جۇما, 29 ناۋرىز 2024
بيلىك 3978 0 پىكىر 18 قازان, 2015 ساعات 22:54

ايىمبەتوۆ تالدىقورعاننىڭ قۇرمەتتى ازاماتى

قازاق ەلىنىڭ قاھارمان ۇلى ايدىن ايىمبەتوۆ تالدىقورعان قالاسىنىڭ قۇرمەتتى ازاماتى اتاندى، - دەپ جازادى "ايقىن" گازەتى.

سارسەنبىنىڭ ساتىندە مەملەكەت باسشىسىنىڭ جارلىعىمەن «حالىق قاھارمانى» اتانىپ، جوعارى ناگرادانى قازاق ەلىنىڭ تۇڭعىش پرەزيدەنتى نۇرسۇلتان ءابىشۇلى  نازارباەۆتىڭ ءوز قولىنان العان قازاقتان شىققان ءۇشىنشى، قازاقستان رەسپۋبليكاسى اتىنان عارىشتى باعىندىرعان العاشقى عارىشكەر ايدىن ايىمبەتوۆ بەيسەنبىدە ءوزىنىڭ كىندىك قانى تامعان، وسىنداعى جاس تەحنيكتەر كلۋبىندا اسپان كوگىنە العاشقى تالپىنىسى جاسالعان تالدىقورعان قالاسىنا ارنايى كەلىپ، جەرلەستەرىمەن جۇزدەستى. اعايىننىڭ ىستىق ىقىلاسى مەن كوپشىلىكتىڭ كولدەي كوڭىلىنە رازى بولعان عارىشكەر ەلدىڭ، جەردىڭ يگىلىگى ءۇشىن الداعى كەزدە دە ايانباي ەڭبەك ەتەتىن تولقي تۇرىپ، جەتكىزدى.

جەتىسۋلىقتار باتىر ۇلدى اۋەجايدا قارسى الدى. قاسىنا قالا اكىمىن جانە تاعى باسقا وبلىستىق دەڭگەيدەگى باسشىلاردى، ارداگەرلەردى ەرتكەن وبلىس اكىمى اماندىق باتالوۆ عارىشكەردىڭ الدىنان اعالىق قۇشاعىن ايقارا اشىپ شىعىپ، باتىردى باۋىرىنا باستى. تۋعان جەرگە باسقان قادامىنا قۇت-بەرەكە تىلەدى. كەشە عانا ەلباسىنىڭ ەرەكشە ىقىلاسىنا بولەنگەن عارىشكەر جەرلەستەرىنىڭ ءىلتيپاتىنا دا تەبىرەنە تولقىدى. اۋەجايعا سيماي ونىڭ ماڭىن دا مەرەيلەندىرىپ جىبەرگەن جۇرتشىلىق «حالىق قاھارمانىن» شامالارى جەتكەنشە القالادى. وسىنداي كوتەرىڭكى كوڭىل-كۇيمەن جولعا شىققان، سالتاناتتى كەرۋەن ات باسىن «جاستار» سپورت سارايىنا بۇردى. مۇندا دا ايدىندى اتشاپتىرىم سارايعا تولا جينالعان القالى جۇرت قارسى الدى. حالىقتىڭ اماناتىن ارقالاپ، اسپان  كوگىنەن امان-ەسەن ورالعان عارىشكەردى تۋعان جەرىندەگى ەڭ سالتاناتتى سارايلاردىڭ ءبىرىنىڭ تورىنە وتىرعىزىپ، قۇرمەتتەگەن حالىق الدىندا ءبىرىنشى بولىپ ءسوز العان الماتى وبلىسىنىڭ اكىمى باتىردى جەرلەستەرى اتىنان شىن جۇرەكتەن قۇتتىقتادى.

تۋعان قالاڭىزعا، جەر جانناتى جەتىسۋ جەرىنە قوش كەلدىڭىز! قازاقتىڭ ابىرويىن اسىرعان سىزدەي ازاماتتىڭ الماتى وبلىسىندا دۇنيەگە كەلىپ، ءبىلىم الىپ، قىزمەت جاساعاندىعى – ءبىز ءۇشىن ۇلكەن ماقتانىش. 

بالا كەزىڭىزدەن عارىشكەر بولۋدى ماقسات تۇتقان،  قازاق ەلىنىڭ تۋىن عارىشقا الىپ شىقسام دەگەن بالالىق ارمانىڭىز ورىندالدى. ۇستىمىزدەگى جىلدىڭ ەكىنشى قىركۇيەگىندە قازاق ەلىنىڭ اتىنان عارىشقا ۇشقان تاريحي ساتىڭىزگە كۋا بولدىق، قاتتى قۋاندىق، ەرەكشە تولقىدىق. كوپتىڭ تىلەگى قابىل بولىپ، امان-ەسەن جەرگە ورالدىڭىز. قاراپايىم قازاق بالاسىنىڭ ماقساتكەرلىگى ارقاسىندا قالىڭ قازاق جۇرتىنىڭ جىلدار بويعى ارمانى ورىندالىپ،  سونىڭ ناتيجەسىندە ۇلى دالا ەلىنىڭ ۇلاناسىر ماقتانىشىنا اينالدىڭىز.  كەشە عانا ەلباسىنىڭ جارلىعىمەن «حالىق قاھارمانى» اتاعى تابىستالعانىن كورىپ ءبىر قۋانىپ ەدىك، بۇگىن، مىنە، وزىڭمەن جولىعىپ ، تاعى ءبىر جاساپ قالدىق، – دەگەن وبلىس باسشىسى  ايدىننىڭ عارىش كەڭىستىگىندە وننان اسا عىلىمي-تاجىريبەلىك سىناق جۇرگىزگەنىن ەرەكشە اتاپ ءوتتى. وتاندىق عارىش سالاسىن دامىتۋداعى ەڭبەگى جاستار ءۇشىن ونەگە،  كوك اسپانعا جاساعان  ساپارى وسكەلەڭ ۇلگى ەكەنىنە ايرىقشا توقتالدى.  

سالتاناتتى ءساتتىڭ كەلەسى بولىگىندە  تالدىقورعان قالاسىنىڭ اكىمى ەرمەك الپىسوۆ عارىشكەرگە  تالدىقورعان جۇرتشىلىعى اتىنان تىلەك-لەبىزىن ءبىلدىرىپ، ايدىن اقانۇلىنا تالدىقورعان قالاسىنىڭ قۇرمەتتى ازاماتى اتاعى بەرىلگەنىن حابارلاپ، جول تالعامايتىن سۋ جاڭا تەمىر تۇلپاردىڭ كىلتىن تاپسىردى.

قۇرمەتتى قوناق تولقىنىسىن جاسىرى المادى. ونىسى جۇرتقا ارناعان لەبىزىندە دە ءبىلىنىپ تۇردى.

– قۇرمەتتى جەرلەستەر! وزدەرىڭىزبەن اماندىقتا قاۋىشقاندىعىما قۋانىشتىمىن. مەنىڭ عارىشقا ساپارىمنىڭ ويداعىداي بولۋى ءبىرىنشى كەزەكتە ەلباسىنىڭ بەدەلى مەن قايراتكەرلىگىنىڭ ارقاسىندا، سونان  كەيىن بارشا جەرلەستەرىمنىڭ ىزگى نيەت، شىنايى تىلەگىنىڭ ناتيجەسى ەكەنى انىق.  سول ءۇشىن بارشاڭىزعا ۇلكەن العىسىمدى بىلدىرەمىن. الداعى كەزدە «قازعارىشتا» جۇمىسىمدى جالعاستىرۋ ارقىلى قازاقستاننىڭ ءوسىپ-وركەندەۋى جولىندا ايانباي ەڭبەك ەتۋگە جانە  الەمدەگى ەڭ مىقتى عارىشتىق دەرجاۆالار قاتارىنا قوسىلۋى جولىندا بار ءبىلىمىم مەن بىلىگىمدى جۇمساۋعا ء سوز بەرەمىن، –   دەدى ول ءوزىنىڭ سوزىندە.  سپورت  سرايىنداعى جۇزدەسۋ وبلىستىڭ ۇزدىك شىعارماشىلىق ۇجىمدارىنىڭ ازىرلەگەن كونتسەرتتىك باعدارلاماسىمەن جالعاستى.

ايدىن ايىمبەتوۆ ءوزى ءبىلىم نارىمەن سۋسىنداعان № 14 ورتا مەكتەپكە بارىپ، ءبىلىم ورداسىنىڭ ۇجىمىمەن جۇزدەستى. اق پەيىل مەن ىنتىماقتىڭ بەلگىسى رەتىندە مەكتەپ وقۋشىلارى اسپانعا اق شارلاردى ۇشىرۋ ارقىلى، وزدەرى وقىپ جاتقان مەكتەپ تۇلەگىنە دەگەن رازىشىلىقتارىن ءبىلدىردى. وسى كۇندى اسىعا كۇتكەن عارىشكەردىڭ سىنىپتاستارى دا قۇرداستارىن قۇشىقتارىنا قىسىپ، ەمەن-جارقىن اڭگىمەلەسىپ، مەكتەپ قابىرعاسىندا جۇرگەن كەزدەرىن ەسكە الدى. سونان سوڭ مەشىتكە كىرىپ، اتا-بابا ارۋاعىنا ارنىپ قۇران باعىشتاعان  باتىر ءوزى ساردارلىق ەتكەن  №21751 اسكەري بولىمگە بارىپ، جەكە قۇراممەن دە كەزدەستى.

بولات اباعان، الماتى وبلىسى

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2277
عيبىرات

قايسار رۋحتى عازيز جان

مۇحتار قۇل-مۇحاممەد 3594