تولەبي اۋداندىق پروكۋراتۋراسىنىڭ عيماراتىندا 27.10.2015 جىلى اۋداندىق پروكۋراتۋرا جانىنان قۇرىلعان زاڭدىلىقتى قامتاماسىز ەتۋ جونىندەگى قوعامدىق كەڭەس مۇشەلەرىنىڭ، اۋداندىق اكىمدىك قىزمەتكەرلەرىنىڭ، قۇقىق قورعاۋ ورگاندارى قىزمەتكەرلەرىنىڭ قاتىسۋىندا قازاقستان رەسپۋبليكاسى «سىبايلاس جەمقورلىققا قارسى كۇرەس تۋرالى» زاڭىنىڭ ساقتالۋ جاعدايىنا جانە ونىڭ الدىن الۋ جولدارىن تالقىلاۋ جونىندە دوڭگەلەك ءۇستول وتكىزىلدى، - دەپ حابارلايدى وقو وبلىستىق پروكۋراتۋراسىنىڭ ءباسپاسوز قىزمەتى.

دوڭگەلەك ءۇستولدىڭ ماقساتى اۋدان اۋماعىندا سىبايلاس جەمقورلىق قۇقىق بۇزۋشىلىقتارىنىڭ ءالى دە بولسا تولاستاماي جاتۋىنىڭ سەبەبىن انىقتاۋ جانە ونىڭ جولىن كەسۋ.

دوڭگەلەك ءۇستول بارىسىندا اۋداندىق پروكۋراتۋرامەن سىبايلاس جەمقورلىق ساناتىنداعى قۇقىق بۇزۋشىلىقتاردى انىقتاۋ، ونىڭ الدىن الۋ جانە ونىمەن كۇرەس باعىتىندا اتقارىلعان جۇمىستارى، اتالعان قۇقىق بۇزۋشىلىقتارعا جول بەرگەن لاۋازىم يەلەرى جانە ولارعا زاڭ تالاپتارىنا سايكەس قولدانىلعان تارتىپتىك شارالار جونىندە ءسوز ەتىلدى.

ءوز سوزىندە اۋدان پروكۋرورى سىبايلاس جەمقورلىق قۇقىق بۇزۋشىلىقتارىنىڭ اۋداندىق توتەنشە جاعدايلار بولىمىندە، اۋداندىق ءبىلىم بولىمىندە، سونداي-اق سوت ورىنداۋشىلار بولىمدەرىندە ورىن الۋ جاعدايلارى انىقتالىپ، پروكۋراتۋرا تاراپىنان كىنالى تۇلعالارعا قاتىستى ءتيىستى ىقپال ەتۋ شارالارى قولدانىلعانىن جەتكىزدى.

قازاقستان رەسپۋبليكاسىندا سىبايلاس جەمقورلىق قۇقىق بۇزۋشىلىق كورىنىستەرىمەن كۇرەس باسىمدى باعىتتاردىڭ ءبىرى بولىپ ايقىندالعان جانە قازىرگى تاڭدا، ارەكەت ەتىپ جاتقان زاڭناملار دا بۇل قۇقىق بۇزۋشىلىقتاردى جاساعانى ءۇشىن جاۋاپكەرشىلىك ماسەلەسىن قاتاڭداتىپ كەلەدى.

سونداي-اق، رەسپۋبليكا اياسىندا قولدانىلىپ جاتقان زاڭنامالاردىڭ وزدەرى سىبايلاس جەمقورلىق قۇقىق بۇزۋشىلىقتارىنا جاعداي جاساۋى مۇمكىن نورمالاردان ارىلىپ، قۇقىقتىق قازاقستاننىڭ دامۋىنا تىكەلەي باعىتتالىپ وتىر.

ازاماتتىق قوعامنىڭ بەلسەندى مۇشەلەرى دوڭگەلەك ءۇستول تاقىرىبى مەن ماقساتىنىڭ تەرەڭدىگىن جانە ماڭىزدىلىعىن اتاپ ءوتىپ، مۇنداي كەلەڭسىزدىككە جالپى قوعام بولىپ جول بەرمەۋ، ىندەتتىڭ جولىن كەسۋ ءاربىر ازاماتتىڭ پارىزى ەكەندىگىن باسا ايتتى.

ەلىمىزدىڭ الەۋمەتتىك، ەكونوميكالىق، مادەني جانە قۇقىقتىق تۇرعىدا دامۋىندا تەجەگىش فاكتور رەتىندە اسەر ەتەتىن سىبايلاستىق جەمقورلىق دەرەكتەرىن تۇبەگەيلى جويۋعا باعىتىنداعى جۇمىستاردىڭ جەتكىلىكسىزدىگى، دەگەنمەن مەملەكەت تاراپىنان بۇل قۇقىق بۇزۋشىلىقپەن كۇرەستە ءتيىمدى مەحانيزمدەر قاراستىرىلعانى ءسوز ەتىلدى. 

مىسالى، مۇنداي مەحانيزمدەردىڭ ءبىرى رەتىندە قازاقستان رەسپۋبليكاسى «سىبايلاس جەمقورلىققا قارسى كۇرەس تۋرالى» زاڭىنىڭ 7-بابىندا سىبايلاس جەمقورلىقپەن قۇقىق بۇزۋشىلىق فاكتiسi تۋرالى حابارلاعان نەمەسە سىبايلاس جەمقورلىققا قارسى كۇرەسكە وزگە دە تۇردە جاردەمدەسەتiن ادام مەملەكەتتiڭ قورعاۋىندا بولادى،سىبايلاس جەمقورلىققا قارسى كۇرەسكە جاردەمدەسەتiن ادام تۋرالى اقپارات مەملەكەتتiك قۇپيا بولىپ تابىلادى، سونداي-اق، سىبايلاس جەمقورلىق قۇقىق بۇزۋشىلىق فاكتiسi تۋرالى حابارلاعان نەمەسە سىبايلاس جەمقورلىققا قارسى كۇرەستە وزگە دە جولمەن جاردەمدەسكەن ادام قر ۇكىمەتىكوزدەگەن تارتiپپەن كوتەرمەلەنەدi دەپ كورسەتىلگەن.

كورسەتىلگەندەرمەن قاتار، سىبايلاس جەمقورلىققا قارسى كۇرەس جۇرگiزۋشi ورگاندار قاجەت بولعان جاعدايدا سىبايلاس جەمقورلىققا قارسى كۇرەسكە جاردەمدەسەتiن ادامداردىڭ جەكە باسىنىڭ قاۋiپسiزدiگiن قامتاماسىز ەتەدi دەلىنگەن.

دوڭگەلەك ءۇستول سوڭىندا ءىس شاراعا قاتىسۋشىلار ءوز تاراپتارىنان مۇنداي كەلەڭسىزدىكتەرگە كوز جۇما قارامايتىندىعىن جەتكىزدى.

Abai.kz