ء"بىز فينليانديا تاريحىن بۇرمالاپ بەرەتىن رەسەيلىك باسىلىمداردى تاۋىپ، اشكەرەلەيمىز", – دەگەن ۇكىمەتتىڭ قوعاممەن بايلانىس قىزمەتىنىڭ باسشىسى جانە فينليانديانىڭ قاۋىپسىزدىك جونىندەگى كوميتەتتىڭ ەكسپەرتى مارككۋ مانتيلا جەكسەنبى كۇنى "كالەۆا" گازەتىنە.

ونىڭ سوزىنشە، رەسەي باق-ى جۇيەلى تۇردە ەلدەگى بەدەلدى ساياساتكەرلەردىڭ ءسوزىن بۇرمالايدى جانە بۇل كەزدەيسوق ەمەس.

"رەسەي باق-تىڭ باسىم بولىگى ءبىزدىڭ ەلدىڭ باسشىلارى رەسەيگە قارسى ەۋروپالىق وداقتىڭ سالعان سانكتسياسىن توقتاتۋ كەرەك دەپ مالىمدەگەندەي كورىنىس تۋعىزادى", – دەيدى ەكسپەرت.

ول "رەسەيدىڭ ماقساتى اقپاراتتىق سوعىس ارقىلى ەۋروپالىق وداقتىڭ تۇتاستىعىن بۇزۋ" دەپ ەسەپتەيدى.

رەسەيدىڭ اقپارات قۇرالدارىنا قارسى توپ جۇمىسىن ۇستىمىزدەگى جىلدىڭ سوڭىندا باستاماقشى. ول گارۆارد ۋنيۆەرسيتەتى مەن رۋزۆەلت قورىنىڭ ماماندارى شاقىرىلاتىنىن اتاپ ءوتتى.

اباي-اقپارات