جازۋشى لۋكاشەنكونىڭ سىنىنا جاۋاپ بەردى
بەلارۋس جازۋشىسى، 2015 جىلى ادەبيەت سالاسى بويىنشا نوبەل سىيلىعىنىڭ يەگەرى بولعان سۆەتلانا الەكسيەۆيچ "گوۆوريت موسكۆا" راديوستانتسياسىنا بەرگەن سۇحباتىندا بەلارۋس حالقىن ەشقاشان سىناماعانىن، تەك عانا ەلدىڭ پرەزيدەنتى الەكساندر لۋكاشەنكونىڭ ساياسي شەشىمدەرىنە قارسى بولىپ كەلگەنىن ايتتى.
الدىن بەلارۋس ليدەرى "كەيبىر شىعارماشىلىق تۇلعالار ءوز ەلىن جامانداۋ ارقىلى نوبەل سىيلىعىن الىپ وتىر" دەگەن بولاتىن.
الەكسيەۆيچ لۋكاشەنكونىڭ بۇل مالىمدەمەسىنە تۇسىنىك بەرە كەلە، "بۇل پرەزيدەنتتىڭ ايتاتىن ءسوزى ەمەس ەدى، قازىر حالقى رەفورما كۇتىپ وتىر، ونىڭ ورنىنا لۋكاشەنكو بيلىكتى ۇستاپ قالۋعا عانا تىرىسادى" دەپ جاۋاپ بەردى.
جازۋشى سۆەتلانا الەكسيەۆيچ 2015 جىلدىڭ 8 قازانىندا نوبەل سىيلىعىن الدى. نوبەل كوميتەتى ونىڭ شىعارماسىن ء"بىزدىڭ ۋاقىتتىڭ ازاپ شەككەندەرگە جانە ەرلىكتەرىنە ارنالعان ەسكەرتكىش" دەپ اتادى. ول نوبەل سىيلىعىن العان كەزدە الەكساندر لۋكاشەنكونىڭ ءوزى قۇتتىقتاعان بولاتىن.
الەكسيەۆيچ بۇل قۇتتىقتاۋدى11 قازاندا لۋكاشەنكو پرەزيدەنت سايلاۋى الدىندا حالىقتىڭ الدىندا "بەت پەردەسىن ۇستاپ تۇرۋ كەرەك بولدى" دەپ پايىمدايدى. "ەندى قازىر ول ماقساتىنا جەتتى، نە ايتامىن دەسە دە ءوزى بىلەدى" دەدى جازۋشى.
اباي-اقپارات
