.

تاراپتار پارتيا باسشىلىعى دەلەگاتسياسى ساپارىنىڭ الماسۋى تۋرالى كەلىستى. مىسالى، 2015-2016 جىلدارى «ەدينايا روسسيا» بۇكىل رەسەيلىك ساياسي پارتياسى باسشىلىعى دەلەگاتسياسىنىڭ قازاقستان رەسپۋبليكاسىنا ساپارى  جوسپارلانعان، 2017 جىلى «نۇر وتان» پارتياسى باسشىلىعى دەلەگاتسياسى رەسەي فەدەراتسياسىنا ساپارلاپ بارادى.

ساپار بارىسىندا دەلەگاتسيا مۇشەلەرى «ەدينايا روسسيا» پارتياسىنىڭ ورتالىق اتقارۋ كوميتەتىنىڭ جەتەكشىلەرىمەن، «مولودايا گۆارديا ەدينوي روسسي» باسشىلىعىمەن كەزدەسىپ، پارتيانىڭ ماسكەۋ قالالىق وڭىرلىك ءبولىمىنىڭ جۇمىسىمەن تانىستى. 

دەلەگاتسيا قۇرامىندا – «نۇر وتان» پارتياسى ساياسي كەڭەسى بيۋروسىنىڭ مۇشەسى اناتولي باشماكوۆ، سىبايلاس جەمقورلىققا قارسى ءىس-قيمىل بويىنشا رەسپۋبليكالىق قوعامدىق كەڭەستىڭ توراعاسى، قر پارلامەنتى ماجىلىسىندەگى پارتيا فراكتسياسىنىڭ مۇشەسى قايىربەك سۇلەيمەنوۆ، «جاس وتان» جاستار قاناتىنىڭ توراعاسى نۇرلان سىدىقوۆ، پارتيانىڭ ساياسي مەنەدجمەنت مەكتەبىنىڭ ديرەكتورى اسەت ابدۋاليەۆ بار.

 انىقتاما ءۇشىن: :

«ەدينايا روسسيا» بۇكىل رەسەيلىك ساياسي پارتياسى ءۇش پارتيانىڭ بىرىگۋىنىڭ نەگىزىندە 2001 جىلى قۇرىلدى: "ەدينستۆو", "وتەچەستۆو" جانە "ۆسيا روسسيا". 2003 جىلدان بەرى رەسەيدەگى بيلەۋشى پارتيا. 2012 جىلدىڭ مامىرىنان پارتيا توراعاسى – دميتري مەدۆەدەۆ. بۇگىنگى كۇنى پارتيانىڭ 2 ملن 113 مىڭ 767 مۇشەسى بار.  82 631 باستاۋىش پارتيا ۇيىمدارى  2 595 جەرگىلىكتى پارتيا بولىمدەرى بار.  سوڭعى سايلاۋ قورىتىندىسى بويىنشا 2011 جىلى پارتيا مەملەكەتتىك دۋما سايلاۋىندا 49,3 % داۋىس جيناپ، 450 ورىننىڭ 238 ورنىن يەلەندى. ورتالىقشىلدىق پەن الەۋمەتتىك كونسەرۆاتيزم يدەياسى پارتيانىڭ رەسمي تۇعىرناماسى بولىپ تابىلادى.

 

Abai.kz

0 پىكىر

ۇزدىك ماتەريالدار

الاشوردا

الاش-ارمان

بەيبىت قويشىباەۆ  2949
بىلگەنگە مارجان

حيلدا حۋكحەم جانە ۇلى قولباسشىلار

بەيسەنعازى ۇلىقبەك 2160
ادەبيەت

ءتۇس

ەرعالي باقاش 1818
انە، كوردىڭ بە؟

ارحيمەد كىمدى قورعاشتايدى؟

جايبەرگەن بولاتوۆ 2919