جۇما, 29 ناۋرىز 2024
بيلىك 4172 0 پىكىر 1 جەلتوقسان, 2015 ساعات 03:00

استىق وندىرۋدە قازىعۇرت اۋدانى كوش باسىندا

    وبلىسىمىزداعى اۋىل شارۋا­شىلىعى سالاسىنىڭ ەڭبەككەر­لەرى ۇستىمىزدەگى جىلدى تابىستى قورىتىندىلاپ، «التىن كۇز» سالتاناتتى جيىنىندا  وزاتتار ۇلكەن قۇرمەتپەن ماراپاتتالدى.  


   وبلىس اكىمى بەيبىت اتامقۇلوۆ بيىل مول ءونىم العان ديحانداردى ارنايى العىس حاتتارمەن ماراپاتتادى.

   الدىمەن، ءوڭىر باسشىسى ەڭبەككەرلەردى كەلەشەكتىڭ جوسپارىمەن تانىستىردى. بەلگىلىسى سول، ەندى ايماقتاردا اۋىل شارۋاشىلىعىن دامىتۋدىڭ جاڭا جوباسى جاسالادى. ءاربىر اۋداندا ارنايى تەحنيكا ستانتسيالارى قۇرىلادى. ودان بولەك، تومەن پايىزدى نەسيەلەردىڭ دەنى بۇدان بىلاي يگەرىلمەي جاتقان جەرلەردى پايدالانۋعا باعىتتالادى.

  ەندى اۋدانداردىڭ كورسەتكىشتەرىنە توقتالساق. استىق ءوندىرۋ سالاسى بويىنشا قازىعۇرت اۋدانى وبلىستا كوش باستاپ تۇر. بيىل وندا قىرىق مىڭ ءبىر ءجۇز گەكتار القاپقا ەگىن ەگىلىپ، گەكتارىنان 24 تسەنتنەردەن ءونىم الىنعان. ال، اۋداننىڭ ماقتاۋلى  شارۋاسى ءمادي تايسالوۆ وزات استىق ءوندىرۋشى بولىپ تانىلدى. سونداي-اق، ماقسارى وندىرۋدەن ءىىى-ورىندى يەلەنگەن قازىعۇرت اۋدانى ماراپاتتالىپ، باعالى سىيلىقتارعا يە بولدى.

 ودان بولەك بيىل اۋدانىمىزدا مەملەكەتتىك باعدارلامالاردىڭ ورىندالۋ دەڭگەيى دە جوعارى. ماسەلەن،  جىلىجاي كولەمى 82,8 گا جەتكىزىلدى. اعىمداعى جىلعا بەرىلگەن 8 گا جىلىجاي سالۋ تاپسىرماسى 9 ايدا 8,18 گا بولىپ ورىندالىپ 102,3 پايىزدى قۇرادى.(ولاردان وندىرىلگەن ءونىم 32800 توننا الماتى، استانا، شىمكەنت قالالارىنا ساتىلۋى قامتاماسىز ەتىلدى.)

       تامشىلاتىپ سۋارۋ ءادىسى قولعا الىنىپ بارلىعى 1543 گا جەرگە وسى ءادىس ەندىرىلدى.  قاقپاق، قىزىلقيا اۋىل وكرۋگىندە بيىلعى جىلى «امانكەلدى» جشس 200 گا جەرگە جەمىس-جيدەك ەكپەلەرىن ەگىپ، كوشەت ءوندىرۋ جۇمىستارىن قولعا الدى. تاپسىرماداعى 850 گا تامشىلاتىپ سۋارۋ ءادىسىن ەندىرۋ 9 ايدا 596,8 گا نەمەسە 70,2 پايىزعا ورىندالدى. 

          سوڭعى جىلدارى ينتەنسيۆتى باۋ ەگۋ جۇمىستارى قولعا الىنىپ، «التىنتوبە» جشس-مەن 500 گا ەگىستىك جەر ءبولىنىپ، بۇگىنگى تاڭعا تامشىلاتىپ سۋارۋ ادىسىمەن 20 گا باۋ ەگىلدى. سونداي-اق «امانكەلدى» جشس-گى اعىمداعى جىلى قىزىلقيا، قاقپاق اۋىل وكرۋگتەرىندە 180 گا باۋ وتىرعىزدى.

سۋعارمالى جەردى ۇلعايتۋ بويىنشا تۇراقتى جۇمىستار جۇرگىزىلۋ ناتيجەسىندە 2 جىل كولەمىندە 3790 گا سۋارمالى جەر اينالىمعا قوسىلدى. تاپسىرماداعى 1100 گا سۋارمالى جەردى ۇلعايتۋ ەسەپتى كەزەڭدە 1100 گا نەمەسە 100 پايىزعا ورىندالدى. 

 «سىباعا» باعدارلاماسىمەن 800 باس انالىق مال باسىن الۋ تاپسىرماسى بەرىلگەن بولسا بۇگىنگى تاڭعا 1100 باس انالىق مال باسىن ساتىپ الىپ، تاپسىرما 137,5 پايىزعا ورىندالعان.

«قۇلان» باعدارلاماسى بويىنشا 280 باس انالىق مال باسىن الۋ تاپسىرماسى اعىمداعى جىلدىڭ 9 ايىندا 351 باس بولىپ، 125,4 پايىزعا ورىندالىپ وتىر. 

«التىن اسىق» باعدارلاماسى بويىنشا 1500 مال ساتىپ الۋ تاپسىرماسى 1800 باس بولىپ 120 پايىزعا، جۇرتشىلىق تابىنعا اسىل تۇقىمدى بۇقا ساتىپ الۋ تاپسىرماسى 30 باس بولسا بۇگىنگى تاڭعا 75 باس الىنىپ، 250 پايىزعا ورىندالعان.

جىل باسىندا اۋداندا 6 مىڭ باسقا جۋىق ءىرى قارا مال 210 الاڭدارىندا بورداقىلاسا، ەسەپتى كەزەندە 530 الاڭدارىنا جەتىپ، 8000 باسقا جۋىق مال بورداقىلاۋ جۇمىستارى جۇرگىزۋدە.                                          

اۋدان اكىمىنىڭ ءباسپاسوز قىزمەتى

  

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1581
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3610