"توقسان ءۇيلى توبىردىڭ" قامىن ويلاپ قامبار باتىر تالاي ءتۇن كوز شىرىمىن الماسا، سول بابامنىڭ اياق استىنان "القاش", "شىلىمقور" بولىپ شىققانىن ۋايىمداپ مەن دە ءۇش ءتۇن ۇيىقتامادىم. ءسارىنجىپوۆتىڭ مينيسترلىگى ايتقان "قامبار باتىر" جىرىنىڭ ون توعىز نۇسقاسىن بولماسا دا ءبىرازىن پاراقتاۋعا تۋرا كەلدى. ەرتەرەكتە ەنىپ كەتكەن، "توبىر قازاققا" ادەيى جازىلعان ديۆاەۆتىڭ نۇسقاسىن وقۋلىققا ەنگىزۋدىڭ قانشالىقتى قاجەتى بولدى دەگەندى ءبارىبىر تۇسىنە المادىم. بۇل جولى دا ادەيى جاسالعان سياقتى. ايتپەسە، كەڭەس وكىمەتى تۇسىنداعى وقۋلىق قۇراستىرۋشىلارىمىز مىناداي انايى نۇسقانىڭ بار ەكەنىن بىلمەدى دەيسىز بە؟ ءبىلدى! بىلگەن سوڭ ازاعامىزعا، ءازىلحان نۇرشايىقوۆقا تاپسىرىس بەرىپ، تاربيەلىك، پاتريوتتىق مازمۇنداعى "قامبار باتىردى" جازدىردى. وقۋلىققا ەنگىزدى. بۇتىندەي ءبىر ۇرپاق سونىمەن تاربيەلەندى. مۇندا اراق تا، شاراپ تا، شىلىم دا جوق. "ساپىرىلعان سارى قىمىز" بار. سوڭىنداعى قامباردىڭ ءسوزى قانداي!
"قازاقتىڭ جەرى دوسقا-جاننات، تۋىسقا-جازيرا، دۇشپانعا-توزاق! ءبىز ءوز جەرىمىزدىڭ ءبىر جاپىراعىن باسقاعا بەرمەيمىز..." 
بۇگىنگى ۇرپاققا كەرەك ءسوز وسى ەمەس پە؟ سارىنجىپوۆتەر قامباردى بىلسە مۇنداي ماسقارا بولماس ەدى عوي...

ارمان سقابىلۇلى

عاسebook-تەگى پاراقشاسىنان