سەنبى, 20 تامىز 2022
بيلىك 3593 0 پىكىر 21 ماۋسىم, 2015 ساعات 19:46

دەنيس تەن مۇز ايدىندا شوۋ وتكىزدى

كەشە الماتىداعى بالۋان شولاق سارايىندا مانەرلەپ سىرعاناۋدىڭ حاس شەبەرى، سوچي وليمپياداسىنىڭ قولا جۇلدەگەرى، وتانداسىمىز دەنيس تەننىڭ «سالەم، الماتى» اتتى مۇز ايدىنداعى شوۋىنىڭ ءبىرىنشى كۇنى ءوتتى. وعان سپورتشىنىڭ وزىنەن بولەك، دوستارى، مانەرلەپ سىرعاناۋدان وليمپيادا جانە الەم چەمپيوندارى جانە باسقا دا بەلگىلى اتالعان سپورت جۇلدىزدارى قاتىستى. سونداي-اق، شوۋدى تاماشالاۋعا جاپونيا، وڭتۇستىك كورەيا جانە قىتاي ەلدەرىنەن دە جانكۇيەرلەر كەلدى. بۇل تۋرالى egemen.kz حابارلادى.

دەنيس تەن وتاندىق جانكۇيەرلەرىنە وسىمەن ءۇشىنشى جىل قاتارىنان تاماشا شوۋ ۇسىنىپ كەلەدى. بۇل جولى ۇيىمداستىرۋشىلار تەحنيكالىق بەزەندىرۋگە ەرەكشە ءمان بەرگەنى بايقالادى. ول ءۇشىن ەكى قاباتتى ساحنانى ايتساق جەتكىلىكتى. الدىمەن بارلىق قاتىسۋشى ءبىر مەزەتتە ايدىنعا شىعىپ ونەر كورسەتتى. كەيىن جانكۇيەرلەر وڭتۇستىك كورەيا وكىلى ايگىلى سۋ يۋن پاك پەن كانادالىق ەلادج بالدەنىڭ تاماشا ونەرىنە كۋا بولدى. جالپى، شوۋدىڭ ءبىرىنشى كۇنىندە اقش-تان ارنايى كەلگەن جۇپتاسىپ بيلەۋدىڭ شەبەرلەرى الەكس پەن مايا شيبۋتاني، جۇپتاسىپ ونەر كورسەتۋدەن ەكى دۇركىن الەم چەمپيوندارى تسين پان مەن تسزيان تۋن، بيىلعى الەم چەمپيوناتىنىڭ قولا جۇلدەگەرى، رەسەيلىك ەلەنا روديونوۆا، وليمپيادا چەمپيوندارى تاتيانا ۆولوسوجار مەن ماكسيم ترانكوۆ جانە تاعى باسقا بەلگىلى مانەرلەپ سىرعاناۋشىلار ايدىنعا شىقتى.

سونىمەن قاتار، شوۋدىڭ تاعى ءبىر ەرەكشەلىگى، سپورتشىلار جاندى مۋزىكانىڭ سۇيەمەلدەۋىمەن ونەر كورسەتتى. دەنيس تەن «تۇران» ەتنو-فولكلورلىق توبىنىڭ ورىنداۋىنداعى اككومپانەمەنتكە بيلەدى. ال كەش سوڭىندا جىلداعى ءداستۇر بويىنشا بارلىق قاتىسۋشى قازاقتىڭ ۇلتتىق كيىمىن كيىپ ايدىنعا شىقتى. شوۋدىڭ جالعاسى بۇگىن بولاتىنىن ايتا كەتەيىك.

egemen.kz.

 

0 پىكىر

ۇزدىك ماتەريالدار

الاشوردا

الاش-ارمان

بەيبىت قويشىباەۆ  2947
بىلگەنگە مارجان

حيلدا حۋكحەم جانە ۇلى قولباسشىلار

بەيسەنعازى ۇلىقبەك 2160
ادەبيەت

ءتۇس

ەرعالي باقاش 1818
انە، كوردىڭ بە؟

ارحيمەد كىمدى قورعاشتايدى؟

جايبەرگەن بولاتوۆ 2919