بوراتتى ەسكە العىمىز جوق، شىنىمىزدى ايتساق. وزىمەن كەتسىن.
ءبىز ودان قۇتىلعىمىز كەلگەنمەن، ول بىزدەن ايىرىلماي قويدى، الايدا.

«قازاقستان – بورات». «بورات – قازاقستان». بۇلار ءبىر ۇعىمعا اينالىپ كەتكەن əلدەقاشان. مويىنداعىمىز كەلمەسە دە، əزىرگى əلەم قازاقستاندى بورات ارقىلى تانىدى جəنە بورات ارقىلى بىلەدى. 
كۇلەدى. «بورات، بورات» دەيدى. 
امەريكا مەن ۇلىبريتانيا تۇرعىندارى ءبىزدى اۋعانستانمەن شاتاستىرادى ەكەن، شىن بولسا. ول جاققا بارىپ كەلگەندەر ءسۇي دەيدى. ءبىزدى بىلمەيدى، دەمەك. مۇلدە بىلمەيدى. ءتىپتى كارتادان كورسەتە المايدى. جوق، راس.
بىراق، بوراتتى بىلەدى. ءبىزدىڭ ءيميدجدى وسى بورات قالىپتاستىرىپ قويعان، باياعىدان-اق. انىعى وسى. اقيقاتى دا وسى.

بوراتتىڭ تۇسىرىلگەنىنە 10 جىل بولدى ما، بولمادى ما؟ مəسەلە وندا ەمەس. مəسەلە: وسى ۋاقىتتىڭ ىشىندە ءبىز بوراتتاعى قازاقستان مەن شىن ومىردەگى قازاقستاننىڭ مۇلدە سəيكەسپەيتىنىن، سورپاسى قوسىلمايتىنىن دəلەلدەي المادىق.
قازاقستاندى بىلمەيتىندەردى ساۋاتسىزدىعى ءۇشىن سوگە المايسىڭ.
بىلمەيتىندەر بىلەتىندەي، ەستىمەگەندەر ەستيتىندەي ەشتەڭە اتقارماپپىز وسى 25 جىلدا ء(بىز سولاي ويلايمىز، ءسىز باسقاشا ويلاۋىڭىز مۇمكىن).
ازيادا؟ وبسە؟ تاعى نە؟ قازاقستاننىڭ ءيميدجىن كوتەرەدى دەگەن بىردە-ءبىر شارا بوراتتىڭ شاڭىنا ىلەسە المادى. وكىنىشكە وراي. 
بورات نەگە ءبىزدىڭ قىر سوڭىمىزدان قالماي قويدى؟ ءبىز ودان قالاي قۇتىلامىز؟ 
ەكسپو؟ ءسىز بۇعان سەنەسىز بە؟ ءبىز سەنبەيمىز. ەكسپو باستالماي جاتىپ سəتسىزدىككە ۇشىرادى. باسشىسى جەدى، قوسشىسى دا سولاي. ءƏلى باستالماعان كورمەنىڭ ءيميدجى ءبۇلىندى، وسىلاي.  بۇل جامان ىرىم، نەگىزى.
كورمەنىڭ جۇمىسىنا جاۋاپتى ادامدار نازارباەۆتىڭ الدىندا باستاعان ءىستىڭ بەرەكەسى كەتكەنىن، بىلايشا ايتقاندا تۇك بىتىرمەگەنىن ءبىلدىرىپ قويدى. كىمنىڭ كەلەتىنى، كىمنىڭ قاتىساتىنى بەلگىسىز ەكەن، ءəلى كۇنگە دەيىن. 
مۇنداي ەكسپو قازاقستاننىڭ اتىن قاي جاعىنان تانىتۋى مۇمكىن؟ 
تانىتتى: ەكسپوداعى جەمقورلىق قازاقستاننىڭ «قاپتەسەرلەر مەملەكەتى» ەكەنىن تاعى مارتە دəلەلدەدى.
بەلگىلىسى، ءبىزدىڭ ەل بورات دەگەن لاقاپ اتتان ارىلعان كۇنى əلەم دە باسقا قازاقستاندى تانيتىن بولادى.  ال ءəزىر...
ال ءəزىر ءبىز əلەمنىڭ اۋزىنا قاقپاق قويا المايمىز. 

بورات شە؟ «ول تاپسىرىسپەن تۇسىرىلگەن دۇنيە» دەيدى. «شەتەل اسقان قازاق وپپوزيتسيونەرى قارجىلاندىرىپتى-مىس...». «سايقىمازاق ستسەناريدى دە جازىپ شىققان سونىڭ ءوزى»، –دەيدى ۇزىنقۇلاق. وشىگىپ جازعان، قارالاعىسى ەمەس، ماسقارالاعىسى كەلگەن. كىم بىلگەن؟  سولاي بولۋى دا مۇمكىن، بىزدىڭشە.
بىراق بۇل دا ماڭىزدى ەمەس، ەندىگى جەردە.
بورات دەگەن لاقاپ اتتان قالاي ارىلامىز؟ بورات ەمەس ەكەندىگىمىزدى  قالاي دəلەلدەيمىز؟ 
تاپسىرىس بەرگەن ادام بار بولسا (كوزى ءتىرى بولسا) حاوستاعى قازاقستاننىڭ قازىرگى كۇيىن كورىپ-ءبىلىپ، باقىلاپ وتىر. «جەمقورلار مەملەكەتى». «Əلەمدەگى ەڭ داراقى ەل»، «شالاقازاقستان»...
تاپسىرىس بەرگەن ادام شىنىمەن دە بار بولسا، ول بۇل مۇمكىندىكتى قۇر جىبەرمەيدى. «بورات – 2» العاشقىسىنان دا سوراقى شىعۋى مۇمكىن.

دۋمان بىقاي

Abai.kz