كەشە وبلىس اكىمىنىڭ ورىنباسارى ەرلان ايتاحانوۆ بىرقاتار الەۋمەتتىك نىسانداردى ارالادى. سونىڭ ءبىرى، شىمكەنت قالاسىنداعى قۇرلىس جۇمىستارى جۇرگىزىلىپ جاتقان №34 مەكتەبى. كۇردەلى قۇرىلىس جۇمىستارىنا بايلانىستى اتالعان مەكتەپتىڭ 811 وقۋشىسى قالاداعى №127 مەكتەپ بازاسىندا تاسىمالمەن قاتىناپ وقۋدا. وسى جاعدايمەن تانىسۋعا №127 مەكتەپكە بارعان وبلىس اكىمىنىڭ ورىنباسارى ەرلان ايتاحانوۆ بىرقاتار پروبلەمالىق جاعدايلارعا كوز جەتكىزدى.

اتاپ ايتقاندا، وبلىس اكىمىنىڭ ورىنباسارى ەرلان ايتاحانوۆ ەسكەرتپەستەن، جوسپاردان تىس №34 مەكتەپ وقۋشىلارىنىڭ №127 مەكتەپ عيماراتىنداعى ءوتىپ جاتقان ساباقتارىنا قاتىستى. ياعني، ساباق ۋاقىتىسىندا 9 – 10 سىنىپتارىنا كىرىپ كورگەندە وقۋشىلار مۇعالىمسىز وتىرعان بولىپ شىقتى. 10-15 مينۋت سىنىپ وقۋشىلارىمەن اڭگىمە جۇرگىزىپ بىتكەنگە دەيىن ەشقانداي مۇعالىم كەلمەگەن. ءدال،مۇنداي جاعداي باسقا دا سىنىپتاردا كەزدەستى. سونىمەن بىرگە، №34 مەكتەپتەن №127 مەكتەپتە قاتىناپ وقيتىن وقۋشىلار تاسىمال قىزمەتىنە تولەيتىن اقىسى ءار ءتۇرلى بولىپ شىقتى. نەگىزگى تاسىمالعا وقۋشىلاردان 25 تەنگەدەن الىنادى. وسى ماسەلە بويىنشا ءبىر-ەكى وقۋشىمەن سويلەسىپ كورگەندە ولاردىڭ ايتۋى بويىنشا، اقى جۇرگىزۋشىمەن كەلىسكەنگە بايلانىستى دەيدى. وقۋشىلاردىڭ كەيبىرەۋلەرى: ء«بىزدىڭ جولاقىسىن كوپ مولشەردە تولەۋىمىزگە جاعدايىمىز جوق. كۇندەلىكتى تولەيتىن اقشا بولماۋىنا بايلانىستى №127 مەكتەپكە جاياۋ قاتىناپ وقيمىز»-دەيدى. سونىمەن قاتار، ءبىراز وقۋشىلار وسى ماسەلەگە بايلانىستى ساباققا بارا الماي قالاتىن جاعدايلار كەزدەسۋدە. وقۋشىلارمەن سويلەسۋ بارىسىندا انىقتالعان كەزەكتى پروبلەما تاماقتانۋ ماسەلەسى. №34 مەكتەپتەن قاتىناپ وقيتىن وقۋشىلارعا №127 مەكتەبىندە تاماقتانۋعا جاعداي جاسالماعان. ىستىق تاماقپەن ءتيىستى دارەجەدە قامتاماسىز ەتىلمەگەن. ياعني، مەكتەپ عيماراتى ىشىنەن اسحاناعا وتۋگە ءتيىم سالىنعان. سوندىقتان قاتىناپ وقيتىن وقۋشىلار ۇزىلىستە مەكتەپتى اينالىپ بارىپ قاجەت زاتتارىن اسحانانىڭ سىرتىنان ساتىپ الىپ جاتىر. اسحاناعا بارام دەگەنشە ءۇزىلىستىڭ ۋاقىتتى ءوتىپ كەتەدى ەكەن.

تاعى دا ءبىر ايتا كەتەرلىك جاعداي. وبلىس اكىمىنىڭ ورىنباسارى ەرلان قۋانىشۇلى №127 مەكتەپ باسشىلىعىنا ءدال قازىر قازاق ءتىلى، قازاقستان تاريحى، گەوگرافيا سەكىلدى ساباقتار قاي سىنىپتاردا ءوتىپ جاتىر، سول ساباققا قاتىسىپ كورەيىك دەسە، ديرەكتوردىڭ مىندەتىن اتقارۋشى ءدال قازىر ونداي ساباق بولىپ جاتقان جوق، تەك قانا 10-سىنىپتا گەوگرافيا ساباعى ءوتىپ جاتقانىن جەتكىزدى. سول سىنىپقا اپارۋىن وتىنگەندە، اتالعان سىنىپتى مەكتەپ ۇجىمى تاۋىپ بەرە المادى. ناتيجەسىندە مەكتەپ باسشىلىعى 10 سىنىپ قاي كابينەتتە ورنالاسقانىن بىلمەيتىن بولىپ شىقتى. كەزەكتى ماسەلە، مەكتەپ ينسپەكتورلارىنىڭ جۇمىسى. ياعني، ءبىر عيماراتتا قوس بىردەي مەكتەپ وقۋشىلارى وقىپ جاتقانىنا بايلانىستى وقىس وقيعالاردىڭ الدىن الۋ ماقساتىندا جالعىز ينيسپەكتوردىڭ قاسىنا قوسىمشا ءبىر ينيسپەكتور تارتۋ قاجەتتىلىگىن ەرلان قۋانىشۇلى ماسەلە ەتىپ كوتەردى. وسى اتالعان پروبلەمالارعا بايلانىستى ءتۇس قايتا وبلىس اكىمدىگىندە شۇعىل جيىن وتكىزىلدى. وعان، وبلىستىق ءبىلىم،جاستار ساياساتى جانە تىلدەردى دامىتۋ باسقارماسىنىڭ باسشىلىعى، قالالىق ءبىلىم ءبولىمىنىڭ جاۋاپتىلارى، مەكتەپ ديرەكتورلارى، تاسىمالمەن اينالىساتىن مەكەمە ماماندارى مەن شىمكەنت قالالىق ءىىب قاراستى يۋۆەنالدى پوليتسيا توبىنىڭ باسشىلارى قاتىستى.

وبلىس اكىمىنىڭ ورىنباسارى ەرلان ايتاحانوۆتىڭ توراعالىعىمەن وتكەن جيىندا جوعارىدا اتالعان ماسەلەلەردىڭ شەشۋ جولدارى تالقىلاندى. اتاپ ايتقاندا، قالا بويىنشا جالعىز وسىنداي جاعدايدا وقىپ جاتقان مەكتەپتىڭ اتالعان ماسەلەلەرىن تولىقتاي شەشۋ ماقساتىندا تومەندەگى ناقتى تاپسىرمالار بەرىلدى:

1. №34 مەكتەبىنەن №127 مەكتەبى عيماراتىندا قاتىناپ وقيتىن وقۋشىلاردىڭ اسحاناعا قولجەتىمدى جاعداي جاساۋ، از قامتاماسىز ەتىلگەن وقۋشىلارعا ىستىق تاماق ءتيىستى دارەجەدە ۇيىمداستىرۋ.
2. تاسىمال ماسەلەسىن قول جەتىمدى باعادا جاعداي جاساۋ جانە وقۋشىلاردىڭ قاۋىپسىزدىگىن قاداعالاۋ.
3. وقۋ پروتسەسىن جۇيەلى تۇردە باقىلاۋدا ۇستاۋ.
4. مەكتەپ ينيسپەكتورلارىنىڭ جۇمىسىن جۇيەلەپ، كۇشەيتۋ شارالارىن قولعا الۋ.

وسى رەتتە ايتا كەتەرلىك ءجايت، وبلىس اكىمىنىڭ ورىنباسارى ەرلان ايتاحانوۆ بۇگىنگى انىقتالعان ماسەلەلەرگە بايلانىستى ەشكىمگە ەشقانداي جازا قولدانباۋدى ەسكەرتتى. بۇل جيىن بىرەۋلەردى جازالاپ، قۋدالاۋ ەمەس باستى ماقسات اتالعان ماسەلەلەردىڭ الدىن الۋ، شەشىلۋ جولدارىن قاراستىرۋ. وبلىستاعى بارشا ءبىلىم بەرۋ مەكەمەلەرىنىڭ باسشىلارىنا الداعى ۋاقىتتا ءدال وسىنداي جۇيەسىز جۇمىستار ورىن الىپ جاتسا زاڭ اياسىندا ءتيىستى شارالار قولدانىلاتىنى قاتاڭ ەسكەرتىلدى. سونىمەن بىرگە بۇل جيىندا وبلىسىمىزداعى جاستار ماسەلەسىدە قارالدى. ياعني، وبلىس كولەمىندە قوعامدا ءوز ورنىن تابا الماي، الەۋمەتتىك قىسىمدا جۇرگەن جاستارعا دەر كەزىندە ءبىزدىڭ تاراپتان كومەكتەر جۇيەلى تۇردە بەرىلىپ تۇرۋ قاجەتتىلىگى ايتىلدى. بۇل ماسەلە بويىنشا وبلىستىق، اۋدان،قالالارداعى جاستار ورتالىقتارى زەردەلەۋ جۇمىستارىن جۇرگىزۋ كەرەكتىگى تاپسىرىلدى.

جيىن قورتىندىسى بويىنشا اتالعان ماسەلەلەردى شەشۋ ءۇشىن وبلىس اكىمىنىڭ ورىنباسارى جاۋاپتىلارعا ەكى اپتا ۋاقىت بەردى. الداعى ۋاقىتتا بۇل ماسەلەلەر باقىلاۋدا بولادى.

Abai.kz