استانا. 1 ماۋسىم. قازتاگ - دينا ەرماعانبەتوۆا. قازاقستانعا اۆتوكولىكتەر اكەلۋگە تومەندەتىلگەن كەدەندىك باج سالىعى 2011 جىلدىڭ 1 شىلدەسىنە دەيىن كۇشىندە بولادى. رەسەيمەن كەدەن وداعىن (كو) قۇرۋ بويىنشا كەلىسسوز بارىسىندا وسىنداي ۋاعدالاستىققا قول جەتكىزىلدى، دەپ ءمالىم ەتتى پرەمەر-مينيستر كارىم ءماسىموۆ.

«كۇردەلى كەلىسسوزدىڭ ناتيجەسىندە ءبىز قازاقستان ءۇشىن الىمدار ەنگىزۋ تۋرالى ۋاعدالاستىق. وعان سايكەس، ءبىزدىڭ ازاماتتارىمىز ءۇشىن جەڭىلدىكتى رەجيم ەنگىزىلەدى، ول بۇعان دەيىن قازاقستاندا قولدانىلىپ كەلگەن رەجيمنەن دە ليبەرالدى. وتپەلى كەزەڭ ءبىرتۇتاس ەكونوميكالىق كەڭىستىك بويىنشا ءتيىستى قۇجاتتارعا قول قويىلعانشا، ياعني 2011 جىلدىڭ 1 شىلدەسىنە دەيىن جالعاسادى»، - دەدى ول سەيسەنبى كۇنى ۇكىمەت وتىرىسىندا.

پرەمەر جەڭىلدىكتەر جەكە تۇلعالار ءۇشىن جانە ولار ءبىر كۇنتىزبەلىك جىل ىشىندە ءبىر كولىك اكەلسە عانا قولدانىلاتىنىن اتاپ كورسەتتى. «ءبىر جەكە تۇلعا كۇنتىزبەلىك جىلدىڭ ىشىندە ەكى نەمەسە ودان ارتىق كولىك اكەلسە، باج سالىعىنىڭ مولشەرلەمەسى كوبىرەك بولادى»، - دەدى ك. ءماسىموۆ.

سونداي-اق، اۆتوكولىكتى جەڭىلدىكتى مولشەرلەمەمەن اكەلگەن جاعدايدا ونىڭ رەسەيگە رەەكسپورتىنا تىيىم سالىنادى، دەپ تولىقتىردى پرەمەر.

ۇكىمەت باسشىسى قر جەكە تۇلعالارى ءۇشىن جەڭىلدەتىلگەن يمپورتتىق باج سالىعىنىڭ دەڭگەيىن ناقتىلاعان جوق.

استانا. 1 ماۋسىم. قازتاگ - دينا ەرماعانبەتوۆا. قازاقستانعا اۆتوكولىكتەر اكەلۋگە تومەندەتىلگەن كەدەندىك باج سالىعى 2011 جىلدىڭ 1 شىلدەسىنە دەيىن كۇشىندە بولادى. رەسەيمەن كەدەن وداعىن (كو) قۇرۋ بويىنشا كەلىسسوز بارىسىندا وسىنداي ۋاعدالاستىققا قول جەتكىزىلدى، دەپ ءمالىم ەتتى پرەمەر-مينيستر كارىم ءماسىموۆ.

«كۇردەلى كەلىسسوزدىڭ ناتيجەسىندە ءبىز قازاقستان ءۇشىن الىمدار ەنگىزۋ تۋرالى ۋاعدالاستىق. وعان سايكەس، ءبىزدىڭ ازاماتتارىمىز ءۇشىن جەڭىلدىكتى رەجيم ەنگىزىلەدى، ول بۇعان دەيىن قازاقستاندا قولدانىلىپ كەلگەن رەجيمنەن دە ليبەرالدى. وتپەلى كەزەڭ ءبىرتۇتاس ەكونوميكالىق كەڭىستىك بويىنشا ءتيىستى قۇجاتتارعا قول قويىلعانشا، ياعني 2011 جىلدىڭ 1 شىلدەسىنە دەيىن جالعاسادى»، - دەدى ول سەيسەنبى كۇنى ۇكىمەت وتىرىسىندا.

پرەمەر جەڭىلدىكتەر جەكە تۇلعالار ءۇشىن جانە ولار ءبىر كۇنتىزبەلىك جىل ىشىندە ءبىر كولىك اكەلسە عانا قولدانىلاتىنىن اتاپ كورسەتتى. «ءبىر جەكە تۇلعا كۇنتىزبەلىك جىلدىڭ ىشىندە ەكى نەمەسە ودان ارتىق كولىك اكەلسە، باج سالىعىنىڭ مولشەرلەمەسى كوبىرەك بولادى»، - دەدى ك. ءماسىموۆ.

سونداي-اق، اۆتوكولىكتى جەڭىلدىكتى مولشەرلەمەمەن اكەلگەن جاعدايدا ونىڭ رەسەيگە رەەكسپورتىنا تىيىم سالىنادى، دەپ تولىقتىردى پرەمەر.

ۇكىمەت باسشىسى قر جەكە تۇلعالارى ءۇشىن جەڭىلدەتىلگەن يمپورتتىق باج سالىعىنىڭ دەڭگەيىن ناقتىلاعان جوق.

بۇرىن حابارلانعانداي، وتكەن جۇما كۇنى قر جانە رف پرەمەر-مينيسترلەرى كارىم ءماسىموۆ پەن ۆلاديمير پۋتين كو شەڭبەرىندە قازاقستان اۋماعىنا اۆتوكولىكتەردى اكەلۋگە وتپەلى كەزەڭ جاسالاتىنىن ۋاعدالاسقان بولاتىن. «بۇل دەگەنىمىز ءونىمنىڭ بۇل بولىگىن باقىلايتىن كەدەن بەكەتتەرىن ساقتاپ قالاتىنىمىزدى جانە اۆتوكولىكتەردى راسىمدەۋگە بايلانىستى رەتتەۋدىڭ كەيبىر اكىمشىلىك شارالارىن ەنگىزەتىنىمىزدى بىلدىرەدى»، - دەپ تۇسىندىرگەن بولاتىن ۆ.پۋتين جۋرناليستەرگە.

قازاقستان پرەمەرى «اۆتوكولىكتەردى اكەلۋگە وتپەلى كەزەڭ ءبىرتۇتاس ەكونوميكالىق كەڭىستىك شەڭبەرىندە ارنايى كەلىسىمگە قول قويىلعانشا كۇشىندە بولاتىنىن» ايتتى.

ك. ءماسىموۆ «ءبىز رەسەيدە جانە الەۋەتتى تۇردە قازاقستاندا اۆتوكولىك ونەركاسىبىن دامىتۋ ماسەلەسىن باسىمدىقتى ەمەس دەپ ەسەپتەمەيمىز». «كەرىسىنشە، بۇل - باسىمدىقتى دامۋ»، - دەدى ك.ءماسىموۆ. «رەسەيدە اۆتوونەركاسىپ سەنىمدى تۇردە دامىپ كەلەدى، ال ءبىز قازاقستان اۋماعىنا دا، سونىڭ ىشىندە ءبىرتۇتاس ەكونوميكالىق كەڭىستىك شەڭبەرىندە ينۆەستور تارتا الامىز دەپ ۇمىتتەنەمىز»، - دەدى ول.