رەسەي قورعانىس مينيسترلىگى سوڭعى 24 ساعاتتىڭ ىشىندە 39 اسكەري ۇشاعى «يسلام مەملەكەتى» سودىرلارىنا قارسى 51 اۋە سوققىسىن جاساعانىن حابارلايدى.

قورعانىس مينيسترلىگىنىڭ مالىمەتىنشە، رەسەي ۇشاقتارى حاما، لاتاكيا، داماسك جانە الەپپو ايماقتارىن تالقانداعان.

رەسەي اۋە سوققىلارى باستالعالى بەرى سيريالىق اسكەرلەر ەلدىڭ بارلىق ايماقتارىندا بەلسەندى شابۋىلعا كىرىسە باستادى. رەسەي سيريادا اۋە وپەراتسياسىن 30 قىركۇيەكتەن باستاپ جۇرگىزىپ جاتىر.

بريتانيادا ورنالاسقان ادام قۇقىقتارىنىڭ مونيتورينگى جونىندەگى سيريالىق ورتالىقتىڭ حابارلاۋىنشا، رەسەيلىك اۋە كۇشتەرىنىڭ كومەگىمەن سيريا ۇكىمەتى الەپپو پروۆينتسياسىنداعى ۆاديحي جانە سابكيە ەلدىمەكەنىن وپپونەنتتەرىنىڭ قولدارىنان قايتارىپ العان. شابۋىل كەزىندە 17 كوتەرىلىسشى مەن 8 ۇكىمەت ساربازى قايتىس بولعان. ۇكىمەت اسكەرلەرى بۇگىندە الەپپونىڭ جارتىسىن باقىلاۋعا العان. 

اباي-اقپارات