جۇما, 29 ناۋرىز 2024
بيلىك 3840 0 پىكىر 15 جەلتوقسان, 2015 ساعات 11:20

تولەبيدە ەكى بالاباقشا اشىلىپ، 15 مىڭ تۇرعىنعا گاز بەرىلدى

ەلىمىزدىڭ تاۋەلسىزدىگى كۇنى قارساڭىندا وقو، تولە بي اۋدانىندا ەكى بالاباقشا پايدالانۋعا بەرىلىپ، 3 ەلدى مەكەنگە تابيعي وتىن جەتتى.

اتاپ ايتساق، مەرەكە اياسىندا اۋدان ورتالىعى لەنگەر قالاسىندا ەكى بىردەي 280 ورىندىق جانە 75 ورىندىق بالاباقشا ەل يگىلىگىنە بەرىلدى.  اتالعان ورتالىقتار زاماناۋي ۇلگىدە سالىنعان. مۇندا بالالارعا بارلىق جاعداي جاسالعان.  بوبەكجاي زامان تالابىنا ساي ەتىپ، قۇرال-جابدىقتارمەن قامتاماسىز ەتىلگەن.

تولەبي اۋدانىندا جالپى 43 بالاباقشا جانە 31 مەكتەپ جانىنان اشىلعان شاعىن ورتالىق جۇمىس ىستەيدى. ونىڭ 27-ءسى مەملەكەتتىك مەكەمەلەر بولسا، 16-سى جەكەمەنشىك بالاباقشا.

جالپى اۋداندا «بالاپان» باعدارلاماسى اياسىندا 5940 ءبۇلدىرشىن بالاباقشاعا بارىپ، بالالاردى مەكتەپكە دەيىنگى مەكەمەمەن قامتۋ كورسەتكىشى  80,2 پايىزدى قۇرادى.

بۇل كۇنى تولەبيدەگى كوكسايەك، قازاقستان، جىڭىشكە ەلدى مەكەنىندەگى ءۇش مىڭ وتباسى، ياعني، 15 مىڭ تۇرعىن تابيعي گازبەن قامتاماسىز ەتىلدى.

2010 جىلعا دەيىن اۋدان حالقىنىڭ 15 پايىزى عانا كوگىلدىر وتىنعا قول جەتكىزسە، اتقارىلعان جۇيەلى جۇمىستاردىڭ ناتيجەسىندە اۋداننىڭ 36 ەلدى مەكەنىندەگى 95 706 تۇرعىن نەمەسە جەرگىلىكتى حالىقتىڭ 82 پايىزى تابيعي وتىنمەن قامتىلدى.

جۇمىستار مۇنىمەن توقتامايدى. اۋدان حالقى 2017 جىلدىڭ سوڭىنا دەيىن تولىعىمەن كوگىلدىر وتىنمەن قامتاماسىز ەتىلەدى دەپ جوسپارلانۋدا.

 وقو اكىمىنىڭ ءباسپاسوز قىزمەتى

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1567
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2261
عيبىرات

قايسار رۋحتى عازيز جان

مۇحتار قۇل-مۇحاممەد 3544