استانا سيريا بويىنشا جاڭا قاراردى قۇپتايدى
قازاقستان بۇۇ قاۋىپسىزدىك كەڭەسىنىڭ سيريا داعدارىسىن ساياسي جولمەن شەشۋگە باعىتتالعان قارارىن جانە الەم قاۋىمداستىعىنىڭ بۇل ەلدەگى قاندى قاقتىعىستى بەيبىت جولمەن شەشۋگە جاساعان باتىل قادامىن قولدايدى.
قازاقستان ءسىم مالىمدەمەسىندە، استانا بۇۇ جارعىسى نەگىزىندە بولاشاقتا جاھاندىق انتيتەررورلىق جەلىگە اينالا الاتىن، تەررورعا قارسى مايدان قۇرۋ باستاماسىن دا قۇپتايتىنى تۋرالى ايتىلعان.
بۇۇ قاۋىپسىزدىك كەڭەسى جەلتوقساننىڭ 18-دە، سيرياداعى جاعدايدى ساياسي جولمەن شەشۋ تۋرالى قاراردى ءبىراۋىزدان قابىلدادى. مۇنىڭ الدىندا كەڭەستىڭ بەس تۇراقتى مۇشەسى سيريادا وق اتۋدى توقتاتۋعا جانە ۇلتتىق كەلىسىم ۇكىمەتىن قۇرۋعا باعىتتالعان ەكى جىلدىق جوسپاردى قامتيتىن قۇجات ءماتىنىن ءوزارا ماقۇلداستى. سيريا بيلىگى مەن وپپوزيتسيا اراسىنداعى كەلىسسوزدەردى 2016 جىلدىڭ قاڭتارىندا باستاۋ كوزدەلگەن.
اباي-اقپارات
