قازىر قاي تەلەارنانى اشىپ قالساڭ دا كورەتىنىڭ، قازاقتى مازاق ەتكەن ىربىڭداعان، جىربىڭداعان، اۋزى باسىن قيساڭداتقان الاباجاق ارتىستەر. قاتىن بوپ كيىنگەن – ەركەك، ەركەك بوپ كيىنگەن – قاتىن،  كوگىلدىر ەكران الدىندا كوستەڭ-كوستەڭ، جىرتىڭ، جىرتىڭ ەتىپ، ابدەن باسقا ۇلتتاردى قايدام، مىنا ءبىزدىڭ قازاق كورەرمەندەرىن ابدەن ىعىر ەتىپ بولدى. سالماقتى دەيتىن تەلەحابارلاردىڭ ءوزىن تاعى دا قيساڭداعان، سىزدانعان، كوسەمسىگەن، سۇيرەڭدەگەن ارتىستەر جۇرگىزەدى.

قازاقتىڭ ءتىلىن، ءدىنىن قورلاپ وتىرعان جوعارى جاق بولسا، مىنا «ىربىڭبايلار» مەن «جىربىڭبايلار» دا سول جوعارىنىڭ تاپسىرماسىمەن «قازاقتى قورلاڭدار» دەپ قويعانداي اسەر ەتەدى.

ەندى قازاقتىڭ «ىربىڭبايلارى» مەن «جىربىڭبايلارىنا» قاپتاعان ءمانى مەن ماعىناسى قازاق مەنتاليتەتىنە مۇلدەم جات، انا «كەلىن» سياقتى ءۇندى مەن كارىس سەريالدارى قوسىلعان.

بىزدەگى تەلەارنالاردىڭ  مەملپەكەت تاراپىنان قارجىلاندىرىلاتىنى بەلگىلى. ياعني، ولار قازىرگى بيلىكتىڭ عانا سويىلىن سوعىپ وتىر دەگەن ءسوز.

مىنا «ىربىڭبايلار» مەن «جىربىڭبايلاردى» تويتاڭداتىپ قويعان دا، بۇگىنگى قازاقستاندىق بيلىك ەمەس دەپ كىم ايتا الادى، بۇدان سوڭ؟

وسىنداي ماسقارالارعا جول بەرىپ وتىرعان بىزدەگى بارلىق تەلەارنالاردىڭ باسشىلارىنىڭ نە ويلاعاندارى بار؟ ولارعا «جاتپاي، تۇرماي، قازاقتى قورلاڭدار!» دەپ انا جوعارىداعى مىقتى «كوكەلەرى» تاپسىرما بەرىپ وتىر ما؟

سونشا ماسقارالاپ، قورلايتىنداي «قالىڭ ەلىم، قازاعىم، قايران جۇرتىم»-نىڭ (اباي) بۇلاردىڭ الدىندا نە جازىعى بار؟

جۇماش كەنەباي

Abai.kz