جوعارىعا جاقسى جۇمىس ىستەپ جاتىرمىن دەپ ەسەپ بەرۋ ءۇشىن، يىعىنداعى شەندى ءوسىرۋ جولىندا نە ىستەۋ كەرەك؟
تىرەكىسىز ءھام تۋىسى جوق ادامداردى بوپسالاۋ كەرەك. 
ولار كىمدەر؟
ناشاقور، ورالمان، جەتىم، بۇرىن سوتتالعان، جەسىر، ىشىمدىككە اۋەس جانە ت.س.س. ەرەكشەلىكتەرى بولۋى ءتيىس. 
ولاردى زاڭ قورعاماسا، قوعام جاناشىر بولماسا قانداي ىسكە باراتىنىن بىلەتىنبىز جانە تاعى ءبىر مارتە بىلدىك. 
جوعارىداعى "ەرەكشەلىكتەرى" بار جانە زاڭ قىزمەتكەرلەرىنەن ابدەن تۇڭىلگەن ادامنىڭ ورنىنا ءوزىڭىزدى قويىپ كوردىڭىز بە؟ مەن كوردىم. ءبىر ءسات كوزىمدى جۇمدىم. ەلەستەتتىم. جوق، مەن ولاردىڭ زورلىعىنا شىدامايدى ەكەنمىن. وڭايشىلىقپەن ولاردىڭ دەگەنىنە كونە سالمايدى ەكەنمىن. ءوزىمدى دە قيناپ ولتىرە المايدى ەكەنمىن. ويتكەنى، جان ءتاتتى. جان بەرۋ وڭاي ما؟! ەندەشە زورلىق جاساعانداردى، بوپسالاۋشىلاردى اتار ەدىم. باۋىزدار ەدىم. جاستىعىمدى الا كەتەر ەدىم.
بۇل جاقسى ما؟ جاقسى وي ما؟ جاقسى ارەكەت پە؟ بىلمەيمىن.

ايدوس جۇقانۇلى

Facebook-تەگى پاراقشاسىنان