تەررورعا قارسى بولىمدەردىڭ ارنايى وكىلى ساباح ال-نۋماني بۇگىن يراك اسكەرىنىڭ راماديدىڭ ورتالىعىنداعى ۇكىمەتتىك عيماراتتارعا قاراي جاقىنداعانىن حابارلادى. ءنۋمانيدىڭ مالىمەتىنشە، ۇرىس وسى عيماراتتارمەن كورشى اۋدانداردا دا ءجۇرىپ جاتىر، يراك اۆياتسياسى اۋەدەن قولداۋ كورسەتۋدە.

باعدادتان جۇزدەگەن شاقىرىم جەردە ورنالاسقان راماديدى بوساتۋ وپەراتسياسى قالاعا باراتىن جولدارعا باقىلاۋ ورناتۋعا تىرىسقان بىرنەشە اي بويعى ۇمتىلىس جۇزەگە اسقان سوڭ، جەلتوقساننىڭ باسىندا باستالدى.

انبار پروۆينتسياسىنىڭ اكىمشىلىك ورتالىعى راماديدىڭ مامىر ايىندا سودىرلاردىڭ قولىنا ءوتۋى، يراك ۇكىمەتى ءۇشىن ەڭ ءىرى جەڭىلىس بولعان ەدى. يراك ارنايى قىزمەت ورىندارىنىڭ دەرەگىنشە، راماديداعى يم سودىرلارىنىڭ سانى 250-دەن 300-گە دەيىن جەتەدى.

اباي-اقپارات