شىمكەنت قالاسىنىڭ əكىمى عابيدوللا ءƏبدىراحىموۆتىڭ اۋداندارداعى جۇمىس ساپارى جالعاسۋدا. شاھار باسشىسى ەڭبەكشى اۋدانىنا قاراستى قازىعۇرت، قاراتوبە، جۇلدىز اۋماقتارىنىڭ تۇرعىندارىمەن كەزدەستى. ەڭبەكشى اۋدانى جۇرتشىلىعىمەن جۇزدەسۋدە اۋدان اكىمى عالىمجان يلياسوۆ اتقارىلىپ جاتقان جۇمىستار تۋرالى باياندادى، - دەپ حابارلايدى اباي پورتالى شىمكەنت قالاسى اكىمدىگىنىڭ ءباپاسوز قىزمەتىنە سىلتەمە جاساپ. 
№99 مەكتەپتەگى كەزدەسۋدە شاھار باسشىسى تۇرعىنداردىڭ سۇراقتارىنا جاۋاپ بەرىپ، كوممۋنالدىق سالا بويىنشا سالالىق بولىم باسشىلارىنا ناقتى تاپسىرما بەردى.  
- ەڭبەكشى اۋدانىنىڭ ەلدى مەكەندەرىندەگى باستى ماسەلە - كولىك تاسىمال قىزمەتى. قالامىزدىڭ 2020 جىلدارعا ارنالعان دامۋ تۇجىرىمداماسىندا شاھارىمىزدا كوممۋنالدىق اۆتوپارك سالۋدى جوسپارلاپ وتىرمىز. الداعى جىلى ءبىز قالادان شالعاي اۋدانداردا تۇراتىن ەلدى مەكەن تۇرعىندارىن تاسىمالداۋ مəسەلەسىن وڭتايلى شەشەتىن بولامىز، - دەدى شىمكەنت قالاسىنىڭ əكىمى.

ەڭبەكشى اۋدانىنداعى تۇيىتكىلدى ماسەلەنىڭ ءبىرى حالىققا قىزمەت كورسەتۋ ورتالىعىنىڭ جوقتىعى. وسىعان وراي، قالا اكىمى وسى جىلدىڭ سوڭىنا دەيىن 93 مىڭ تۇرعىننىڭ يگىلىگى ءۇشىن حالىققا قىزمەت كورسەتۋ ورتالىعى اشىلاتىنىن ايتى.

سونداي-اق، قالا باسشىسى ەلدى مەكەندەردىڭ الەۋمەتتىك كارتاسى سارالانىپ، ناقتى وزەكتى مəسەلەلەرى ءبىرىنشى كەزەككە قويىلاتىنىن جەتكىزدى.

شىمكەنت قالاسىنىڭ əكىمى ع. ءابدىراحىموۆ جۇمىس جوسپارىنا سəيكەس Əل-فارابي جانە قاراتاۋ  اۋداندارىنىڭ تۇرعىندارىمەن كەزدەستى. كەزدەسۋ بارىسىندا قوس اۋدان تۇرعىندارىنىڭ دەنى كوممۋنالدىق ماسەلەلەردى كوتەرىپ، قوردالانعان پروبلەمالاردى شەشىپ بەرۋىن ءوتىندى.

- ەڭ الدىمەن تۇرعىن ءۇي سالماس بۇرىن ول جەر ينفراقۇرلىممەن قامتاماسىز ەتىلۋى كەرەك. قالامىزعا كوپتەگەن ەلدى مەكەن سايرام اۋدانىنان قوسىلعان. سول اۋداننىڭ زاڭسىز بەرىلگەن جەرلەرىندەگى كوممۋنالدىق ماسەلە بىزگە ايتارلىقتاي جۇك بولىپ وتىر. ءتىپتى اۋىلشارۋاشىلىق ماقساتىنداعى جەرلەردىڭ ءوزىن 8 سوتتىققا ءبولىپ حالىققا جۇيەسىز، جوباسىز تاراتقان. قازىر ءبىزدىڭ ەڭ ءبىرىنشى ماقساتىمىز اۋەلى وسى ەلدى مەكەندەردىڭ جول، گاز، سۋ ماسەلەسىن شەشۋ. تۇرعىنداردىڭ قولايلى ءومىر سۇرۋىنە جاعداي جاساۋ. قالا əكىمدىگى قازىر قىزۋ جۇمىس ىستەۋدە. ءبىز بيۋدجەتتىڭ جاعدايىنا قاراپ، سىزدەردىڭ مəسەلەلەرىڭىزدى جۇيەلەپ شەشەمىز. «سابىر ءتۇبى - سارى  التىن» دەگەندەي بىرەر جىلدا جاعدايىمىز ەدəۋىر رەتتەلەدى، - دەدى Əل-فارابي اۋدانىنىڭ تۇرعىندارىمەن كەزدەسۋىندە قالا اكىمى ع. ءابدىراحىموۆ.

انىعىندا، اتالمىش اۋدان اۋماعىنا قوسىلعان ەلدى مەكەندەردە 19 مىڭعا جۋىق xالىق تۇرادى. بۇگىندە قالاعا قوسىلعان ەلدى مەكەندەردىڭ الەۋمەتتىك كارتاسى ءتۇزىلىپ، 2020 جىلدارعا ارنالعان تۇجىرىمداما جاسالىندى. سونداي-اق مارتوبە، بوزارىق ەلدى مەكەندەرىنە قوعامدىق كولىك تۇراقتى تۇردە جۇرۋدە. 5 جىلدىق تۇجىرىمداماعا سəيكەس تۇرعىنداردى تولعاندىرعان ماسەلەلەر شەشىلىپ كەلەدى.  2012 جىلى ۇكىمەتتە قالامىزدىڭ باس جوسپارى بەكىتىلگەن بولاتىن. سوندا د.قوناەۆ داڭعىلىن كەڭەيتىپ، ۇازارتا ءتۇسۋ تۋرالى جوسپارلانعان. وسىدان وراي،  شاھار باسشىسى سول «قىزىل سىزىققا» تۇسكەن ۇيلەردى تەكسەرىپ مۇمكىندىگىنشە تۇرعىندارعا ءتيىمدى ەتىپ شەشۋگە ىقپال ەتەتىندىگىن جەتكىزدى.

جۇمىس كەستەسىنە سəيكەس، قاراتاۋ اۋدانىنىڭ تۇرعىندارىمەن كەزدەسكەن شاھار باسشىسى اۋداندا اتقارىلعان جۇمىستار بويىنشا قاراتاۋ اۋداننىڭ əكىمى عالىم يسمايلوۆتىڭ بايانداماسىن تىڭدادى.

قاراتاۋ اۋدانىنىڭ əكىمى عالىم يسمايلوۆتىڭ ايتۋىنشا اۋدان اۋماعىندا ورنالاسقان تۇرعىن الاپتار مەن شاعىن اۋدانداردىڭ ەلەكتر جارىعىمەن قامتىلۋىنا زەرتتەۋ-زەردەلەۋ جۇمىستارى جۇرگىزىلگەن. ناتيجەسىندە اۋدان بويىنشا جالپى 40443 تۇرعىن ءۇي بار بولسا، ونىڭ ىشىندە 39866 تۇرعىن ءۇي ەلەكتر جارىعىمەن قامتىلعان (99%), ال 413 تۇرعىن ءۇي ەلەكتر جارىعىمەن قامتىلماعان (1%). اتاپ ايتار بولساق، قاراتاۋ اۋدانىنىڭ اۋماعى 32 مىڭ 256 گا قۇراسا، اۋدان كولەمىندە 213 مىڭنان استام حالىق تۇرادى. اۋدان اۋماعىنا 17 شاعىن اۋدان مەن 13 تۇرعىن الاپتار ەنگەن.

- «تۇران» شاعىن اۋدانىنىڭ بولاشاعى كەمەل. سەبەبى، شىمكەنت قالاسىنىڭ 2020 جىلدارعا ارنالعان دامۋ تۇجىرىمداماسىندا بۇل اۋدان اۋماعىنان «Shymkent City» كەشەنى بوي كوتەرمەكشى. ءتىپتى، قالا جاستارىنىڭ دەمالۋىنا، سەرۋەندەۋىنە ارنالعان ويىن-ساۋىق ورتالىقتارى سالىنباق، -دەدى قالا باسشىسى.       
تۇرعىندارىنىڭ كۇندەلىكتى ومىرىنە كوممۋنالدىق مəسەلەنى ءبىرىنشى كەزەكتە شەشۋگە جوبا دايىندالىپ جاتقاندىعىن جەتكىزگەن قالا باسشىسى شاھاردىڭ  شىن جاناشىرى رەتىندە كاسىپكەر ازاماتتاردىڭ ءوز قاراجاتىنا حالىق يگىلىگىنە قاجەتتى دۇنيەلەر ىستەسە دەگەن ويىن ءبىلدىردى.

Abai.kz