سايرام اۋدانى اكىمدىگىندە سايرام ايماعى بويىنشا اۋدانارالىق مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل باسقارماسىنىڭ كونسۋلتانتى  ب.ەراليەۆ «100 ناقتى قادام» ۇلت جوسپارىنىڭ 1-ءشى ينستيتۋتسيونالدىق رەفورماسى جانە  جاڭادان قابىلداناتىن «مەملەكەتتىك قىزمەت تۋرالى» زاڭ جوباسىنىڭ تالاپتارى مەن ەنگىزىلگەن جاڭاشىلدىقتار بويىنشا  اقپاراتتىق-تۇسىندىرمە جۇرگىزدى.

وعان اۋدان اكىمى اپپاراتىنىڭ جاۋاپتى قىزمەتكەرلەرى، اۋدان اكىمدىگىنىڭ دەربەس ءبولىم باسشىلارى مەن اۋىل وكرۋگتەرىنىڭ اكىمدەرى، سونداي-اق ورتالىق ورگاندارلىڭ اۋماقتىق بولىمشە باسشىلارى مەن اكىمدىككە قاراستى مەكەمە باسشىلارى قاتىستى.

ب.ەراليەۆ ءوز سوزىندە ۇلت جوسپارىن جۇزەگە اسىرۋ بارىسىندا قازاقستان رەسپۋبليكاسىنىڭ  مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىمەن قر «مەملەكەتتىك قىزمەت تۋرالى» زاڭىنىڭ جوباسى ازىرلەنگەنىن، جاڭا زاڭ جوباسىندا قىزمەت بابىنا ساي جانە كونكۋرستىق نەگىزدە ءوسۋدى كۇشەيتىلەتىنىن اتاپ ءوتتى. سونىمەن بىرگە، مەملەكەتتىك قىزمەتكە قابىلداۋ جانە    مانساپتىق ءوسۋ  ساپالى اتقارىلعان قىزمەتىنىڭ ەسەبىنەن جۇزەگە اسىرالاتىن بولاتىنىن، «ب» كورپۋسىنىڭ كادر رەزەرۆى جانە اۋىسۋ  تارتىبىمەن ورنالاسۋ توقتالىلاتىنى، سونداي-اق ەتيكا جونىندەگى كەڭەسشى  لاۋازىم پايدا بولاتىنى تۋرالى ايتىپ ءوتتى.

لەكتسيا بارىسىندا  قاتىسۋشىلار تاراپىنان قويىلعان سۇراقتارعا جاۋاپتار مەن تۇسىندىرمەلەر بەرىلدى.

قىزمەتكە دەگەن ادالدىق، ەڭبەكسۇيگىشتىك، وتانعا دەگەن پاتريوتيزم – ەلباسىنىڭ مەملەكەتتىك قىزمەتكەرلەر الدىنا ۇنەمى قويىپ كەلە جاتقان تالابى ەكەنى ءمالىم. ەندى وسى تالاپتار مەملەكەتتىك قىزمەتتىڭ ەسىگىن العاش اتتاعان جاس ماماننىڭ بويىنا ناقتى قادامدار ارقىلى سىڭىرىلمەك.

ەل پرەزيدەنتى ن.ءا.نازارباەۆتىڭ قازاقستاننىڭ دامۋ جولىنا ارنالعان بەس ينستيتۋتتىق رەفورماسىن جاريا ەتتى. وسى رەفورمالار اياسىندا جۇزەگە اسىراتىن «100 ناقتى قادام» ۇلت جوسپارى – ەلىمىزدىڭ جاھاندىق جانە ىشكى سىن-قاتەرلەرگە جاۋاپ جانە مەملەكەتىمىزدى دامىعان ەلدەردىڭ ۇزدىك وتىزدىعىنىڭ قاتارىنا قوسۋعا باعىتتالعان باعدارلاما.

www.sairam.gov.kz