ۇلتتىق سالت-ءداستۇردى جاستار اراسىندا ناسيحاتتاۋ، ۇل مەن قىز تاربيەسىنىڭ ءرولىن ارتتىرۋ، ەل ىشىندە ۇلتارالىق تاتۋلىق بەن بىرلىكتى ناسيحاتتاۋ ماقساتىندا وبلىستىق ارداگەرلەر كەڭەسىنىڭ باستاماسىمەن «اتا-بابا ءداستۇرى - ۇرپاققا امانات» تاقىرىبى اياسىندا اۋدانعا حالىقارالىق «الاش» سىيلىعىنىڭ لاۋرەاتى،  جازۋشى-جۋرناليست مارحابات بايعۇت باستاعان ءبىر توپ ەل اعالارى ءىس-ساپارمەن كەلىپ، اۋداننىڭ بىرقاتار نىساندارىن ارالادى، - دەپ حابارلايدى اباي-اقپارات.

الدىمەن تۇلكىباس اۋدانى، تاستۇمسىق اۋىلىنداعى  اكىمشىلىك عيماراتى جانىنان اۋىلدىق ارداگەرلەر كەڭەسىنىڭ توراعاسىنا بەرىلگەن بولمەسى   مەن اۋداندىق «نۇر وتان» پارتياسىنىڭ عيماراتى جانىنان اۋداندىق اجەلەر القاسىنا بەرىلگەن بولمەسىن ارالادى، ارداگەرلەردىڭ تىنىمسىز ەڭبەك ەتۋىنە بارلىق جاعداي جاسالعانىن كورىپ، وتكەن جىلى 20 ملن تەڭگەگە سالىنعان ت.رىسقۇلوۆ اۋىلىنداعى ارداگەرلەر ساياباعىنا 20 ءتۇپ اعاش وتىرعىزدى.

ءىس-شارانىڭ جالعاسى  الاشتىڭ جوعىن جوقتاپ، مۇڭىن ارقالاعان قازاق حالقىنىڭ ۇلى پەرزەنتى، قوعام جانە مەملەكەت قايراتكەرى ت.رىسقۇلوۆقا اۋدان باسشىسىنىڭ ۇيىتقى بولۋىمەن حالىقارالىق داڭعىل جولدىڭ  بويىندا الاشتىڭ اردا ازاماتىنا قويىلعان ەڭسەلى ەسكەرتىشتە جالعاسىپ، ەسكەرتكىش جانىنان ارشا وتىرعىزىپ، گۇل شوقتارىن قويدى. ەسكەرتكىشتە ال اعالارى جازۋشى م. بايعۇت، عالىم، تۇرارتانۋشى وردالى قوڭىراتباەۆ ءسوز سويلەپ، وسىنداي ەل ىشىندە ەڭسەلى ەسكەرتكىش تۇرعىزعان اۋدان ازاماتتارىنا  ريزاشىلىقتارىن ءبىلدىردى.  ەسكەرتكىش ء  مۇسىنىنىڭ ىرگەتاسىنان باستاپ ۇشار باسىنا دەيىنگى جالپى بيىكتىگى 10,20 مەتر.  الىپ ەسكەرتكىشكە دەمەۋشىلەر ەسەبىنەن 27 ملن تەڭگەگە قارجى جۇمسالدى.

قاسيەتتى تۋعان جەرىندە ەمەس، اتامەكەننەن جىراقتا باقيلىق بولعان ت.رىسقۇلوۆتىڭ اكەسى رىسقۇلدىڭ قابىرىن قايتا جاڭعىرتۋدى اۋدان اكىمدىگى قولعا الىپ، دەمەۋشىلەر ەسەبىنەن قارجى ءبولىپ  جامبىل وبلىسى، تالاس اۋدانى، ويىق اۋىلىنداعى ەسكەرۋسىز قالعان بەيىتتى ءمارمار تاستان قاشالعان ەسكەرتكىش   ورناتىپ، اينالاسى قورشالدى. باتىر بابا بەيىتىنە تۋعان جەردىڭ توپىراعى سالىنىپ، اس بەرىلگەنى ايتىپ كەتكەن ءجون.

ءىس-شارانىڭ جالعاسى اۋداندىق مادەنيەت سارايىندا جالعاسىپ، وبلىستىق ارداگەرلەر كەڭەسىنىڭ توراعاسىنىڭ ورىنباسارى ۇرزادا ايتورەۆا، جازۋشى جۋرناليست م.بايعۇت ء سوز سويلەپ، ۇلتتىق سالت-ءداستۇر جايىندا وزەكتى پىكىرلىر ايتىلدى. تاريحى ماڭىزى زور، تاربيەلىك ءمانى بار كورىنىستەر كورسەتىلىپ، ءان شىرقالدى.

جالپى تۇلكىباس اۋدانىندا    بيىلعى اۋداننىڭ 7 اۋىلىندا دەمەۋشىلىر ەسەبىنەن جالپى قۇنى 26 ملن تەڭگەلىك ساياباقتار مەن اللەيالار اشىلدى. ساياباقتاردى اينالاسى قورشالىپ، اباتتاندىرىلعان، اۋىل قاريالارىنىڭ دەمالۋىنا جاعداي جاسالعان.    سونىمەن قاتار اۋىل اكىمشىلىك جانىنداعى ارداگەرلەر مەن اجەلەر القاسىنا بارلىق اۋىلدىق وكرۋگ،پوسەلكە اكىمشىلىكتەرىندە ارنايى بولمەلەر بەرىلگەن.

Abai.kz