تاۋەلسىزدىكتىڭ 24 جىلدىعىنا وراي، وڭتۇستىك قازاقستان وبلىسىندا ۇلى كۇندى ۇلىقتاۋ مەرەكەسى جوعارى دارەجەدە تويلانۋدا. مەرەكە اياسىندا وبلىستىڭ اۋدان، قالالارىندا الەۋمەتتىك جانە كوممۋنالدىق، جالپى سانى، 45  نىسان ەل يگىلىگىنە بەرىلدى.

ەگەمەندىك مەرەكەسى قارساڭىندا تۇركىستان قالاسىندا 9 الەۋمەتتىك نىسان، ياعني، شاھاردا مەملەكەتتىك-جەكە ارىپتەستىك اياسىندا 120 ورىندىق «جان-نۇر» بالاباقشاسى مەن  «جاستار مەن جاسوسپىرىمدەر» ورتالىعى اشىلدى. ال قالاداعى كوپقاباتتى 2 ءۇي ورتالىق جىلۋ قازاندىعىنا قوسىلىپ، 122 پاتەرگە جىلۋ جەتتى. بۇدان بولەك، تۇركىستاننىڭ 6 باعىتتاعى شىعا بەرىس كوشەلەرى تۇگەل جارىقتاندىرىلىپ، ورتالىق 6 كوشەدە جاڭادان ەلەكتر باعانالارى ساپ تۇزەدى. شاھاردى كەسىپ وتكەن «بەينەۋ-شىمكەنت» ماگيسترالدى گاز قۇبىرىنان اۆتوماتتاندىرىلعان گاز تاراتۋشى ستانساسى مەن ەسكى يقان اۋىلىنا دەيىن گاز جەتكىزگىش قۇبىرىنىڭ قۇرىلىسى ءبىتتى. سونداي-اق، كيەلى مەكەندەگى بۇعان دەيىن ماقتا ەگىپ، ماتا شىعارىپ، قالا بەردى ماقتا مايى مەن سۋسابىن ءوندىرىپ كەلگەن «تۇران» شارۋا قوجالىعى بۇدان بىلاي 20 ءتۇرلى ءسۇت ونىمدەرىن شىعارىپ، وبلىس اۋماعىنا ساتىلىمعا شىعاراتىن بولدى. ەگەمەندىك كۇنى اياسىندا كەنتاۋ قالاسىنان تۇركىستان شاھارىنا دەيىن كەلگەن قۇبىردىڭ سۋ وتكىزگىش بولىگىنىڭ سۋ تاراتقىش قۇرىلعىسىنىڭ قۇرىلىسى تولىقتاي اياقتالدى. بۇدان بولەك، تاۋەلسىزدىككە تارتۋ رەتىندە قالاداعى 30 مىڭ حالقى بار «بەكزات» مولتەك اۋدانىنداعى ەلەكتر قۋاتىنىڭ ساپاسىن ارتتىراتىن جانە وسىنداعى يندۋستريالدى ايماققا قاجەتتى 5 مۆت ەلەكتر قۋاتىن تاراتاتىن 110/35/10 كۆ «كوممۋنالنايا» قوسالقى ستانساسىنىڭ قۇرىلىسى ءوز مەجەسىنە جەتىپ، ىسكە قوسىلدى. تۇركىستاندا اشىلعان 9 الەۋمەتتىك نىساننىڭ سوڭعىسى – قالاداعى سارقىندى سۋ جۇيەسىنىڭ قۇرىلىسى جالعاسىن تاۋىپ،  13 ءبىلىم مەكەمەسى، ورتالىق كىتاپحانا مەن حالىققا قىزمەت كورسەتۋ ورتالىعى وسى جۇيەگە قوسىلدى.

ەلىمىزدىڭ تاۋەلسىزدىگى كۇنى قارساڭىندا تولە بي اۋدانىندا ەكى بالاباقشا پايدالانۋعا بەرىلىپ، 3 ەلدى مەكەندەگى 3 مىڭ وتباسى، ياعني 15 مىڭ تۇرعىن تابيعي وتىنمەن قامتاماسىز ەتىلدى.  

مەرەكەلىك توي-دۋمان سارىاعاش اۋدانىنىڭ ەكى بىردەي ءبىلىم بەرۋ نىسانىنىڭ اشىلعانىمەن ەرەكشەلەندى. اۋدانداعى وشاقتى اۋىلدىق وكرۋگىنە قاراستى ساتتاروۆ ەلدى مەكەنىندە 600 وقۋشىعا شاقتالعان ى.التىنسارين اتىنداعى №104 ورتا مەكتەپتىڭ قۇرىلىسى ءبىتىپ، پايدالانۋعا بەرىلسە، جىلعا اۋىلدىق وكرۋگىنە قاراستى شەڭگەلدى ەلدى مەكەنىندە مەملەكەت پەن جەكەمەنشىك ارىپتەستىگى اياسىندا 120 ورىندىق بالاباقشا اشىلدى.  

ۇلى كۇندى ۇلىقتاۋ تويىندا تۇلكىباس اۋدانىندا 7 الەۋمەتتىك نىسان اشىلىپ، ەل يگىلىگىنە بەرىلدى. ساستوبە پوسەلكەسىندە 100 ورىندىق «تورەجەن» بالاباقشاسى،  كەمەرباستاۋ اۋىلدىق وكرۋگىنە قاراستى العاباس اۋىلىندا مەديتسينالىق بەكەت پەن مايلىكەنت ەلدى مەكەنىندە فەلدشەرلىك اكۋشەرلىك بەكەت پايدالانۋعا بەرىلدى. سونىمەن قاتار، كەرشەتاس اۋىلى مەن م.جارىمبەتوۆ اۋىلىندا اۋىز سۋمەن قامتاماسىز ەتىلسە، ت.رىسقۇلوۆ اۋىلىنداعى «جانكەنت» مولتەك اۋدانىندا گاز، اۋىز سۋ، ەلەكتر ەنەرگياسى سىندى كوممۋنالدىق ماسەلەلەر تولىق شەشىمىن تاپتى. سونداي-اق، ساپالى قىزمەت كورسەتۋ ماقساتىندا ت.رىسقۇلوۆ اۋىلىندا «الاتاۋ» مەديتسينالىق قىزمەت كورسەتۋ ورتالىعى اشىلدى.

ايتۋلى مەرەكەدە ورداباسى اۋدانىندا جاڭا 5 الەۋمەتتىك نىسان ىسكە قوسىلدى. ماسەلەن، تەمىرلان اۋىلىندا 100 ورىندىق «قىمبات اپا»، شۇبارسۋ اۋىلىندا 150 ورىندىق «كاۋسار-ءالي» جانە 100 ورىندىق «نۇر مەرەي» بالاباقشالارى بۇلدىرشىندەرگە ەسىگىن ايقارا اشتى. سونداي-اق، اۋداندا تاۋلىگىنە 250 توننا بيداي وڭدەيتىن «ورداباسى نان» ديىرمەنىنىڭ ەكىنشى كەزەڭى ىسكە قوسىلىپ،  ىنتالى اۋىلىندا فەلدشەرلىك-اكۋشەرلىك بەكەت حالىققا قىزمەت كورسەتە باستادى.

شاعالالى شاردارادا مەرەكەلىك تارتۋ رەتىندە بەس الەۋمەتتىك نىسان بوي تۇزەدى. دوستىق پەن كوكسۋ اۋىلدارىنان 140 ورىندىق، اقشەڭگەلدى ەلدى مەكەنىنەن 60 ورىندىق مەكتەپكە دەيىنگى مەكەمەنىڭ سالتاناتتى اشىلۋ ءراسىمى ءوتتى. سونداي-اق، شاردارالىقتارعا تاۋەلسىزدىكتىڭ 24 جىلدىعىنىڭ قۇرمەتىنە 24 پاتەرلى كوپقاباتتى ءۇيدىڭ كىلتى تابىستالدى.  اۋدانداعى توزىعى جەتكەن مادەنيەت سارايى كۇردەلى جوندەۋدەن ءوتىپ، اۋدان تۇرعىندارى ءۇشىن كوپتەن كۇتكەن يگىلىكتى ءىس بولدى.

وتىرار اۋدانىندا دا ەل مەرەكەسى ايقىن سەزىلدى. اۋدانداعى ش-9, ءشامشى، قالقاباي-ەبەلەك كانالدارى كۇردەلى جوندەۋدەن وتسە، بەستوراڭعىل ەلدى مەكەنى تازا اۋىز سۋمەن قامتىلدى. ال ماياقۇم، كوكساراي، قارعالى جانە ارىس اۋىلدارى تۇنگى جارىقتاندىرۋمەن قامتاماسىز ەتىلدى. سونداي-اق، شىلىك اۋىلىندا جاڭا اكىمشىلىك عيمارات پايدالانۋعا بەرىلدى.

ازات كۇندى تويلاۋ كەزىندە سوزاق اۋدانى دا مەكتەپكە دەيىنگى مەكەمەمەن تولىقتى. ونداعى قۇمكەنت اۋىلىندا 75 بالاعا شاقتالعان «ماحامبەت» جەكەمەنشىك بالاباقشاسى اشىلسا، قازىعۇرت اۋدانىنىڭ سابىر راقىموۆ اۋىل وكرۋگىندە 200 ورىندىق مادەنيەت ءۇيى حالىققا قىزمەت كورسەتۋدى باستادى. ال وبلىس ورتالىعى – شىمكەنتتە ىرگەتاسى 1930 جىلى قالانعان شىمكەنت مەديتسينا كوللەدجىنىڭ جاڭا وقۋ عيماراتى تۇساۋىن كەستى.

اتالعان نىسانداردى پايدالانۋعا بەرۋ بارىسىندا وبلىستا جۇمىس ورىندارى اشىلىپ، 500-دەن استام ازامات جۇمىسپەن قامتىلدى.  

وقو اكىمىنىڭ ءباسپاسوز قىزمەتى