مىنە، سونداي بالعىندار شات­تىققا بولەنگەن بەيسەنبى كۇ­نى تالدىقورعان قالاسىندا قوس بىردەي «ايگولەك» جانە «اي­بوبەك» بالاباقشاسى جەت­كىن­­شەكتەر ءۇشىن ەسىگىن ايقارا اشتى. اشىلۋ سالتاناتىنا وب­لىس اكىمى اماندىق باتالوۆ، «نۇر وتان» پار­تيا­سى وبلىس­تىق فيليالى توراعاسىنىڭ ورىن­باسارى سەرىك مۇقانوۆ، ءماس­ليحات حاتشىسى ەرمەك كەلەم­سەيىت، ءبىلىم باسقارما­سىنىڭ باسشىسى ءلاززات بازار­قۇلوۆا، تالدىقورعان قالا­سىنىڭ اكىمى ەرمەك الپىسوۆ، قالالىق ءبىلىم ءبولىمىنىڭ باس­شىسى بولات تۇرىسبەكوۆ قاتى­سىپ، بوبەك­تەردىڭ ورتاسىنىن تابىلدى.

العاشقى كەزەكتە №15 «اي­گولەك» بالاباقشاسىندا بولعان وبلىس اكىمى اماندىق عابباسۇلى بالاباقشا ۇجىمى مەن اتا-انالاردى قۇتتىقتادى.

– ەلباسىنىڭ قولداۋى مەن بۇگىن­دە ەلىمىزدە جەمىستى جۇ­مىس ىستەپ جاتقان «بالاپان» باعدار­لاماسى اياسىندا بۇلدىر­شىندەرىمىزدى بالاباقشامەن قامتۋعا مۇمكىندىك الىپ وتىر­مىز. وسى جىلى الدى­مىزعا ۇلكەن ماقسات قويىپ، جەتكىن­شەكتەردى بالاباقشامەن قامتۋ دەڭگەيىن جىل سوڭىنا دەيىن 77 پايىزعا جەتكىزسەك دەگەن ويى­مىز بار. وتكەن جىلدى 64 پايىزبەن تامامدادىق، قازىرگى تاڭدا 6 جاسقا دەيىنگى بۇلدىر­شىندەردى باقشامەن قامتۋ دەڭگەيى 72 پايىزدى قۇراپ وتىر. بيىلدىڭ وزىندە 98 مەك­تەپكە دەيىنگى ءبىلىم بەرۋ مەكە­مەسىن اشۋدى جوسپارلاساق، ونىڭ 68-ءى جەكەمەنشىك ۇلگىدەگى بالاباقشا. بۇگىنگى تاڭدا وبلى­سىمىزدا 769 مەكتەپكە دەيىنگى مەكەمە جۇمىس ىستەيدى.

جاڭادان بوي كوتەرگەن «ايگولەك» بالاباقشاسىنىڭ اشىلۋىمەن بارشاڭىزدى قۇت­تىق­تايمىن. اسپانىمىز اشىق، ەلىمىز امان، بالالارىمىز باقىتتى بولسىن! – دەدى.

اتا-انالار اتىنان ىرىس­تى مۋستافينا ءسوز الىپ، سول­تۇستىك-باتىس شاعىن اۋدا­نى­نىڭ بالالارى ءۇشىن ەڭسەلى بالا­باقشا سالۋعا مۇمكىندىك جاساعان ەل اعالارىنا العىسىن جەتكىزدى.

بۇدان سوڭ وبلىس اكىمى اماندىق باتالوۆ پەن اقسا­قال­دار القاسىنىڭ مۇشەسى مەرەكە سەرعازين بالاباقشا لەنتاسىن قيدى.

جينالعان كوپشىلىك بالا­باق­شا ءىشىن ارالاپ كوردى. قۇرى­لىس جۇمىسىن «سۋرماك» جشس جۇرگىزگەن 280 ورىندى ەكى قابات­تى عيمارات بارلىق تالاپقا ساي جابدىقتالىپ، جاسالعان. ءتىپتى كىرەبەرىس دالىز­گە كولىك تۇراعى ورناتىلىپ، وندا بالالار ويناي­تىن ماشينا، ۆەلوسيپەدتەر قويىل­عان. جەتكىن­شەكتەردى جول ەرە­جەسىن ۇيرەتۋگە باۋليتىن باعدارشامدار دا ءار تۇستان مەن­مۇندالايدى.

باسپالداقپەن كوتەرىلەر تۇس­تاعى قابىرعاعا دا اسەم تابيعات كورىنىسىن بەينەلەيتىن سۋرەت سالىنعان. توپ بولمەلەرى دە ءسان­دى جابدىقتالعان. بالالاردىڭ قولەڭبەگىن قويار كىشىگىرىم قابىر­عالار دا قاراستىرىلعان.

وبلىس اكىمى اماندىق باتا­لوۆ بالاباقشانى ارالاپ كورىپ، ءان-كۇي زالىندا بالا­لار­دىڭ ونەرىن، دەنە شىنىقتىرۋ بولمە­سىندە سپورتتىق ويىنداردى تاماشالاپ، بالاباقشا بۇلدىر­شىندەرىنە جۇمساق ويىنشىق- ت­اردى تارتۋ ەتتى.

بۇدان سوڭ وبلىس اكىمى «شىعىس» شاعىن اۋدانىنداعى №14 «ايبوبەك» بالا­باقشا­سىنىڭ اشىلۋ سالتانا­تىنا قا­تى­سىپ، تۇرعىنداردى قۋانى­شىمەن قۇتتىقتادى. وب­لىس باس­شىسى مەن اقساقالدار القاسى­نىڭ مۇشەسى امانتاي بوستەكباەۆ بالاباقشا لەنتاسىن قيدى. «بالاپان»، «جۇلدىز»، «گۇلدەر» توبىندا اشىق ساباق­تاردى كو­رىپ، مۋزىكا زالىن­دا بۇلدىرشىن­دەردىڭ دايىنداعان كونتسەرتتىك باعدارلاماسىن، سپورتزالدا بالا­لاردىڭ تاەك­ۆاندو ويىن­دارىن تاماشالادى. بۇلدىر­شىندەرگە سىيلىعىن تارتۋ ەتتى.

بالالار ءۇشىن بارلىق جاعداي جاسالىپ، جاتىن، ويىن بولمە­لەرى قاراستىرىلعان 320 ورىندى با­لاباقشا قۇرىلىسىن «گاككۋ-قۇ­رىلىس» جشس جۇر­گىز­گەن. با­لا­باقشا عيماراتى دا الىس­تان مەنمۇندالاپ، شاعىن اۋداننىڭ ءسانىن اشىپ تۇر. ەڭ باستىسى، بالاباقشاعا ءزارۋ بولىپ وتىر­عان اتا-انالاردىڭ سۇرانىسى وتەلدى.

قۋانىشتى بولىسۋگە كەلگەن شا­عىن اۋدان تۇرعىنى، كوپ­بالالى انا تۇرار بوستانوۆا:

– بۇگىن شاعىن اۋدان تۇر­عىندارى ءۇشىن ۇلكەن قۋانىش. مەم­لەكەت، وبلىس باسشىلا­رى­نىڭ انا مەن بالانىڭ جاعدايىن ويلاپ، وسىنداي اسەم بالاباقشا سالىپ بەرىپ جاتقانىنا مىڭ دا ءبىر راحمەت. وسىندا بالالاردىڭ كۇمىس كۇلكىسى عانا ەستىلىپ، بولاشا­عىنا نۇرلى باسپالداق قالانا بەرسىن، – دەگەن تىلەگىن جەتكىزدى.

الما ەسەنباەۆا

Abai.kz